نيدەرلاند جانە ۇلىبريتانيا قۇرامالارىمەن ءبىر توپتا سىنعا تۇسكەن قازاقستان تەننيسشىلەرى «قىزعالداقتار ەلىنەن» كەلگەن قارسىلاستارىنان 2:1 ەسەبىمەن باسىم تۇسسە, كەيىننەن ەندي ماررەي باستاعان ۇلىبريتانيا قۇراماسىمەن وتكەن باسەكەدە قانداستارىمىز 1:2 ەسەبىمەن جول بەردى. وسىلايشا ءبىر ويىندا جەڭىپ, ەكىنشى ويىندا جەڭىلگەن قازاقستاندىق تەننيسشىلەر ءوز توبىندا ەكىنشى ورىن العانىمەن, شيرەك فينالعا شىعا المادى.
دەۆيس كۋبوگىنىڭ ¼ باسەكەسىنە اۋستراليا, كانادا, سەربيا, رەسەي, ۇلىبريتانيا, گەرمانيا, ارگەنتينا, يسپانيا قۇرامالارى شىققانىمەن, فينالعا تەك كانادا جانە جارىس قوجايىندارى يسپانيا تەننيسشىلەرى جولداما الدى.
