اسقار ءامرين 2019 جىلدىڭ 10 ايىندا ۆەدومستۆو قىزمەتىنىڭ اشىقتىعى مەن ايقىندىلىعى بويىنشا اكىمدىك جۇمىسىنىڭ قورىتىندىلارى تۋرالى ايتىپ بەردى.
«2 جىل ىشىندە ۇدەرىستەردى وڭتايلاندىرۋ بويىنشا ۇلكەن جۇمىس اتقارىلدى, سونداي-اق اكىمشىلىك كەدەرگىلەردى جويدى جانە باسقارۋدى تسيفرلاندىرۋ جاعىنا بەلسەندى تۇردە جىلجىپ كەلەمىز. بۇگىنگى تاڭدا ەلوردا اكىمدىگى 179 مەملەكەتتىك قىزمەت كورسەتەدى, ونىڭ 56-ى egov.kz ەلەكتروندىق ۇكىمەت پورتالى ارقىلى اۆتوماتتاندىرىلدى, سونداي-اق 57 ءىشىنارا egov.kz پورتال ارقىلى قولجەتىمدى جانە حقو ارقىلى قايتالانادى», – دەيدى اكىم ورىنباسارى.
ونىڭ ايتۋىنشا وسى جىلدىڭ باسىنان بەرى ەلوردا اكىمدىگى 3,5 ملن ەلەكتروندىق فورماتتا مەملەكەتتىك قىزمەت كورسەتتى, بۇل 2017 جىلدىڭ كورسەتكىشتەرىنەن 5 ەسە جوعارى.
«وسى باعىتتاعى جۇمىس جالعاسۋدا جانە كەلەسى جىلدىڭ سوڭىنا دەيىن تاعى 40 مەملەكەتتىك قىزمەتتى اۆتوماتتاندىرۋ جوسپارلانىپ وتىر. سونداي-اق, ءبىز اكىمدىكتىڭ اشىقتىعى بويىنشا جۇمىس ىستەيمىز. ءبىز اۋداندىق اكىمدىكتەردە اشىلعان «Open akimat» ءتاسىلىن ەنگىزە باستادىق جانە كوممۋنالدىق قىزمەتتەر ۇسىنۋ بويىنشا iQala ورتالىقتارى مەن الەۋمەتتىك سيپاتتاعى قىزمەتتەردى ۇسىنۋ بويىنشا «جانۇيا» ورتالىعى اشىلدى», دەيدى اكىم ورىنباسارى.
ول ءسوز اراسىندا ۇدەرىستەردى وڭتايلاندىرۋ جانە كەدەرگىلەردى جويۋ شەڭبەرىندە سىبايلاس جەمقورلىق قۇقىق بۇزۋشىلىقتارعا مۇمكىندىك بەرەتىن «تار مويىندى» تالداپ, ىزدەدىك. مىسالداردىڭ ءبىرى – قالالىق جەلىلەرگە قوسىلۋ قىزمەتتەرى.
«بۇرىن ءبارى اشىق ەمەس, جابىق بولدى. IQala اشىلۋىمەن ءبىز كوممۋنالدىق قىزمەتتەردىڭ بارلىق فرونت-كەڭسەلەرىن بىرىكتىردىك جانە ىڭعايلى كەڭسەنى عانا ەمەس, قىزمەتتەردى الۋ ءۇشىن اشىق الاڭدى دا ۇسىندىق. سىزدەردى نۇر-سۇلتان قالاسى اكىمدىگىنىڭ سىبايلاس جەمقورلىققا قارسى ساياساتىندا جۇرگىزىلىپ جاتقان جۇمىستار تۋرالى حاباردار ەتىپ وتىرامىن», دەپ توقتالدى اسقار ءامرين.
