نازارباەۆ پەن ميرزيەەۆ وا باسشىلارى ەكىنشى كونسۋلتاتيۆتىك كەزدەسۋى اياسىندا كەلىسسوز جۇرگىزدى. وزبەكستان باسشىسى نۇرسۇلتان نازارباەۆتى وزبەكستان رەسپۋبليكاسىنا كەلۋىمەن قۇتتىقتاپ, وزبەكستاننىڭ ايماق ەلدەرى كوشباسشىلارىنىڭ كەزدەسۋىن وتكىزۋ باستاماسىنا كورسەتكەن قولداۋى ءۇشىن ريزاشىلىعىن ءبىلدىردى.
سونىمەن قاتار سوڭعى جىلدارى بىرلەسكەن كۇش-جىگەردىڭ ارقاسىندا وزبەكستان مەن قازاقستان اراسىنداعى ءداستۇرلى تىعىز قارىم-قاتىناستار ساپالى جاڭا دەڭگەيگە كوتەرىلىپ, ناقتى پراكتيكالىق مازمۇنعا تولى ەكەنىن اتاپ ءوتتى.
ءوز كەزەگىندە ەلباسى نۇرسۇلتان نازارباەۆ پرەزيدەنت شاۆكات ميرزيوەۆتىڭ باستاماسىمەن العاش رەت 2018 جىلى نۇر-سۇلتان قالاسىندا وتكەن ورتالىق ازيا مەملەكەت باسشىلارىنىڭ كونسۋلتاتيۆتىك كەزدەسۋلەرىن وتكىزۋ - ايماقتاعى جان-جاقتى ىنتىماقتاستىقتى ودان ءارى نىعايتىپ, ءوزارا ارەكەتتەسۋدىڭ ناقتى جوبالارىن العا جىلجىتۋ ءۇشىن ءتيىمدى الاڭعا اينالعانىن تىلگە تيەك ەتتى.
كوشباسشىلار كەزدەسۋدە ەكىجاقتى قارىم-قاتىناس, كۇن تارتىبىندەگى جاھاندىق جانە وڭىرلىك وزەكتى ماسەلەلەر بويىنشا پىكىر الماستى. ەسكە سالايىق, كەشە قر تۇڭعىش پرەزيدەنتى – ەلباسى ن.نازارباەۆ ورتالىق ازيا مەملەكەت باسشىلارى ەكىنشى كونسۋلتاتيۆتىك كەزدەسۋىنە قاتىسۋ ءۇشىن تاشكەنتكە ءىس-ساپارمەن باردى.
