بۇگىندە ايماقتاعى «جەدەل جاردەم» ستانساسى «كومەك-103» بىرىڭعاي جەلىسى بويىنشا قىزمەت كورسەتەدى. تالدىقورعان قالاسىندا ورنالاسقان باسقارۋ ورتالىعىنا 21 بولىمشە مەن 39 جەدەل كومەك كورسەتۋ بەكەتتەرى قارايدى.
- جەدەل جاردەم قىزمەتىنىڭ جۇمىسى كۇن سايىن قاۋىرت ءارى ولشەۋسىز. سوعان قاراماستان دارىگەرلەر ءوز قىزمەتىن قاباق شىتپاي اتقارۋدا. مەن ارىپتەستەرىمنىڭ جۇمىسىن ەرلىككە بالار ەدىم, - دەيدى وبلىستىق «جەدەل جاردەم» ستانساسىنىڭ ديرەكتورى قانات قالدىباەۆ.
باس دارىگەردىڭ ايتۋىنشا, كەزەكشىلىك كەزىندە ءار بريگادا 15 شاقىرتۋدان ارتىق قابىلداماۋى ءتيىس. بىراق وتىنىشتەردىڭ كوپتىگىنەن دارىگەرلەر تاۋلىگىنە 27-28 ادامنىڭ ۇيىنە بارۋعا ءماجبۇر بولىپ وتىرعان كورىنەدى. قازىر العاشقى دارىگەرلىك كومەك كورسەتۋ ءۇشىن 165 «جەدەل جاردەم» كولىگى ءبىر مەزەتتە كەزەكشىلىك ەتەدى. الايدا, شاقىرۋشىلار مەن شاعىمدانۋشىلاردىڭ كوپتىگى جەدەل بريگادانىڭ جەتىسپەۋشىلىگىن تۋعىزۋدا.
- ءبىزدىڭ سالامىزدا 54 دارىگەر, 626 ارناۋلى قىزمەتكەر جۇمىس ىستەيدى. كولىك جەتىسپەۋشىلىگى تۋىندايتىنىن جاسىرماۋىمىز كەرەك. مينيسترلىكتەن قوسىمشا كولىكپەن قامتۋدى سۇراپ وتىرمىز. ايماقتاعى ادام سانىنىڭ ۇلەسىنە شاققاندا, بىزدە ءار اۋىسىم سايىن 200 «جەدەل جاردەم» كولىگى كەزەكشىلىك ەتۋى ءتيىس, - دەيدى باس دارىگەر قانات قالدىباەۆ.
