وسىعان وراي وتكىزىلگەن سالتاناتتى شارادا قالا اكىمى نۇرلىبەك نالىباەۆ پەن «قازترانسگازايماق» اكتسيونەرلىك قوعام وكىلدەرى تۇرعىنداردى كوپتەن كۇتكەن جوبانىڭ ءساتتى جۇزەگە اسۋىمەن قۇتتىقتادى.
جالپى, قالا اۋماعىنداعى ەلدى مەكەندەرگە اۋىز سۋ جەتكىزۋ, گاز تارتۋ, جول سالۋ سەكىلدى ماسەلەلەر كەزەڭ-كەزەڭىمەن شەشىمىن تاۋىپ كەلەدى. ونىڭ ىشىندە ەلدى مەكەندەردى گازداندىرۋ باعىتىنداعى باستامالار ناتيجەسى قۋانتارلىقتاي.
بۇگىندە قىزىلوردا قالاسىنا قاراستى 2 كەنت جانە 3 اۋىل تولىق گازبەن قامتىلعان. قالعان 4 اۋىلعا الداعى ۋاقىتتا گاز قۇبىرى تارتىلادى.
وسىدان ءتورت جىل بۇرىن تاسبوگەت كەنتى مەن قىزىلجارما اۋىلدىق وكرۋگىندە 5 مىڭنان اسا تۇرعىن ءۇي, الەۋمەتتىك جانە كاسىپكەرلىك نىسان كوگىلدىر وتىنعا قوسىلسا, 2016 جىلى مۇنداي يگىلىك تالسۋات اۋىلدىق وكرۋگىنە جەتتى. ال ەكى جىل بۇرىن بەلكول كەنتى تۇرعىندارى گازبەن قامتىلدى. بۇل جوبالاردى جۇزەگە اسىرۋعا 3 ملرد تەڭگەگە جۋىق قارجى تارتىلعان. وسىنىڭ ناتيجەسىندە قازىر قالانى گازداندىرۋ كورسەتكىشى 95 پايىزعا جەتتى.
كەلەر جىلى اقسۋات اۋىلدىق وكرۋگىنە دە گاز قۇبىرى تارتىلادى. وسى ماقساتتا بيىل وبلىستىق بيۋدجەتتەن بولىنگەن 100 ملن تەڭگەگە جوبالىق-سمەتالىق قۇجاتتار ازىرلەنىپ, مەملەكەتتىك ساراپتامانىڭ قورىتىندىسى الىندى.
قىزىلوردا
