تاريحي دەرەكتەرگە سۇيەنسەك,1930-1953 جىلدار ارالىعىندا 40 ميلليوننان استام كەڭەس ازاماتتارى رەپرەسسياعا ۇشىراعان. وسى كەزەڭدە قازاقتاردىڭ 40 پايىزى قازا تاپقان. اسىرەسە بۇل زاڭسىز جازالاۋعا كەڭەس وداعى قۇرامىندا بولعان بارلىق حالىقتار مەن ۇلتتاردىڭ بەتكە ۇستار زيالى قاۋىم وكىلدەرى ۇشىراعان. بار ءومىرىن قازاق حالقىنىڭ رۋحانياتىنا ارناعان تۇلعالاردىڭ 125 جىلدىعىنا ارنالعان ءىس-شارالار ەل كولەمىندە كەشەندى قولعا الىنۋدا. وسىعان وراي ورتالىق مۋزەيدە ۇيىمداستىرىلىپ وتىرعان كورمەنىڭ نەگىزگى ماقساتى – 30-40 جىلدارى قۇربان بولعان زيالى قاۋىمنىڭ ازاماتتىق تۇلعاسىمەن تانىستىرۋ, وزگە دە دارا تۇستارىن وسكەلەڭ ۇرپاققا ناسيحاتتاۋ بولىپ تابىلادى
كورمەگە ورتالىق مۋزەي قورىنداعى ءىلياس جانسۇگىروۆتىڭ, ساكەن سەيفۋلليننىڭ, بەيىمبەت ءمايليننىڭ جەكە كەشەندەرىندەرى, سونىمەن قاتار زامانداستارى–تۇرار رىسقۇلوۆ پەن سۇلتانبەك قوجانوۆتىڭ مۇراعاتتان الىنعان ماتەريالدارى قويىلدى.
سونداي-اق كەلۋشىلەر نازارىنا سول جىلدارداعى زيالى قاۋىمنىڭ جۇمىس كابينەتىنىڭ كورىنىسى مەن س.سەيفۋلليننىڭ جەكە ءمورى, التىن ساعاتى, پورتسيگارى, ساكۆاياجى جانە زاتتارى ۇسىنىلدى. كەلۋشىلەر نازارىنا ۇسىنىلىپ وتىرعان بۇل كورمە تانىمال ارىستاردىڭ قازاقستان رەسپۋبليكاسى پرەزيدەنتىنىڭ ءارحيۆى, الماتىداعى ورتالىق مەملەكەتتىك مۇراعاتى جانە «عىلىم ورداسى» ورتالىق عىلىمي كىتاپحاناسىمەن بىرلەسىپ ۇيىمداستىرىلدى.
