اتالعان ءىس-شارا بارىسىندا كەرەمەت كونتسەرتتىك باعدارلاما, قازاقتىڭ ۇلتتىق قولدانبالى ونەرى مەن ۇلتتىق تاعامدار كورمەلەرى, قازاق حالقىنىڭ مادەنيەتى, تاريحى جانە تۇرمىس-تىرشىلىگىن ناسيحاتتاۋعا باعىتتالعان شەبەرلىك ساباقتارى وتكىزىلدى. جيىنعا قاتىسۋشىلار مەن قوناقتار بەلگىلى ءبىر زاتتىن پايدا بولۋ تاريحى جانە ولاردى جاساۋ ءادىسناماسى جايىندا كوپتەگەن قۇندى دەرەكتەرگە قانىق بولدى.
قازاقستان حالقى اسسامبلەياسى جانە تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ قولداۋىمەن مۇرىندىق بولۋىمەن ۇيىمداستىرىلعان بۇل جيىننىڭ باستى ماقساتى – قوعامدىق كەلىسىم مەن ۇلتتىق بىرلىكتىڭ قازاقستاندىق مودەلىن قالىپتاستىرۋ, قازاقستاندىق ءپاتريوتيزمدى نىعايتۋ, قازاق حالقىنىڭ تاريحى, سالت-ءداستۇرى, مادەنيەتى, فيلوسوفياسى مەن قۇندىلىقتارىن بارىنشا ناسيحاتتاۋ.
جيىن سوڭىندا اۋىر اتلەتيكادان الەمنىڭ ەكى دۇركىن چەمپيونى, ازيا ويىندارىنىڭ جەڭىمپازى مايا مانەزا, ەركىن كۇرەستەن سپورت شەبەرى, بىرقاتار ءدۇبىرلى دودالاردا دارالانعان رۋسلان سىمتىقوۆ, بوكستان ەلىمىزگە ەڭبەك سىڭىرگەن جاتتىقتىرۋشى, قازاقستاننىڭ ستۋدەنتتەر قۇراماسىنىڭ اعا باپكەرى داستان سادۋاقاسوۆ, اسا دارىندى بالۋان, جاستار اراسىنداعى الەم بىرىنشىلىگىنىڭ كۇمىس جۇلدەگەرى ادلان اسقاروۆ سىندى سپورتشىلارمەن ءماندى دە, ماعىنالى كەزدەسۋ ۇيىمداستىرىلدى. ولار وزدەرىنىڭ ءجۇرىپ وتكەن جولدارى مەن قول جەتكىزگەن تابىستارى جايىندا تارتىمدى اڭگىمەنىڭ تيەگىن اعىتتى.
