بۇگىندە قازاقستان حالقى اسسامبلەياسىنىڭ باستاماسىمەن ەلىمىزدە مەتسەناتتاردى ناسيحاتتاۋ جۇيەلى تۇردە جۇرگىزىلىپ كەلەدى. «ۇلكەن ەل – ۇلكەن وتباسى» جالپىۇلتتىق جوباسى شەڭبەرىندە «20 يگى ءىس» اكتسياسى, «تايقازان» ەستافەتاسى, «قايىرىمدى ەل» جوبالارى ءساتتى وتكىزىلىپ, «قامقور» اكتسياسى اياسىندا ۇلى وتان سوعىسى جانە ەڭبەك تىل ارداگەرلەرىنە كومەك بەرۋ جولعا قويىلعان. ۇلى دالا داستۇرلەرىنە نەگىزدەلگەن «قايىرىمدىلىق كەرۋەنى» جالپىۇلتتىق ناۋقانى حالىقتىق قولداۋعا يە بولۋدا. مەملەكەت باسشىسىنىڭ باستاماسىمەن 2020 جىل ۆولونتەر جىلى بولىپ جاريالانعانى بەلگىلى. وسىعان وراي بارلىق قالا جانە اۋدان اكىمدەرى, مەملەكەتتىك مەكەمەلەر ەرىكتىلەردىڭ باستامالارىن قولداۋ بويىنشا جان-جاقتى كومەكتى كورسەتۋى ءتيىس. سونداي-اق ۆولونتەرلاردى دايىندايتىن ءبىلىم بەرۋ ورتالىقتارىن ۇيىمداستىرۋ, قايىرىمدىلىق مادەنيەتىن دامىتىپ, مەكتەپتەردە ەرىكتىلەر ۇيىرمەلەرىن اشۋعا ءمان بەرۋىمىز كەرەك, دەدى ايماق باسشىسى,
وڭىردە جىل باسىنان بەرى جومارت ازاماتتار قولداۋىمەن 686 قايىرىمدىلىق شاراسى ۇيىمداستىرىلىپ, 40 520 ادامعا 514,7 ملن تەڭگەنىڭ كومەگى كورسەتىلدى. تۋعان جەرىن تۇلەتۋگە ۇلەس قوسىپ جۇرگەن مەتسەناتتار قاتارى دا جىل ساناپ ارتىپ كەلەدى.
«تۋعان جەر» جوباسى اياسىندا وسى جىلى دەمەۋشىلەر قولداۋىمەن 144 نىسان سالىنىپ, 10 نىسان قايتا جوندەۋدەن ءوتتى. وبلىس بويىنشا 5 مەديتسينالىق پۋنكت پايدالانۋعا بەرىلىپ, 8 دەمالىس ورنى, 4 سپورت الاڭى مەن كەشەندەر بوي كوتەردى.
تابىسى تومەن ازاماتتاردىڭ باسپانا ماسەلەسىن شەشۋ ماقساتىندا «بالامەكەن» جوباسى شەڭبەرىندە بولات وتەمۇراتوۆ قورى كوپبالالى 100 وتباسىنا تۇرعىن ءۇي سالىپ بەردى.
وبلىس ورتالىعىمەن قاتار اۋدانداردا دا بۇل باعىتتا جەمىستى ءىس بار, جەكە كاسىپورىندار جانە ەرىكتىلەر ەسەبىنەن 24 وتباسى باسپانالى بولدى. ونىڭ ىشىندە 10 ءۇيدى جاقسى باستاما كوتەرگەن جاستار سالدى. وسى رەتتە «جاڭارعان جاڭاقورعان جاستارى» ەرىكتىلەر توبىنىڭ ءىسى كوپكە ۇلگى.
سونداي-اق وڭىردەگى ىرگەلى مۇناي كومپانيالارىنىڭ ءبىرى «پەترو قازاقستان» اق ءتۇرلى باعىتتاعى قايىرىمدىلىق ءىس-شارالارىنا 136 ملن, «تورعاي پەترولەۋم» اق 47 ملن, ال «قازگەرمۇناي» جشس 25 ملن تەڭگە قارجى بولگەن.
فورۋمدا قينالعانعا قولۇشىن سوزىپ جۇرگەن ازاماتتار 16 اتالىم بويىنشا ماراپاتتالدى. ودان بولەك, بىرقاتار كاسىپكەرلەر وبلىس اكىمىنىڭ العىس حاتىن يەلەندى.
مەتسەناتتار فورۋمىندا قايىرىمدىلىق باعىتتا قارىمدى جۇمىس اتقارىپ جۇرگەن كاسىپكەر, «نۇراي» جشس ديرەكتورى سەيىتقالي الشىنباەۆ, «پەترو قازاقستان» اق باسقارما توراعاسى چجاو سياومين جانە ەرىكتى جاستار جەتەكشىسى, «جاڭارعان جاڭاقورعان جاستارى» قب باسشىسى, اۋداندىق ءماسليحات دەپۋتاتى ارمان ءماجىتوۆ ءسوز سويلەدى.
شارادا وبلىستىق اسسامبلەيا باستاماسىمەن تۇڭعىش پرەزيدەنت مەرەكەسى قارساڭىندا وبلىس كولەمىندە قايىرىمدىلىقتى ناسيحاتتاۋعا ارنالعان ەكى اپتالىق كەشەندى شارالاردىڭ بەينەروليگى كورسەتىلدى.
