ايماقتار • 11 جەلتوقسان، 2019

جاڭعىرعان جامبىل ءوڭىرى

346 رەتكورسەتىلدى

ەكى مىڭ جىلدان استام تاريحى بار تاراز شاھارى كونەنىڭ كوزى، تاريحتىڭ ءوزى. كەزىندە اۋليەاتا اتالعان جامبىل وبلىسىنىڭ قۇرىلعانىنا بۇگىندە 80 جىل تولىپ وتىر. وسى ۋاقىت ارالىعىندا ايماقتا تالاي تاريحي وقيعالار مەن وزگەرىستەر ورىن الىپ، ۇلت تاريحىنىڭ ەلەۋلى كەزەڭىنە اينالدى. تاۋەلسىزدىك جىلدارى اۋليەاتا ءوڭىرى، تاراز شاھارى قايتا تۇلەپ، ەلىمىز بويىنشا وزىندىك قولتاڭباسىن قالىپتاستىردى. بۇگىندە جامبىل وبلىسى دامۋدىڭ داڭعىل جولىنا ءتۇسىپ، تۇرعىنداردىڭ تۇرمىسىن تىكتەۋدە كوپتەگەن يگى ءىس اتقارۋدا. ماسەلەن، تاراز قالاسىنداعى ب.مومىش ۇلى اتىنداعى «جەڭىس» ساياباعىنىڭ جانە ق.رىسقۇلبەكوۆ اتىنداعى ساياباقتىڭ قايتا كۇردەلى جوندەۋدەن وتكىزىلۋى، «داڭق» زالىنىڭ اشىلۋى سياقتى وقيعالار ەل ەسىندە. جاڭا اشىلعان «ەرلىك» مەموريالدىق كەشەنى، «عيبرات»، «جەلتوقسان-86» ورتالىقتارى، ء«بىلىم» الاڭى دا ءوڭىر ساۋلەتىن ارتتىرۋعا وزىندىك ۇلەسىن قوسۋدا. بۇدان بولەك، وبلىس ورتالىعىندا جانە اۋدان ورتالىقتارىندا دا كوپتەگەن نىسان اشىلىپ، بۇگىندە ەل يگىلىگىنە قىزمەت ەتۋدە. سونىمەن قاتار تۇرعىن ۇيلەردىڭ سالىنۋى، كوپتەگەن الەۋمەتتىك نىساننىڭ پايدالانۋعا بەرىلۋى دە ءوڭىردىڭ دامىعانىن كورسەتەدى. ەندى جامبىل وبلىسىنىڭ 80 جىلدىعىنا وراي وبلىس اكىمى اسقار مىرزاحمەتوۆتىڭ باستاماسىمەن تاراز قالاسىندا «شاحريستان» تاريحي-مادەني كەشەنىنىڭ قۇرىلىسى قارقىندى جۇرگىزىلۋدە. سونداي-اق «تەكتۇرماس» ەتنو-تاريحي كەشەنىنىڭ قۇرىلىسى باستالدى. بۇدان بولەك، سوڭعى جىلدارى جامبىل وبلىسىندا كوپتەگەن يگى جوبا قولعا الىنىپ، ءوز جەمىسىن بەرۋدە. ءبىر سوزبەن ايتقاندا، جامبىل وبلىسى بۇگىندە دامىعان، جاڭعىرعان ايماققا اينالىپ وتىر. اۋليەاتا ايماعى تاريحي تۇلعالاردان دا كەندە ەمەس. ءار سالادا جەتىستىككە جەتكەن قايراتكەر تۇلعالار كوپتەپ سانالادى. كەنەن ازىرباەۆ، باۋىرجان مومىش ۇلى، شەرحان مۇرتازا ەسىمدەرى ۇلتتىڭ ۇلىلىعىن كورسەتەدى. وسىنداي قاستەرلى تۇلعالار لەگى ۇرپاقتار ساباقتاستىعى ارقىلى جالعاسىن تاۋىپ كەلەدى. وسى ورايدا اۋليەاتا وڭىرىنەن شىققان كورنەكتى قايراتكەرلەر تۋعان جەرگە دەگەن ىستىق لەبىزىن جولداپ، پەرزەنتتىك پەيىلىن بىلدىرگەن بولاتىن...

ءاسانالى ءاشىموۆ،

كسرو حالىق ءارتىسى:

– قاسيەتتى اۋليەاتا ءوڭىرىنىڭ 80 جىلدىق مەرەيتويى كەلە جاتىر. ايتۋلى مەرەكەمەن جام­بىل­دىق جەرلەستەرىمنىڭ ءبا­رىن دە قۇتتىقتايمىن! جامبىل وبلىسى ءار ۋاقىتتا دا جاق­سى­لىق پەن جەتىستىككە جەتىپ كە­لە­­ءدى. بەرەكە جۇعىستى بولعان سول وبلىستا تۋىپ-وسكەنىمە ماق­تا­نامىن. توي تويعا ۇلاسا بەرسىن! جەتىستىك كوپ بولسىن! جامبىل ءوڭىرى ەلىمىزدەگى شىراي­لى ايماقتىڭ ءبىرى. ءوزىم سول جەردە ومىرگە كەلگەندىكتەن دە ونىڭ ءاربىر جەتىستىگىنە قۋانامىن، كەلە­شە­گىنە كوپ كوڭىل بولەمىن. ءاردايىم جەتىستىگى كوپ بولسا ەكەن دەپ تىلەيمىن!

 

ومىربەك بايگەلدي،

مەم­لەكەت جانە قوعام قاي­رات­­كەرى:

– بيىل جامبىل وبلىسىنىڭ قۇرىلعانىنا 80 جىل تولىپ وتىر. كەزىندە اۋليەاتا ۋەزى بولعان ايماق كەيىننەن جامبىل جاباەۆ اتىن الدى. ميرزويان اتىمەن دە اتالعانىن بىلەمىز. جالپى ىلگەرى زامانداعى باتىس تۇرىك قاعاناتىنىڭ، قازاق مەملەكەتىنىڭ ۇلى ورداسىنىڭ استاناسى بولعان تاراز دەگەن قالا تاريحتان بەل­گى­لى. مۇنىڭ بارلىعى دا سول ەلدىڭ وسكەنىنىڭ، وركەندەگەنىنىڭ بەل­گى­سى. سوندىقتان دا حالىقپەن بىرگە قۋانىشتى قارسى الامىز. جام­بىلدىقتارعا زور كەلەشەك تىلەي­مىز. ەندى حالىقتىڭ ومىرىندە ەشقان­داي دا اۋىرتپاشىلىقتار بول­ما­سىن!

 

اياگۇل ميرازوۆا،

قازاقستاننىڭ ەڭبەك ەرى:

– ءوزىم دۇنيەگە كەلگەن جامبىل وبلىسى مەنىڭ ءومىرىم­نىڭ قاينار بۇلاعى، باستاۋى. سون­دىقتان دا وتان قۋات، وتباسى شۋاق بولسا، اۋليەاتا ءوڭى­رى مەنىڭ جانىمنىڭ شۋاعى. تۋعان جەر – التىن بەسىگىمنىڭ تاريحى. جامبىل وبلىسىنىڭ بۇگىنگى مەرەيى ەل ەرتەڭىنە دەگەن سەنىم، حالىقتىڭ اسىل مۇراتى. بۇل كيەلى دە اۋليەلى ولكە قازاق تاريحىنداعى ۇلى وقيعالارعا كۋا بولعان مەكەن. قازاق حاندىعى تۋىنىڭ العاش وسى توپىراقتا تىگىلۋى، ايتۋلى تاريحي وقيعانىڭ 550 جىلدىعىنىڭ جامبىل وبلىسىندا اتالىپ ءوتىلۋى دە تەگىن ەمەس. بۇل ءبىزدىڭ ولكەمىزدىڭ ەرەكشە ەكەنىن تاعى ءبىر رەت كورسەتكەن وقيعا ەدى. اۋاسى شيپا، جۋسانى جۇپار، جەرى انامداي، ەلى پانامداي بولعان تۋعان جەرىمنىڭ 80 جىلدىق بەلەسى قۇتتى بولسىن!

 

جاقسىلىق ۇشكەمپىروۆ، قازاقستاننىڭ ەڭبەك ەرى، حالىقارالىق دارەجەدەگى سپورت شەبەرى:

– بيىل جامبىل وبلىسىنىڭ قۇرىلعانىنا 80 جىل. بۇل ءبىزدىڭ ءوڭىرىمىزدىڭ كوركەيگەنىن، ءوسىپ-ونگە­نىن كورسەتەدى. وسىنداي ۇلى كۇنگە ءبىز حالىقتىڭ، ەل دەپ ەڭبەك ەتكەن ازاماتتاردىڭ ارقا­سىندا جەتىپ وتىرمىز. ءوزىم دە جامبىل جەرىنىڭ تۋماسى بولعاننان كەيىن، تۋعان جەرىم­دى ءجيى ەسكە الامىن. ءاربىر جەتىس­تىگىنە قۋانىپ كەلەمىن. سون­دىق­تان دا تۋعان جەرىمىز تابىستى بولسىن! وليمپيادا جەڭىم­پازدارى كوپ بولسىن! ءبىز دۇنيە­گە كەلگەن جەرىمىزدى ەشقاشان ۇمىت­پاۋىمىز كەرەك. قاسيەتتى اۋليەاتا ءوڭىرىنىڭ الدا تالاي جەتىستىكتەرگە جەتەتىنىنە سەنەمىن!

 

جامبىل وبلىسى

 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار