ايماقتار • 10 جەلتوقسان، 2019

قوستانايدا جۋرناليستەرگە ارنالعان سەمينار-ترەنينگ ءوتتى

31 رەتكورسەتىلدى

جاس جۋرناليستەر  بۇگىندە ءوزىنىڭ شەبەرلىگىن ارتتىرۋعا ىقپال ەتەتىن سەمينار-ترەنينگتەردى ىزدەپ جۇرەدى. ولاردى سونداي قاجەتتى اقپاراتتارمەن جانە شەبەرلىك مەكتەبىنىڭ تاماشا تاجىريبەسىمەن بايىتقان «مۋلتيمەديالىق جۋرناليستيكا: ساپالى كونتەنت دايىنداۋ ماسەلەلەرى» اتتى سەمينار-ترەنينگ قوستاناي قالاسىندا ءوتتى.

(ERG) ەرۋازيالىق توپقا قاراستى (ERG كومەك) كورپوراتيۆتىك قورىنىڭ وڭىرلىك جۋرناليستيكانى دامىتۋعا باعىتتالعان شاراسىنا جەرگىلىكتى جانە رەسپۋبليكالىق بۇقارالىق اقپارات قۇرالدارىنان 20-دان اسا جۋرناليست قاتىستى.

ولارعا قازاق جۋرناليستيكاسىنداعى بەلدى تۇلعاعا اينالعان قاينار ولجاي، مەيرامحان جاپەك، ەربول ازانبەك، ەرجان قالىمباي سەكىلدى مەدياترەنەرلەر مۋلتيمەديالىق جۋرناليستيكا، ىسكەرلىك جۋرناليستيكا جانە شەبەرلىك، ساۋاتتى جازۋ جونىندە قىزىقتى ساباقتار وتكىزدى. بۇگىنگى قازاق ءتىلدى جۋرناليستيكاداعى ەڭ وزەكتى تاقىرىپتاردىڭ ءبىرى – ساپالى كونتەنت جاساۋدىڭ قىر-سىرىن ۇيرەتتى.

«بىرنەشە جىل جۋرناليستيكا سالاسىندا جۇرسەك-داعى بىلگەنىمىزدەن بىلمەيتىنىمىز جەتەرلىك. وسى ورايدا سەمينار-ترەنينگتىڭ بەرگەنى كوپ بولدى» دەيدى جۋرناليستەر ءبىراۋىزدان.

ولار مەديا-ترەنەرلەردىڭ الداعى ۋاقىتتا قۇقىق، ەكونوميكا جانە وزگە تاقىرىپتارعا سەمينار-ترەنينگتەر وتكىزۋىنە ۇسىنىستار جاسادى.

7

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار