قوعام • 09 جەلتوقسان، 2019

ءىزى ايقىن، ءىسى مىعىم

97 رەتكورسەتىلدى

ەسىمى ەكى كۇننىڭ بىرىندە ەرەكشە اتالىپ جاتپاسا دا، ەلگە سىڭىرگەن ەڭبەگىن ەسە­لەپ ولشەۋگە تۇرارلىق جاندار بو­لا­­دى. سونداي ەسىمنىڭ ءبىرى، مەملەكەت قايراتكەرى، رەسپۋبليكالىق بيۋد­جەتتىڭ اتقارىلۋىن باقىلاۋ جونىن­دە­گى ەسەپ كوميتەتىنىڭ بۇرىنعى مۇشەسى ەرلان تۇرلىبەكوۆ.

كاسىبي ءومىر جولىنىڭ قىرىق جىلدان استام ۋاقىتىن ەلىمىزگە ادال قىزمەت ەتۋگە ارناعان ازامات جايلى ايتا وتىرىپ، ەرتەڭگى بولاشاق جاس ۇرپاققا ونىڭ ونەگەلى ىستەرىن ۇلگى ەتكەن دۇرىس.

الدىمەن ە.قابىكەن ۇلىنىڭ تۋعان توپى­را­عىن ايتا كەتكەن ءجون. شىعىس قازاقستان وبلىسى تارباعاتاي اۋدانى اقسۋات اۋىلىندا دۇنيەگە كەلگەن ەرلان مەكتەپتى ۇزدىك ءبىتىرىپ، الماتى حالىق شارۋاشىلىعى ينس­تيت­ۋ­تىنا وقۋعا تۇسەدى. ەڭبەك جولىن قازاق سسر الەۋمەتتىك قامسىزداندىرۋ مينيس­تر­لىگىندە بۋحگالتەر-رەۆيزور رەتىندە باس­تاي­دى.

جالپى، ە.قابىكەن ۇلى 30 جىلعا جۋىق قارجى مينيسترلىگى مەن پارلامەنت ما­جىلىسىندە جۇمىس ىستەيدى. بۇل رەتتە ونىڭ ۇيىمداستىرۋشىلىق جانە ىسكەر­لىك قاسيەت­تە­رىنىڭ ارقاسىندا جاۋاپتى قىز­مەت­تەردى ابىرويمەن اتقارا ءبىلۋى – كوپكە ۇلگى ەتەرلىك دارا قاسيەت. جوعارى زاڭ شىعارۋ ورگانىندا كونسۋلتانت لاۋازىمىنان قارجى جانە بيۋدجەت كوميتەتىنىڭ قىزمەتىن قامتاماسىز ەتۋ جونىندەگى ءبولىم مەڭگەرۋشىسىنە دەيىن كوتەرىلىپ، ءماجىلىس توراعاسىنىڭ كەڭەسشىسى بولادى.

دوس-جاراندارىنىڭ ايتۋىنشا، ەرلان قابىكەن ۇلى كىشكەنتايىنان سەرتكە بەرىك، العىر ءارى زەرەك بولىپ وسەدى. ول ءوزىنىڭ تۋعان اۋدانى تارباعاتاي ءوڭىرىنىڭ دامۋى­نا ەلەۋلى ۇلەس قوسىپ، اۋىلداستارىنىڭ وز­ەك­تى ماسەلەلەرىن شەشۋگە ۇنەمى اتسالى­سا­دى. «تۋعان جەرگە تۋىڭ تىك!» دەگەن ءسوز­­دى ىسكەر­لىك­پەن دالەلدەۋ وڭاي شارۋا ەمەس. اسىرەسە ءوزى تۋعان ءوڭىردىڭ ماڭىز­دى الەۋمەتتىك نىساندارىنىڭ قۇرى­لى­سىن جانداندىرۋعا كومەكتەسە ءجۇرىپ، ەتكەن ەڭبەك، ەكەن ءداننىڭ ناتي­جە­سىن­دە اۋداننىڭ قۇر­مەت­تى ازاماتى اتانادى.

2006 – 2016 جىلدارى ەرلان قابىكەن ۇلى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولادى. وسى جاۋاپتى ءارى جوعارى لاۋازىمعا ول پارلامەنت ءماجىلىسىنىڭ قاۋلىسىمەن ەكى مارتە تاعايىندالىپ، ون جىل قىزمەت ەتەدى.

وسى كەزەڭ ىشىندە مەملەكەتتىك اۋديتپەن اينالىساتىن ەڭ جوعارى ورگاننىڭ جۇمىسى بارىنشا جەتىلدىرىلە ءتۇستى. سونداي-اق رەس­پۋب­ليكالىق بيۋدجەت قاراجاتىنىڭ، مەملەكەت اكتيۆتەرىنىڭ، سالىقتىق جانە كەدەندىك اكىمشىلەندىرۋدىڭ ءتيىمدى پايدالانى­لۋىن باعالاۋعا باعىتتالعان باقىلاۋ جانە ساراپ­تا­مالىق جۇمىستىڭ زاماناۋي ءادىس-تاسىلدەرى ەنگىزىلەدى.

ە.تۇرلىبەكوۆ سونداي-اق ەسەپ كومي­تە­تى­نىڭ مۇشەسى رەتىندە دەنساۋلىق ساقتاۋ، ءبىلىم بەرۋ جانە حالىقتى الەۋمەتتىك قور­عاۋ، اقپارات، مادەنيەت، سپورت جانە قۇقىق قور­عاۋ سالالارى ءۇشىن جاۋاپتى بولادى. ەڭ باستىسى، وزىنە سەنىپ تاپسىرىلعان جۇمىس­تاردى تياناقتى ورىنداپ، ءاردايىم مەملە­كەت مۇددەسىن جوعارى قويا بىلگەن سىيلى ازامات. ونىڭ جەتەك­شى­لى­گىمەن جۇرگىزىلگەن اۋديتورلىق تەكسەرۋ جۇمىستارىنىڭ قورى­تىن­دىسى بو­يىنشا قارجىلىق جانە وزگە دە قۇقىق بۇزۋ­شى­لىق­تار انىقتالىپ، ونداعان ميلليارد تەڭگە بيۋد­جەتكە قاي­تا­رىل­­عانىن دا ايتا كەتكەن دۇرىس.

بۇگىندە جەتپىستىڭ جەلكەنىن كوتەرىپ وتىرعان ەرلان قابىكەن ۇلى وسى ۋاقىتقا دەيىن كاسىبي جەتىستىكتەرى، سونىڭ ىشىندە مەملەكەتتىك جانە قوعامدىق قىزمەتى، ەلى­مىز­­دىڭ الەۋمەتتىك-ەكونوميكالىق جانە ما­دە­ني دامۋىنا ەلەۋلى ۇلەس قوسقانى ءۇشىن «قۇرمەت» وردەنىمەن جانە كوپتەگەن مەدالمەن ماراپاتتالدى.

ەرلان قابىكەن ۇلىنىڭ تاعى ءبىر ايتا كەتەتىن جاقسى قاسيەتى – ءوزى تاربيەلەگەن شاكىرتتەرىنە دەگەن ەرەكشە قامقورلىعى مەن ءىلتيپاتى دەۋگە بولادى. ۇلگىلى ۇستازدىڭ بۇل قاسيەتتەرىن شاكىرتتەرى ۇنەمى ايتىپ تا جۇرەدى. بىلۋىمىزشە، ونىڭ بويىندا قاتاڭ تالاپ تا، جۇمىسقا جۇمىلدىرا ءبىلۋ دە، شىدام­دى­لىقپەن تۇسىندىرە الۋ دا، ءوز قاتە­لىك­تەرىڭدى تۇزەۋگە جانە ءبىلىمىڭ مەن قارىم-قابىلەتىڭدى جەتىلدىرە تۇسۋگە ىنتا­لاندىرۋ دا جاقسى ۇيلەسىم تاپقان. بىراق، ەڭ باستىسى، ول شاكىرتتەرىن ءوزىنىڭ ومىر­لىك تاجىريبەسى نەگىزىندە تاربيەلەپ، ادال ءارى تىنىمسىز ەڭبەك ەتۋگە ۇيرەتەدى. ءتىپتى، جاس ماماندارعا اقىل-كەڭەسىن ايتىپ، مەملەكەتتىك قىزمەتتىڭ قىر-سىرىن تۇسىن­دى­رۋدەن جالىقپايتىن قامقورلىعى ناعىز قازاق ازاماتىنا ءتان دارا قاسيەت شىعار.

مەرەيتوي قاراساڭى – بەلگىلى ءبىر قورى­تىن­­دى جاسايتىن كەزەڭ. ەرلان قابىكەن ۇلى ەڭبەك­قور ءارى كاسىبي مامان رەتىندە ءوز سالاسىندا زور جەتىستىككە جەتكەنىن جوعارىدا اتاپ كەتتىك. ونىڭ تابىستى قىزمەتى مەن تاعى­لىمدى عۇمىرى وسكەلەڭ ۇرپاقتى تاربيە­لەۋ، مەملەكەت پەن قوعامعا ادال قىزمەت ەتۋ ىسىندە كوپشىلىككە ارقاشان ۇلگى-ونەگە بولا الادى. 

 

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

ۇقساس جاڭالىقتار