«اتوم سالاسىنداعى ىنتىماقتاستىق ءبىزدىڭ ەلدەرىمىزدىڭ اراسىنداعى ەكىجاقتى قارىم-قاتىناستاردا ماڭىزدى ورىن الادى. بۇگىندە باعىتتاردىڭ كەڭ سپەكترى بويىنشا بىرلەسكەن جۇمىستار جۇرگىزىلىپ جاتىر», — دەدى ا. مامين.
قازاقستاندا 5 قازاقستاندىق-رەسەيلىك بىرلەسكەن ۋران ءوندىرۋشى كاسىپورىن جۇمىس ىستەيدى: «زارەچنوە» بك اق, «قاراتاۋ» جشس, «اقباستاۋ» بك» اق, «وتحك» بك» جشس, «حوراسان-U» بك» جشس. 2018 جىلى ولار 8427 توننا ۋران (قر-دا ۋران ءوندىرۋدىڭ بارلىق كولەمىنەن 38,8%), وسى جىلدىڭ 9 ايىندا 6645,8 توننا ۋران ءوندىردى.
تاراپتار اتوم ەنەرگياسىن بەيبىت ماقساتتا پايدالانۋ سالاسىنداعى رەسەي-قازاقستان ىنتىماقتاستىعىنىڭ كەشەندى باعدارلاماسىن جۇزەگە اسىرۋ بارىسىن, سونىڭ ىشىندە ۋراندى ءوندىرۋ جانە بايىتۋ, عىلىمي-تەحنيكالىق جانە يننوۆاتسيالىق دامۋ سالاسىنداعى, سونداي-اق اتوم قۋاتى حالىقارالىق اگەنتتىگىمەن تومەن بايىتىلعان ۋران بانكى بويىنشا ءوزارا ءىس-قيمىلدىڭ قازىرگى جاعدايى مەن پەرسپەكتيۆالارىن تالقىلادى.
