قىلمىستىق ءىس قوزعالدى

وبلىستىق پوليتسيا دەپار­تامەن­تىنىڭ باستىعى, پوليتسيا پول­كوۆنيگى بەكتورە سۇلتاننىڭ ايتۋىنشا, «South Oil» سەرىكتەستىگىنىڭ جۇمىسشىلارى وتىرعان اۆتوبۋس قۇمكول كەنىشىنەن تۇندە شىعىپ, شىمكەنت قالاسىنا قاراي باعىت العان.  ولاردىڭ اپاتقا ۇشى­را­عاندىعى جايلى حابار وبلىس­تىق توتەنشە جاعدايلار دەپارتا­مەنتىنىڭ «112» قۇتقارۋ قىز­مەتىنە تاڭعى ساعات 4:25-تە تۇسكەن. دەپارتامەنت باسشىسى جول­داعى كوكتايعاق سالدارىنان اۋدا­رىل­عان كولىكتەگى 36 ادامعا كومەك كور­سەتۋگە ءتيىستى سالا مامان­دا­رى­نىڭ جەدەل جەتكەنىن اتاپ ءوتتى. قازىر جول اپاتىنا بايلانىستى قىلمىستىق ءىس قوزعالعان.

– قازىر اۆتوبۋستا بولعان ازا­مات­تاردىڭ جەكە باستارىنا قاتىس­تى مالىمەتتەر انىقتالۋدا. بۇل وقيعا بويىنشا قىلمىستىق كودەكستىڭ 345-بابىنىڭ 4-بولىگى بويىنشا تەرگەۋ امالدارى باس­تالىپ, ءتيىستى ساراپتاما تاعايىن­دالدى, – دەدى ب.سۇلتان.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ولجاس ىسقاقوۆتىڭ ايتۋىنشا, زارداپ شەككەندەرگە ال­عاشقى كومەكتى وقيعا ورنىنا 7 جەدەل جاردەم كولىگىمەن جەتكەن دارىگەرلەر كورسەتكەن.

جاراقات العان 21 ادام وبلىس­تىق مەديتسينا ورتا­لىعى مەن قالالىق اۋرۋحاناعا جاتقىزىلدى. اۋىر جاراقاتتانعان 6 ادام جان­ساقتاۋ بولىمىنە جەتكىزىلىپتى. اۆتوبۋستا بولعان جولاۋشىلار­دىڭ 16-سى ورتاشا دەڭگەيدە, 7-ەۋى جەڭىل-جەلپى جاراقاتتانعان. ولارعا رەسپۋبليكالىق شۇعىل مەديتسينالىق كومەك ورتالىعى تاراپىنان دا قولداۋ كورسەتىلۋدە.

قىزىلوردا وبلىسى