مەديتسينا • 10 جەلتوقسان، 2019

تۋبەركۋلەز دەرتى ەكى ساعاتتا انىقتالادى

29 رەتكورسەتىلدى

نەگىزگى ماقسات قۇرت اۋرۋىنىڭ الدىن-الۋ جانە ءولىم-ءجىتىمدى ازايتۋ. اعىمداعى جىلدىڭ 10 ايىندا اقمولا وبلىسىندا تۋبەركۋلەز دەرتىنىڭ تارالۋ دەڭگەيى 13،7 پروتسەنتكە  تومەندەگەن. ءولىم-ءجىتىم كورسەتكىشى  1،4 پروتسەنتتى قۇراپ وتىر. سالا ماماندارى وڭىردەگى دەرتتىڭ تارالۋ دەڭگەيىن سارالاپ، ەمدەۋدىڭ تىڭ تاسىلدەرىن قولداناتىندارىن ايتىپ وتىر.    

قازىرگى ۋاقىتتا تۋبەركۋلەزدى زەرتحانا ادىسىمەن انىقتاۋ تولىقتاي جەتىلدىرىلۋدە. مىسالى، تۋبەركۋلەز اۋرۋى قوزدىرعىشىنىڭ دارىگە سەزىمتال نەمەسە ءتوزىمدى ەكەنىن انىقتاۋ ءۇشىن بۇرىن 1-2 اي ۋاقىت قاجەت بولسا، قازىر G-Xpert اپ­پاراتىنىڭ كومەگىمەن بۇل سۇراقتىڭ جاۋابى نەبارى 2 ساعاتتا دايىن بولادى. وزىق يننوۆاتسيالىق زەرتحانالىق تەحنولوگيالار تۋبەركۋلەزدى جانە كوپتەگەن دارىلەرگە توزىمدىلىكتى جەدەل انىقتاۋعا مۇمكىندىك بەرەدى جانە سونىڭ ناتيجەسىندە ناۋقاسقا قاجەتتى ەم ۋاقىتىلى تاعايىن­دالادى.

ء–بىزدىڭ ەلدە تۋبەركۋلەز دەرتىمەن كۇرەسۋگە سەرپىن بەرىپ وتىرعان «دەنساۋلىق» باعدارلاماسى بار. ەپيدەميولوگيالىق جاعدايدى بىرقالىپتى ۇستاپ، تارالۋ دەڭگەيىن تومەندەتۋ ماقساتىندا 2020 جىلى 100 مىڭ  ادامعا شاققاندا  جاڭا اۋىرعانداردىڭ سانى 50-دەن اسپاۋى كەرەك. بولاشاقتا بۇل دەرتتەن كوز جۇماتىندار مۇلدەم بولماۋى كەرەك،–دەيدى وبلىستىق تۋبەركۋلەزگە قارسى كۇرەس ديسپانسەرىنىڭ باس دارىگەرى قاسىمجان تاشمەتوۆ.

قازاقستان رەسپۋبليكاسىنىڭ «دەنساۋلىق» باعدارلاماسىن  ىسكە اسىرۋ كەزەڭىندە  2016-2025 جىلدارعا ارناپ تۋبەركۋلەزدى باقىلاۋدىڭ جاڭا مودەلىن قالىپتاستىرعان بولاتىن. مودەل بويىنشا  ورتالىق قىزمەتى ءبىر ارناعا توعىسىپ، اتالعان سالا ماماندارىنىڭ جۇمىسىن جەڭىلدەتكەن. اق حالاتتىلاردىڭ جۇمىسى سارالانىپ، ارقايسىسىنا وزىندىك مىندەت جۇكتەلگەن. ءتىپتى سالا ماماندارى ەندى ناۋقاستاردى ۇيالى تەلەفون ياعني سمارتفون كومەگىمەن قاداعالاپ وتىرۋعا مۇمكىندىك العان. ءۇي جاعدايىندا ەم-دوم الىپ جۇرگەن ناۋقاستار  بەينە بايلانىسقا شىعىپ ءدارىنى قابىلداۋ ۋاقىتىندا ەسەپ بەرىپ تۇرادى.     

–تۋبەركۋلەزدىڭ الدىن-الۋدىڭ بىردەن ءبىر جولى ول بالالارعا ومىرگە كەلىسىمەن قويىلاتىن ەكپەلەر. ال ەسەيە كەلە مىندەتتى تۇردە دارىگەردىڭ تەكسەرۋىنەن ءوتىپ تۇرۋ كەرەك. فليۋوروگرافيالىق تەكسەرىس وتە ماڭىزدى. مەملەكەتتىك جانە جەكەمەنشىك مەكەمەلەر بىرلەسىپ جۇمىس جۇرگىزىلۋدە. ايتسە دە ەكپە جاساتۋدان باس تارتىپ جاتقاندار دا بار. اتا-انالارعا بالالارىنا ەكپە جاساتۋدان قورىقپاي، اۋرۋدىڭ الدىن الۋعا شاقىرامىز، دەيدى وبلىستىق  باقىلاۋ جانە تاۋار قاۋىپسىزدىگى باسقارماسى جەتەكشىسىنىڭ ورىنباسارى سەرىك ومارحانوۆ.

تۋبەركۋلەز دەرتىن تەگىن ەمدەۋگە بارلىق جاعداي جاسالعان. تۋبەركۋلەزدى جويۋ ءۇشىن، قوعامنىڭ دەنساۋلىق ساقتاۋ جۇكتەمەسىنە دەنساۋلىق ساقتاۋ قىزمەتكەرلەرىنىڭ كۇشى عانا ەمەس، سونىمەن بىرگە بۇكىل حالىقتىڭ  جوعارى بەلسەندىلىگى، الەۋمەتتىك مىندەتتەمەلەرى   قاجەت.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار