رۋحانيات • 04 جەلتوقسان، 2019

ۇلتتىق مۋزەيدەگى « ۇلى دالا شەرۋى»

209 رەت كورسەتىلدى

ورتالىق ازياداعى ەڭ ءىرى مادەنيەت وردالارىنىڭ ءبىرى سانالاتىن ۇلتتىق مۋزەيدىڭ قۇرىلعانىنا بيىل بەس جىل. بۇل ۋاقىت ارالىعىندا يگىلىكتى شارۋالاردىڭ ۇيىتقىسى بولعان رۋحاني ورتالىق تاريحي جانە عىلىمي ءمانى زور كوپتەگەن زەرتتەۋ جوبالارىمەن شۇعىلداناتىن دەربەس الاڭ رەتىندە تانىلىپ ۇلگەردى. وسى ورايدا وتكەن « ۇلى دالا شەرۋى» اتتى مۋزەيلەر شەرۋى ونەرسۇيەر قاۋىمنىڭ باسىن بىرىكتىرىپ، كوڭىلدى دەمالىس سىيلادى.

ەل نازارىنا العاش رەت ۇسى­نىلىپ وتىرعان « ۇلى دالا مۇراسى» جوباسى ءورىسى كەڭ ما­دەنيەتتىڭ التىن قازىناسىمەن قاۋىشتىرىپ، ماڭگىلىك تۋىندىلارمەن جالعاسقان حالىق شىعارماشىلىعىمەن تابىستىردى.ۇلتتىق مۋزەي ديرەكتورىنىڭ ورىنباسارى الماس نۇرازحان مۇندا ەل يگىلىگى ءۇشىن ايتۋلى جيىن ءجيى وتكىزىلىپ تۇراتىنىن، سونداي-اق مۇراجايدىڭ حالىق قازىناسى ەكەندىگىن اتاپ ءوتتى. ال قازاق ۇلتتىق ونەر ۋني­ۆەر­سيتەتىنىڭ تاربيە ءىسى جونىندەگى پرورەكتورى قىمبات تىلەۋوۆا اتالعان وقۋ ورنىنىڭ رەكتورى، قازاقستاننىڭ ەڭبەك ەرى ايمان مۇساقوجاەۆانىڭ ىستىق ىقىلاسىن جەتكىزدى.

– وتان، تۋعان جەر، ەل، اتامەكەن تۋرالى تۇسىنىكتەر وقۋ-تاربيە ۇدەرىسىندە ساباقتان تىس ءىس-شارالاردا كەڭ ناسيحاتتالىپ كەلەدى. قازاقستاننىڭ تۇڭعىش پرەزيدەنتى كۇنى مەرەكەسىنە ورايلاس ۇلتتىق مۋزەي مەن ۇلتتىق ونەر ۋنيۆەرسيتەتى ستۋدەنتتەرى بىرلەسىپ ۇيىمداستىرعان بال كەشى وسىنىڭ ءبىر ايعاعى ىسپەت­تەس، – دەدى قىمبات تىلەۋوۆا تىڭ باستامالارعا ۇيىتقى بولىپ جۇرگەن مۋزەي باسشىلىعىنا ال­عىس ءبىلدىردى. سالتاناتتى اشىلۋ ما­دەني مۇرالاردى كەڭىنەن نا­سيحاتتايتىن قىزعىلىقتى باع­دارلامالارعا ۇلاستى. شە­­رۋ بارىسىندا سۋرەتشى، گي­پەررەاليست-ءمۇسىنشى، «100 جا­ڭا ەسىم» جوباسىنىڭ «ما­دەنيەت» نوميناتسياسى بو­يىن­شا جەڭىمپازى ايدوس ەس­ما­عامبەتوۆتىڭ شەبەرلىك سىنىبى ءوتتى. قازاقستاننىڭ ەڭ­بەك سى­ڭىرگەن ءارتىسى، «قۇر­مەت» ور­دە­­نىنىڭ يەگەرى مەر­ۋەرت وتە­­­كە­­شوۆانىڭ جەتەكشى­لىگى­مەن «قايىرلى كەش» تەاتر­لان­دى­رىلعان كورىنىسى قويىلىپ، كەش­تىڭ كورىگىن قىزدىرا ءتۇستى.

– عىلىم مەن ونەردىڭ ۇيلە­سىمدىلىگى ءبىزدى وركەنيەتتىڭ شى­ڭىنا شىعارادى. ال مادەني تانىم ارقىلى جاقسى مەن جاماندى ايىرامىز. بۇگىنگى مۋزەي شەرۋىنىڭ اسىرەسە كەلەشەك ۇرپاق ءۇشىن ماڭىزى زور دەپ بىلەمىن. تاريحىن بىلگەن ادام وتانشىل بولادى، – دەيدى قازاقتىڭ «قىز جىبەگى» مەرۋەرت وتەكەشوۆا.

تۋعان ولكە تاريحىن كەڭ تانىتۋ ماقساتىندا «ەجەلگى جانە ورتا عاسىرلار تاريحى» زالىندا «جاندانعان بازار: «اباي» كورىنىسى ساحنالاندى.­ سونداي-اق قازاق ۇلتتىق ونەر ۋنيۆەرسيتەتىنىڭ تالانتتى بي­شىلەرىنىڭ اسەم بيىمەن جال­عا­سىپ، تسيرك ارتىستەرىنىڭ شوۋى كىشكەنتاي قوناقتاردى ءماز-مەي­رام ەتتى. «مىسىر – ۇلتتىق مۋزەيدە» جانە «Quintessence» اتتى توپتىق كورمەلەرى اشىلىپ، ەتنو-كوللەكتسيا بويىنشا دە­فيلە، قول كۇرەس، «اسىعىڭ الشىسىنان ءتۇسسىن!» ۇلتتىق ويىندارى وي­ناتىلىپ، كەلگەن قوناقتار ەپ­تىلىگى مەن شەبەرلىگىن سىناپ كوردى. ءداۋىر تاريحى مەن ەتنوگرافياسىن جيناقتاپ، ەل ما­دەنيەتى مەن بۇگىنگى تىنىس-تىر­شىلىگىنەن حابار بەرەتىن جان-جاقتى ۇيىمداستىرىلعان ارناۋلى باعدارلاما تاقىرىپتىق ەكسكۋرسيالارمەن تولىقتى. مۋ­زەي ەكسپوزيتسياسىندا ناقتى ءبىر تاپسىرمالاردى ورىنداۋعا قۇرىلعان تاريحي كۆەست-ويىن­دار ۇيىمداستىرىلىپ، قو­ناقتاردى زال ەكسپوزيتسياسىن ءوز بەتىنشە مەڭگەرۋگە ۇيرەتەدى. قازاقستاننىڭ جاڭا زامانعى تاريحىن ءتۇسىنۋ ءۇشىن عانا ەمەس، كۇللى الەم دامۋىنىڭ بۇگىنگى ۇدەرىسىن ۇعىنۋدى ماقسات ەتكەن شەرۋ قاتىسۋشىلارىنىڭ ىقىلاس-قوشەمەتىمەن مۋزەي كەشى شىنايى مەرەكەگە اي­نالعانداي!

 5

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار