ازاماتتىق ماسەلەلەر, سىرتقى ىستەر مينيسترلەرىنىڭ كەزدەسۋى, پرەمەر-ءمينيستردىڭ ءىس-ساپارى جانە وزگە دە اعىمداعى اقپاراتتاردى ساياسات بەتىنەن وقي الاسىزدار.
بايقال ءبايادىلدىڭ «اتباسار» دەپ اتالعان ماقالاسى ءوڭىردىڭ ارعى-بەرگى تاريحىنان اقپار بەرىپ قانا قويماي, اۋدان اۋماعىنداعى تاريحي-تاعىلىمدى ەسكەرتكىشتەر مەن باتىر بابالاردىڭ ءجۇرىپ وتكەن جولى تۋرالى سىر شەرتەدى.
«ەگەمەن قازاقستان» گازەتىنىڭ سولتۇستىك قازاقستان وبلىسىنداعى مەنشىكتى ءتىلشىسى ءومىر ەسقالي «تەڭدەسى جوق بىرەگەي اۆتومەكتەپ» اتتى ماقالاسىندا مۇمكىندىگى شەكتەۋلى جانداردىڭ تاعدىرىنا قاتىستى ماڭىزدى ماسەلەنى قالامىنا ارقاۋ ەتكەن. اۆتور جازباسىندا ءسابي كەزىنەن سال اۋرۋىنا شالدىققان ءسəلىمحان سəبيتوۆ ەسىمدى ازاماتتىڭ ءومىر جولىن ورنەكتەيدى. مۇمكىندىگى شەكتەۋلى بولسا دا تاباندىلىعىمەن تابىسقا جەتكەنى تۋرالى تارقاتادى.
سپورتتاعى جاڭالىقتار مەن قوعامداعى ءتۇرلى تۇيتكىلدى ماسەلەلەر دە گازەتتىڭ وسى سانىنان ورىن الدى. سونىمەن قاتار «ادىلەتتىڭ الماس قىلىشى», «اسىل مىنەزدىڭ ۇلگىسى» دەگەن تاقىرىپتاردا باس باسىلىمنىڭ ارداگەرلەرىنە ارنالعان ماقالالار جارىق كوردى.
وتانىمىزدىڭ ون ءتورت وبلىسى مەن ءۇش قالاسىنان ۇزدىكسىز اقپارات تاراتاتىن «ەگەمەن قازاقستاننىڭ» 20 قاراشاداعى سانى وسىلاي بولدى. ءبىز شولۋ جاساعان جاڭالىقتار مەن وزگە دە ماقالالاردىڭ تولىق نۇسقاسىن وقىعىڭىز كەلسە گازەتتىڭ بۇگىنگى سانىن نەمەسە egemen.kz سايتىن قاراي جۇرىڭىزدەر.
