مينيستر اتاپ وتكەندەي, 8 قازاندا مەملەكەت باسشىسى ق.توقاەۆ نۇر-سۇلتان قالاسىنىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە جىل سوڭىنا دەيىن جولدارداعى جاراقاتتانۋ مەن كىسى ءولىمىن ازايتۋ ءۇشىن ەلوردادا جول قوزعالىسىن ۇيىمداستىرۋ دەڭگەيىن ارتتىرۋ بويىنشا جۇيەلى شارالار قابىلداۋدى تاپسىردى.
وسى جىلدىڭ 10 ايىندا ەلوردادا 469 جول-كولىك وقيعاسى تىركەلدى, وندا 29 ادام قازا تاۋىپ, 590 ادام جاراقات الدى. بۇل ۇلكەن الاڭداۋشىلىق تۋدىرادى. وسىعان بايلانىستى ءىىم-دە وتكەن كەڭەس بارىسىندا جول قوزعالىسىن ۇيىمداستىرۋ جانە ونىڭ قاۋىپسىزدىگىن قامتاماسىز ەتۋ بويىنشا شەتەلدەردىڭ ءىرى مەگاپوليستەرىنىڭ وڭ تاجىريبەسى قارالدى, سونداي-اق ەلوردادا جولداردىڭ وتكىزۋ قابىلەتىن ارتتىرۋ بويىنشا بىرقاتار شارا ۇسىنىلدى.
«استانا جەدەل قارقىنمەن دامىپ, اۆتوموبيل سانى ءوسىپ كەلەدى, سوندىقتان دا جول قوزعالىسىن ۇيىمداستىرۋ ادىستەرىن وزگەرتۋ, كولىك جانە جاياۋ جۇرگىنشىلەر اعىندارىن ءتيىمدى باسقارۋ قاجەت. استانادا جول قوزعالىسى قاۋىپسىزدىگى ماسەلەلەرىن كەشەندى تۇردە, ونىڭ ىشىندە جوعارى تەحنولوگيالاردى قولدانا وتىرىپ, جول قوزعالىسىن ۇيىمداستىرۋدىڭ بىرىڭعاي ورتالىعىن قۇرۋ قاجەتتىلىگى تۋىنداپ وتىر», دەپ اتاپ ءوتتى ەرلان تۇرعىمباەۆ.
سونداي-اق كەڭەسكە قاتىسۋشىلار تاكسي-اۆتوموبيلدەرگە ارنالعان تۇراق جەلىسىن دامىتۋ, سونىڭ ىشىندە اۆتوبۋس ايالدامالارى, ساۋدا-ويىن-ساۋىق ورتالىقتارى, سپورت عيماراتتارى, كورنەكتى ورىندار جانە باسقا دا ازاماتتار كوپ جينالاتىن ورىندار ماسەلەسىن تالقىلادى.
سونىمەن بىرگە كەڭەستە جول بەلگىلەرى ماسەلەلەرى قارالدى.
ەرلان تۇرعىمباەۆ: «جول تاڭباسىن پايدالانۋ مەرزىمىن ارتتىرۋ بويىنشا تالاپتاردى ارتتىرۋ قاجەت. بەلگى تاۋلىكتىڭ جارىق كەزىندە جانە قاراڭعى ۋاقىتىندا جاقسى كورىنۋى ءتيىس. بۇل ءبىرىنشى كەزەكتە جۇرگىزۋشىلەر مەن جولاۋشىلاردىڭ, سونداي-اق جاياۋ جۇرگىنشىلەردىڭ قاۋىپسىزدىگى ماسەلەسى», دەدى.
جاياۋ جۇرگىنشىلەر ءۇشىن قاۋىپسىز جاعداي جاساۋ قاجەتتىلىگى, سونىڭ ىشىندە ءىرى جاياۋ جۇرگىنشىلەر وتكەلدەرىنە باعدارشام ورناتۋ, جەراستى وتكەلدەرىنىڭ قۇرىلىسى تۋرالى ەرەكشە اتاپ ءوتىلدى.
كەڭەس قورىتىندىسى بويىنشا ەلوردادا جول جاعدايىن جاقسارتۋ جانە جول قاۋىپسىزدىگىن قامتاماسىز ەتۋدىڭ ۇزدىك الەمدىك تاجىريبەسىن ەنگىزۋدە قاناتقاقتى جوبانى جۇرگىزۋ بويىنشا كەشەندى ۇسىنىس ازىرلەۋ تۋرالى شەشىم قابىلداندى.
