ايماقتار • 10 جەلتوقسان، 2019

تارازدا سۋ ءتاريفى كوتەرىلەدى

297 رەتكورسەتىلدى

تاراز قالاسىنىڭ اكىمى ايتقازى قارابالاەۆ وبلىس ورتالىعىن سۋمەن قامتاماسىز ەتىپ وتىرعان «تاراز سۋ» كاسىپورنىنىڭ جۇمىسىمەن تانىستى.  

اكىم كەزدەسۋ بارىسىندا ءوزىنىڭ ورىنباسارى قايسار سارىتايعا سۋدىڭ ءتاريفىن كوتەرۋگە، قالاداعى ەگەسىز سۋ قۇبىرلارىن قالانىڭ تەڭگەرىمىنە الۋعا جانە «قۇمشاعال» شاعىن اۋدانىنداعى سۋ مۇناراسىنىڭ كۇردەلى جوندەۋ جۇمىستارىنا بيۋدجەتتەن قاراجات قاراستىرۋعا تاپسىرمالار بەردى.تۇرعىندارمەن كەزدەسۋ بارىسىندا تۇتىنۋشىلاردى سۋمەن قامتاماسىز ەتۋ ماسەلەسى دە ءسوز بولدى.

مەكەمەنىڭ ارتىقشىلىعى دا، كەمشىلىگى دە ايتىلدى. قازىرگى كەزدە «تاراز سۋ» مەكەمەسىندە 687 جۇمىسشى بار ەكەن. اتالعان كاسىپورىن 92 110 جەكە تۇلعا مەن 4534 زاڭدى تۇلعاعا قىزمەت كورسەتەدى. الايدا تاراز قالاسىندا بۇگىندە 350 مىڭنان استام تۇرعىن بولسا، ونىڭ 80000-نان استامى ءالى تازا اۋىز سۋمەن قامتىلماعان.

الايدا، اكىممەن كەزدەسۋ بارىسىندا اتالعان مەكەمە «تاراز قالاسىنىڭ سۋمەن جابدىقتاۋ جۇيەسىن جاڭعىرتۋ» جوباسى اياسىندا ۇڭعىمالار مەن سورعى ستانتسيالارىن جاڭعىرتۋ بويىنشا اۋقىمدى جۇمىستار جۇرگىزگەن. سونداي-اق مەكەمەگە «GRUNDFOS» نەمىس كومپانياسىنىڭ جاڭا سورعىلارى، زاماناۋي شىعىن ولشەگىشتەر ورناتىلىپ، ارنايى تەحنيكا جانە جابدىقتار ساتىپ الىنعان.

سوڭعى جاڭالىقتار

ۇقساس جاڭالىقتار