ۆيدەو • 18 قاراشا، 2019

"ەگەمەن قازاقستان" گازەتىنىڭ 18 قاراشا كۇنگى نومەرىنە شولۋ (ۆيدەو)

62 رەتكورسەتىلدى

«ەگەمەن قازاقستان» گازەتىنىڭ 18-قاراشا كۇنگى سانى مەملەكەت باسشىسى قاسىم-جومارت توقاەۆ ازيا دامۋ بانكىنىڭ پرەزيدەنتىن قابىلداعانى تۋرالى اقپاراتپەن باستالعان.

ازيا دامۋ بانكىنىڭ پرەزيدەنتى مەملەكەت باسشىسىنىڭ قازاقستان حالقىنا ارناعان جولداۋىمەن تانىس ەكەنىن جەتكىزىپ، اتالعان ستراتەگيالىق قۇجاتتىڭ نەگىزگى بولىمدەرىنە، əسىرەسە، ونىڭ əلەۋمەتتىك ماڭىزىنا وڭ باعاسىن بەردى.

سونىمەن قاتار  قاسىم حاندىعىنىڭ حانى، قازاق دالاسىنىڭ سۇلتانى وراز-مۇحاممەدكە دەنەسى كومىلگەن توپىراقتا – رەسەي فەدەراتسياسىنىڭ قاسىموۆ اۋدانىندا قۇران باعىشتالىپ، قۇلپىتاس قويىلعانى تۋرالى اقپاراتتا وسى ساندا بەرىلگەن.

جۋرناليست ارمان وكتيابر «كۇمانى كوپ «كوكجايلاۋ» ماقالاسىندا «كوكجايلاۋ» تاۋ شاڭعىسى كۋرورتىن سالۋ تاقىرىبىنا توقتالىپ، بۇعان دەيىن قانشاما قوعام بەلسەندىلەرى مەن تابيعات جاناشىرلارى دəل قازىرگى جاعدايدا تاۋ شاڭعىسى كۋرورتىنىڭ الماتى ءۇشىن اسا قاجەتتىلىگى جوعىن ايتىپ دابىل قاققانىن جەتكىزدى.

اعىمداعى اقپاراتتار مەن ساياسي ساراپتامالاردان بولەك گازەتتىڭ بۇگىنگى سانىندا تاريحي تالاس قۇرىلتايىنا ارنالعان ماقالادا جارىق كوردى. كونفەرەنتسيا جۇمىسىنا قاتىسقان بارلىق عالىمدار شىڭعىس حان، جوشى، شاعاتاي ۇلىستارىنا قاتىستى، التىن وردا تاريحىنا قاتىستى ءوز ويلارىن ورتاعا سالدى. التىن وردا تاريحىنىڭ 750 جىلدىعى قازاق حالقى ءۇشىن ايتۋلى تاريحي وقيعا ەكەنى دە ايتىلدى.

قازاقستاننىڭ بارلىق وڭىرىندەگى اقپاراتتى باقىلاۋدا ۇستايتىن باسىلىمنىڭ وسى سانىندا ەكونوميكاداعى ەلەۋلى جاڭالىقتار مەن كەلەلى كەزدەسۋلەر دە جارىق كوردى. سونىمەن بىرگە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «Egemen Qazaqstan» گازەتىنىڭ 100 جىلدىق مەرەيتويىنا ارنالعان «جاھاندىق مەدياكەڭىستىكتەگى ءباسپاسوزدىڭ ءرولى مەن دامۋ تەندەنتسيالارى» اتتى حالىقارالىق عىلىمي تاجىريبەلىك كونفەرەنتسيا وتكەنى تۋرالى اقپارات شىقتى.

عاسىرلىق تاريحى بار «ەگەمەن قازاقستان» جايلى ەستى ەستەلىكتەردەن تۇراتىن ماڭىزدى مالىمەتتەردى قازاقستاننىڭ ەڭبەك سىڭىرگەن قايراتكەرى مەيرامبەك تولەپبەرگەننىڭ «ساعىنىشتى جىلدار مەن جولدار» اتتى ماقالاسىنان وقۋعا بولادى.

ورامدى وي، پايىمدى پىكىرلەردى قامتىعان  پارلامەنت ءماجىلىسىنىڭ دەپۋتاتى، كورنەكتى پۋبليتسيست، ادەبيەتتانۋشى ساۋىتبەك ابدراحمانوۆپەن بولعان سۇحباتتا كەزەكتى گازەت سانىننىڭ وزەكتى ءبىر تۇسى دەۋگە بولادى.

وسى جانە وزگە دە اقپاراتتاردى گازەتىمىزدىڭ بۇگىنگى سانىنان وقي الاسىزدار.

 

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار