ايماقتار • 15 قاراشا، 2019

اتىراۋ وبلىسىندا يساتاي تايمان ۇلىنا ەسكەرتكىش ورناتىلدى

55 رەتكورسەتىلدى

يساتاي اۋدانىنىڭ ورتالىعى اققىستاۋ اۋىلىندا حالىق باتىرى، XVIII عاسىرداعى سوڭعى حان بيلىگىنە قارسى ۇلت-ازاتتىق كوتەرىلىستىڭ قولباسشىسى بولعان يساتاي تايمان ۇلىنا ەسكەرتكىش اشىلدى، دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.

يساتاي تايمان ۇلىنا ارنالىپ سالىنعان ەسكەرتكىشتىڭ اۆتورى قر سۋرەتشىلەر وداعىنىڭ مۇشەسى، ءمۇسىنشى  سەرىك ماتەنيازوۆ. بيىكتىگى 12 مەتر بولاتىن ەسكەرتكىش تازا قولادان قۇيىلعان.

سالتاناتتى شاراعا ارنايى قاتىسقان وبلىس اكىمىنىڭ ءبىرىنشى ورىنباسارى سەرىك شاپكەنوۆ يساتاي باتىر ەسكەرتكىشى ەلىمىزدەگى ەڭ ەڭسەلى ءارى تۇعىرلى ءمۇسىننىڭ ءبىرى  ەكەندىگىن اتاپ ءوتتى.

- مۇنداي شوقتىعى بيىك الىپ ەسكەرتكىشتىڭ ناقتى يساتاي اۋدانىندا اشىلۋى زاڭدى قۇبىلىس. بۇل ءىستىڭ باسى-قاسىندا بولىپ، ويعا العان جوسپاردىڭ ويداعىداي ورىندالىپ، ۋاقىتىلى ورناتىلعانى ءۇشىن جەرگىلىكتى جاۋاپتى تۇلعالارعا العىس بىلدىرەمىن. بۇگىنگى مىندەتىمىز – ۇلى تۇلعالارىمىزدى ۇلىقتاۋ. وسى ارقىلى وسكەلەڭ ۇرپاقتى تاربيەلەۋىمىز كەرەك. نايزا ۇستاعان ايبارلى يساتاي باتىر ەسكەرتكىشى رەسپۋبليكاداعى ەڭ ەڭسەلى ءارى تۇعىرلى ءمۇسىن. بارشا يساتايلىقتاردى ايتۋلى مەرەكەمەن قۇتتىقتايمىن، - دەيدى سەرىك شاپكەنوۆ.

ەسكەرتكىشتى وبلىستىق ارداگەرلەر قوعامىنىڭ توراعاسى قاتيموللا ريزۋانوۆ، وبلىستىق اۋعان سوعىسى ارداگەرلەرى قوعامى توراعاسىنىڭ ورىنباسارى  بەيىمبەت ناريمان ۇلى جانە اۋعان سوعىسى جاۋىنگەرىنىڭ جەسىرى قاليما ابۋوۆا اشتى. 

ايتا كەتەيىك، شارا اياسىندا وبلىسقا تانىمال عالىم امانگەلدى شامعونوۆتىڭ يساتاي تايمان ۇلى تۋرالى جاقىندا جارىق كورگەن جاڭا كىتابىنىڭ تۇساۋى كەسىلدى.

8

سوڭعى جاڭالىقتار

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

ۇقساس جاڭالىقتار