دانيلل مەن ونىڭ دوستارى ازىرلەگەن جوبا جاقىندا وتكەن «WRO-2019» بۇكىلالەمدىك روبوتتار وليمپيا ويىندارىندا ۇزدىكتەر قاتارىنان كورىنىپ, ءۇشىنشى ورىنعا يە بولعان.
- جاساندى ينتەلەكتتىڭ جوباسىن جاساعان دانيلل, ياعني ول روبوتتىڭ «يدەيالىق اكەسى». تەك, مۇنداي مىندەتتى مۇلتىكسىز اتقارۋ جالعىز ادامنىڭ قولىنان كەلمەيدى. سوندىقتان دانيللعا الماتى قالاسىنداعى نازارباەۆ زياتكەرلىك مەكتەبىنىڭ وقۋشىسى ليۋبوۆ دۋدچەنكو مەن ءبىزدىڭ NEXTROBOT بالالار ورتالىعىنىڭ وقۋشىسى ەلينا پاك كومەككە كەلدى. اقىلدى وقۋشىلاردىڭ تىزە قوسۋىنان «Ziggurat» ەسىمدى روببوت ومىرگە كەلدى, - دەيدى الماتى وبلىسىنىڭ روبوت قۇراستىرۋشىلار قۇراما كومانداسىنىڭ جاتتىقتىرۋشىسى نيكولاي اۆديۋنين.
وقۋشىلاردىڭ ءتۇر-ءتۇسىن تانىپ, ءالىپبي مەن ساناۋدى ۇيرەتەتىن «Ziggurat» WRO-2019» بۇكىلالەمدىك روبوتتار ويىندارىندا 73 ەلدىڭ جاستارى ۇسىنعان جاساندى ينتەلەكتىڭ اراسىنان وزىق شىقتى. قازىر زيالى روبوت تالدىقورعان قالاسىنداعى نازارباەۆ زياتكەرلىك مەكتەبىنىڭ باستاۋىش سىنىپتارىنا تاجىريبە ساباقتارىن وتكىزۋگە كىرىستى.
