رۋحانيات • 03 جەلتوقسان، 2019

«گرۋففالو» ەرتەگىسى – قازاق تىلىندە

36 رەتكورسەتىلدى

الەمنىڭ زاماناۋي كلاسسيكاسىنا اينالعان «گرۋففالو» ەرتەگىسى تۇڭعىش رەت قازاق تىلىنە اۋدارىلدى. ۇلىبريتانيانىڭ الماتىداعى Haileybury مەكتەبىندە اتالعان كىتاپتىڭ تۇساۋكەسەرى ءوتىپ، وقۋشىلاردىڭ قاتىسۋىمەن قازاق تىلىندە ازىرلەنگەن «گرۋففالو» قويىلىمى ساحنالاندى.

گرۋففالو – الەمدەگى ەڭ سۇيىكتى قۇبى­جىقتاردىڭ ءبىرى. 1999 جىلى جا­رىق كورگەن كىتاپ بۇگىنگە دەيىن ميلليون­داعان وقىرماننىڭ جۇرەگىن جاۋ­لاعان تاڭعاجايىپ تۋىندى. كۇلكىلى دە قى­زىقتى تىلمەن جەڭىل باياندالاتىن دجۋليا دونالدسوننىڭ گرۋففالو ەرتەگىسىن تانىمال جۋرناليست، وكسفورد ۋنيۆەرسيتەتىنىڭ تۇلەگى عالىم بوقاش قازاق تىلىنە اۋدارسا، كوركەمدەگەن بەلگىلى  يلليۋستراتور اكسەل شەففلەر. ەرتەگى Stepe&World باسپاسىنان 2 مىڭ دانا تارالىممەن جارىق كورىپ وتىر.

– ەرتەگىنى ءوز بالالارىم سياقتى قازاقتىڭ بارلىق بالاسى ءبىلسىن، كورسىن دەگەن ماقساتپەن ۇسىنىپ وتىرمىز. «گرۋففالو» كىتابىنىڭ، ونىڭ كەيىپكەرلەرىنىڭ قازاقشا سويلەپ جاتقانىنا وتە قۋانىشتىمىن. ەرتەگى ۇلىبريتانيادا جانە باسقا دا ەلدەردە بالالارعا ۇيىقتار الدىندا وقىپ بەرۋگە ارنالعان ەڭ ۇزدىك كىتاپ دەپ تانىل­عان. ءوز بالام دا وسى كىتاپتى ءالى كۇن­گە دەيىن جالىقپاستان سان مارتە وقىپ بەرۋىمدى سۇرايدى، – دەيدى Stepe&World باس­­پاسىنىڭ ديرەكتورى رايسا ساي­رانقىزى.

ەرتەگى وقيعاسى قۇيتاقانداي تىش­قان­­نىڭ ويدان شىعارعان قۇبىجىعى گرۋففالو ارقىلى ورمانداعى قاتەرلى جاۋىن قورقىتۋدان باستالادى. ەڭ قىزىعى، قۇبىجىقپەن ورماندا كەزدەسىپ قالىپ، بار قىزىق سول تۇستان باستالادى. ۇلىبريتانيا حالقى اراسىندا كەڭىنەن تاراعان بۇل كىتاپ ميلليونداعان دانامەن باسىلىپ، قىرىقتان استام تىل­گە اۋدارىلعان. گرۋففالو جايلى تۇسى­رىلگەن مۋلتفيلم «وسكار» ءھام BAFTA (British Academy film awards) سىيلىقتارىنا ۇسىنىلىپ، تەاتر ساحناسىنان تالاي جىلدان بەرى تۇسپەي كەلەدى.

قازاق تىلىندەگى جاڭا فەنتەزي-جوبا­لاردىڭ بىردەن-ءبىر باستى جەتكىزۋشىسى سانالاتىن «Steppe&World» باسپاسى 2017 جىلىدان بەرى جۇمىس ىستەپ كەلەدى. قازىرگى ۋاقىتتا گارري پوتتەر كوپ سەريا­­لى رومانىن رەسمي رۇقساتپەن ءبىرىنشى بولىپ قازاق تىلىنە اۋدارۋ ۇستىندە.

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار