ون ءبىرىنشى مارتە ۇيىمداستىرىلىپ وتىرعان شاراعا وبلىستىڭ بارلىق اۋداندارىنان كەلگەن ۆوكالدى-اسپاپتى انسامبلدەر قاتىستى.
ءداستۇرلى فەستيۆالدىڭ اشىلۋ سالتاناتىندا اۋدان اكىمىنىڭ ورىنباسارى باقىتجان جارىلقاپ قۇتتىقتاۋ ءسوز سويلەپ, ەسكى اندەردى ەل ەسىنە الىپ جۇرگەن ونەر ۇجىمدارىنا العىسىن جەتكىءزدى.
فەستيۆال بارىسىندا قازالى اۋدانىنان «ريتم», «مەلوديا», «قازالى», جاڭاقورعان اۋدانىنان قاتىسقان «Jom-Art», سىرداريا اۋدانىنان كەلگەن «ريتم», قارماقشى اۋدانىنان «اقاي», جالاعاشتان «التىن – اراي», ارال اۋدانىنان «ارال» ۆوكالدى-اسپاپتى انسامبلدەرى70-90 جىلدارداعى اندەردى ورىنداپ, كوپشىلىك ىقىلاسىنا ءبولەندى.
كەشتە قازالى قالاسىنىڭ اكىمى راحمەتوللا ىزتىلەۋ, وبلىستىق حالىق شىعارماشىلىعىن دامىتۋ جانە مادەني-پروديۋسەرلىك ورتالىعىنىڭ ءبولىم مەڭگەرۋشىسى باعداگۇل ەسمۇرزاەۆا مەن اۋداندىق مادەنيەت جانە تىلدەردى دامىتۋ ءبولىمىنىڭ باسشىسى بولات جولتاەۆ شارا جايلى لەبىزدەرىن ءبىلدىرىپ, ۇيىمداستىرۋشىلار ونەر ۇجىمدارىنا باعالى سىيلىقتاردى تاپسىردى.
