«Egemen Qazaqstan» گازەتىنىڭ 100 جىلدىق مەرەيتويىنا ارنالعان حالىقارالىق عىلىمي-تاجىريبەلىك كونفەرەنتسيادا جاھاندىق مەدياكەڭىستىكتەگى جاڭالىقتار مەن وزگەرىستەر, بۇقارالىق كوممۋنيكاتسيا ماسەلەلەرى, گازەت نارىعىنىڭ قىر-سىرى, جۋرناليستيكا جانرلارىنىڭ بۇگىنگى تۇرلەنۋ ۇدەرىسى تالقىلاندى.
فيلولوگيا عىلىمدارىنىڭ دوكتورى ديحان قامزابەك ۇلىنىڭ مودەراتورلىعىمەن وتكەن كونفەرەنتسياعا قر ۇعا اكادەميگى, ادەبيەتتانۋشى سەرىك قيراباەۆ, عالىم قويشىعارا سالعارا ۇلى قاتىسىپ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى نامازالى وماشەۆ, ە.بوكەتوۆ اتىنداعى قارمۋ پروفەسسورى, فيلولوگيا عىلىمدارىنىڭ دوكتورى جاندوس سماعۇلوۆ, مەحيكو تۋريزم تەحنولوگياسى ۋنيۆەرسيتەتىنىڭ ماگيسترى Jose Umberto Baeso Estrada, جۋرناليستيكا جانە ساياساتتانۋ فاكۋلتەتىنىڭ دەكانى, پروفەسسور قايرات ساق بايانداما جاسادى.
شارا بارىسىندا بەلگىلى ادەبيەتتانۋشى سەرىك قيراباەۆ پەن عالىم قويشىعارا سالعارا ۇلىنا گازەتتىڭ 100 جىلدىق مەرەيتويىنا ارنالعان مەدال تابىستالدى. سونداي-اق ۋنيۆەرسيتەت تاراپىنان «Egemen Qazaqstan» گازەتىنىڭ قالامى جۇيرىك جۋرناليستەرى تالعات باتىرحان, بەكەن قايرات ۇلى مەن دۋمان اناشقا مەدال تاعىلىپ, امانگەلدى قۇرمەت ۇلى, سۇلەيمەن مامەت پەن جىلقىباي جاعىپار العىسحاتپەن ماراپاتتالدى.
باسىلىمنىڭ 100 جىلدىق مەرەيتويى اياسىندا ۋنيۆەرسيتەتتىڭ جۋرناليستيكا جانە ساياساتتانۋ فاكۋلتەتى ءباسپاسوز جانە باسپا ءىسى كافەدراسى «Egemen Qazaqstan» گازەتىنىڭ 10 كۇندىگىن» وتكىزەدى.
ونكۇندىك اياسىندا «Egemen Qazaqstan» گازەتىنىڭ باسقارما توراعاسى د.قىدىرالىنىڭ شەبەرلىك ساعاتى وتەدى. سونداي-اق باسىلىم ۆەب-رەداكتسياسىنىڭ جۇمىسى, فوتوجۋرناليستيكا, ديزاين جاساۋ تەحنولوگياسى جايلى سەمينار-ترەنينگ, گازەت تىلشىلەرىمەن شەبەرلىك ساباقتارى, كەزدەسۋ ۇيىمداستىرىلادى.
