الماتى قالاسى اكىمدىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا ۇيىمداستىرىلعان ايتۋلى تۋرنيردە الىس-جاقىن شەت مەملەكەتتەردەن كەلگەن التى كوماندا باق سىنادى. بارلىعى 225 قاتىسۋشى. وسى باسەكەلەر بارىسىندا 183 التىن, 161 كۇمىس جانە 232 قولا مەدال ساراپقا سالىندى.
ءتۇرلى جاس ەرەكشەلىكتەرى بويىنشا وتكەن جارىستا قازاقستان قۇراماسى تولاعاي تابىسقا قول جەتكىزىپ, جۇلدەلەردىڭ دەنىن قانجىعالارىنا بايلادى. ايتۋلى دودادا بەكجان جامانباي, سەيىلحان بولاتبەك, ايات تولەۋبەك, اڭسار كوماروۆ, نيكيتا بوندارەنكو, مەحريشات, ابدۋجالەلوۆ, تايماس ءسالىموۆ, ءالينۇر قۋات ۇلى, بەكمۇحامەت شەرماعانبەت, جۇبان شىڭعىس, ءالي ءومارادىل, رافاەل ورىنباەۆ, ءالي ءومارادىل, مەيرام ساماتوۆ, ەسكەندىر يۋلداشەۆ جانە تاعى باسقا جەرلەستەرىمىز جاسىنداي جارقىراپ, جەڭىس تۇعىرىنا كوتەرىلدى.
بۇل ءبىر كەرەمەت ءارى اسەرلى جارىس بولدى. رەسپۋبليكامىزدىڭ ءار وڭىرىنەن جينالعان بالعىن سپورتشىلار مەن شەتەلدىك جاس ورەندەر سايىسقا ءتۇسىپ, جەكپە-جەكتىڭ وسى تۇرلەرىن جاپ-جاقسى مەڭگەرگەندەرىن بايقاتتى. ولاردى قولداۋ ءۇشىن اتا-انالارى, تۋعان-تۋىستارى, تىپتەن اتا-اجەلەرىنە دەيىن كەلدى. باق سىناۋشىلار قاتارىندا بالالار ءۇيىنىڭ تاريبەلەنۋشىلەرى دە بولدى. ارالارىندا جۇلدە العاندارى دا بار. ءبىزدىڭ فەدەراتسيا بالالار ۇيىنە اركەز قولداۋ كورسەتىپ ءجۇر. ەڭ باستىسى, وسى جارىسقا قاتىسۋشىلار جانە جانكۇيەر بولىپ كەلگەن كورەرمەندەردىڭ بارلىعى دا كەرەمەت اسەرگە بولەندى, – دەيدى قازاقستان رەسپۋبليكاسى برازيليالىق دجيۋ-دجيتسۋ مەن گرەپپلينگ فەدەراتسياسىنىڭ ۆيتسە-پرەزيدەنتى اقمارال قاناتباەۆا.
الماتى
