«2019 جىل حالىقارالىق دەڭگەيدەگى كوپتەگەن تابىستى كەزدەسۋگە دە تولى بولدى. مەن سىندارلى ىنتىماقتاستىقتى نىعايتۋ ماقساتىندا رەسەيگە, وزبەكستانعا, قىتايعا رەسمي ساپارمەن باردىم. كەلىسسوزدەر وتە ناتيجەلى ءوتتى» دەدى قاسىم-جومارت توقاەۆ.
مەملەكەت باسشىسى سونداي-اق شانحاي ىنتىماقتاستىق ۇيىمىنىڭ, ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ, ەۋرازيالىق ەكونوميكالىق وداقتىڭ, تاۋەلسىز مەملەكەتتەر دوستاستىعىنىڭ سامميتتەرىنە قاتىسقانىن اتاپ كورسەتتى.
«جىل سوڭىنا دەيىن قىرعىزستان مەن گەرمانياعا ساپارلارىم جوسپارلانىپ وتىر. بىرىككەن ۇلتتار ۇيىمى باس اسسامبلەياسىنىڭ 74-سەسسياسىنا قاتىسىپ, ءسوز سويلەپ, سونىڭ اياسىندا بىرقاتار ەلدىڭ باسشىلارىمەن كەلىسسوزدەر جۇرگىزدىم» دەدى پرەزيدەنت.
قاسىم-جومارت توقاەۆ بۇدان بولەك بيىل قازاقستانعا رەسمي ساپارمەن كورەيا رەسپۋبليكاسى, گرۋزيا, ارمەنيا, موڭعوليا, بەلارۋس جانە شۆەيتساريانىڭ مەملەكەت جانە ۇكىمەت باسشىلارى كەلگەنىن ايتتى.
«وسى ساپارلار مەن كەزدەسۋلەر ءوزارا ىقپالداستىقتىڭ نەگىزگى باعىتتارىن ايقىنداۋعا جاقسى مۇمكىندىك تۋدىردى» دەدى ول.
