دوڭگەلەك ۇستەلگە ورىنبور وبلىسى مادەنيەت جانە سىرتقى بايلانىستار ءمينيسترىنىڭ ورىنباسارى ا.كالينين باستاعان ورىنبورلىق لاۋازىمدى تۇلعالار قاتىسقان.
«قازاقستاننىڭ رەسەيدەگى ەلشىلىگىنىڭ قولداۋىمەن وتكەن جيىندا ورىنبوردىڭ قازاق رۋحانياتىنداعى ورنى تۋرالى جاقسى اڭگىمە ايتىلدى. اسىرەسە, ورىنبور مەملەكەتتىك ۋنيۆەرسيتەتىنىڭ عىلىمي قىزمەتكەرى ك.مورگۋنوۆ ورىنبور رابفاكىندا وقىعان قازاقتار تۋرالى وتە قىزىقتى, دەرەككە تولى بايانداما جاسادى. دەلەگاتسيا قۇرامىنداعى باتىس قازاقستان وبلىستىق ءماسليحاتىنىڭ حاتشىسى م.قۇلشار دا جاقسى سويلەدى.
ارقالى اقىندار نەسىپبەك ايت ۇلى مەن باۋىرجان حاليوللا گازەت مەرەيتويىنا ارناعان ولەڭدەرىن وقىدى. كەزدەسۋ سوڭىندا ورىنبور قازاقتارى قاۋىمداستىعى ۇيىمىنىڭ باسشىسى ج.يتكۋزوۆپەن ءوزارا ىنتىماقتاستىق جونىندەگى مەموراندۋمعا قول قويدىق» دەپ جازدى د.قىدىرالى.
