رۋحانيات • 29 قاراشا، 2019

پاۆلودار وبلىسىندا يسا بايزاقوۆتىڭ مۇراجايى اشىلدى

35 رەتكورسەتىلدى

وڭىردەگى ەرتىس اۋدانى ۇلگىلى اۋىلىنداعى مەكتەپ مۇراجايى جەرلەسىمىز ءانشى، اقىن، كومپوزيتور يسا بايزاقوۆتىڭ 120 جىلدىق مەرەيتويىنا ارنالدى.

مۇراجايعا اقىننىڭ جەكە زاتتارى، دومبىراسى مەن شاپانى قويىلدى.

- سونىمەن بىرگە ەستەلىك سۋرەتتەرى مەن ارنايى تاقتالار ءىلىندى. بۇل ءبىزدىڭ  ۇرپاقتى ەلىنىڭ مادەنيەتى مەن ونەرىن سۇيۋگە، سونداي-اق، ونەرلى ءبىرتۋار تۇلعالار تۋرالى تانىپ، بىلۋلەرى ءۇشىن قاجەت، - دەيدى اۋداندىق ءبىلىم ءبولىمىنىڭ ادىسكەرى نۇرگۇل سۇلتانوۆا.

جىل سايىن ۇلگىلى اۋىلىنداعى مەكتەپتە اۋداندىق يسا بايزاقوۆ وقۋلارى  وتەدى.

2007 جىلدان عاجدەمبەك تۇرسىنوۆتىڭ اۆتورلىق باعدارلاماسى بويىنشا 5-8-سىنىپ وقۋشىلارى اراسىندا «يساتانۋ» كۋرسى جۇرگىزىلە باستادى.

كۋرس ايماقتىق ء«ومىرى - وشپەس ونەگە» اتتى يسا وقۋلارىنىڭ باستاماسى بولىپ، 2011 جىلدان باستاپ اۋداندا يسا وقۋلارىن وتكىزۋ داستۇرگە اينالعان.

 مۇراجاي اشىلعان كۇنى «ەركىن كۇشپەن ورلەيمىن، ءومىرىم ۇزاق - ولمەيمىن...» اتتى اقىن شىعارمالارىن جاتقا ايتۋ بويىنشا قاراقۇدىق ورتا مەكتەبىنىڭ وقۋشىسى اقبوتا قانايبەك 1-ورىندى يەلەندى.

ال ء«ان قاناتىندا» بولىمىندە جاسوسپىرىمدەر يسانىڭ اندەرى مەن كۇيلەرىن ورىنداۋدان سىنعا ءتۇستى.

بۇل بولىمدە قوسكول ورتا مەكتەبىنىڭ وقۋشىسى ەرنۇر سەيىتحان ونەرلى ورەن اتاندى. ءوزىنىڭ اقىنعا ارناپ شىعارعان ولەڭىمەن اعاشورىن ورتا مەكتەبىنىڭ وقۋشىسى نۇرسۇلتان باعدات 1-ورىندى يەلەندى.

سونداي-اق وقۋشىلار «قىرمىزى-جاناي» پوەماسىنان ساحنالىق كورىنىس كورسەتتى. 

 

پاۆلودار وبلىسى

ەرتىس اۋدانى         

سوڭعى جاڭالىقتار

ۇقساس جاڭالىقتار