قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىباەۆتىڭ باستاماسىمەن بەكىتىلگەن سپورتتىق جۇلدە بيىل «قازاقستان» ورتالىق كونتسەرت زالىندا وتەدى. جىلداعى ءداستۇر بويىنشا جانكۇيەرلەر جىل ۇزدىگىن بيىل ءۇشىنشى رەت انىقتاماق.
«قادىرلى جانكۇيەرلەر! سىزدەردى بەلسەندى تۇردە داۋىس بەرۋگە شاقىرامىز. ويتكەنى, ەلىمىزدىڭ ۇزدىك سپورتشىسىن سىزدەر انىقتايسىزدار. بىلتىر ءبىزدىڭ سپورتشىلار مىڭداعان داۋىس جينادى. بۇل جولى دا سولاي جالعاسادى دەپ ۇمىتتەنەمىز. ءاربىر داۋىس سپورتشىلار ءۇشىن ماڭىزدى ەكەنىن ايتقىمىز كەلەدى. ۇمىتكەرلەر جەڭىسكە جەتۋ ءۇشىن ءسىزدىڭ داۋسىڭىز اسا قاجەت» دەلىنگەن حابارلامادا.
داۋىس بەرۋ توعىز اتالىم بويىنشا جۇرگىزىلەدى:
«جازعى سپورت تۇرلەرى بويىنشا ۇزدىك سپورتشى»
«قىسقى سپورت تۇرلەرى بويىنشا ۇزدىك سپورتشى»
«ۇزدىك جاس سپورتشى»
«جازعى سپورت تۇرلەرى بويىنشا ۇزدىك جاتتىقتىرۋشى»
«قىسقى سپورت تۇرلەرى بويىنشا ۇزدىك جاتتىقتىرۋشى»
«وليمپيادالىق سپورت تۇرلەرى بويىنشا ۇزدىك ۇلتتىق سپورت فەدەراتسياسى»
«ۇزدىك سپورتتىق ايماق» (وبلىس جانە رەسپۋبليكالىق دەڭگەيدەگى قالالار, سونداي-اق, ەلورداداعى دەنە شىنىقتىرۋ جانە سپورت باسقارماسى)
«جىل جاڭالىعى»
«جىلدىڭ ۇزدىك كومانداسى»
وليمپيادالىق سپورت تۇرلەرى ماۋسىمىنىڭ قورىتىندىسى بويىنشا ۇمىتكەرلەر ءتىزىمى جاساقتالدى. جۇلدەنى سالتاناتتى تۇردە تابىستاۋ كەشى ەلىمىزگە تانىمال جۇلدىزداردىڭ قاتىسۋىمەن وتەدى.
اتاپ ايتار بولساق, «Ninety One» توبى, ناZيما, «مولدانازار» توبى, Say Mo, قۋاندىق راحىم جانە وزگە دە انشىلەر كەش قوناعى بولماق. سالتاناتتى ءراسىم 30 قاراشا كۇنى 18.00-دە ەلورداداعى «قازاقستان» ورتالىق كونتسەرت زالىندا وتەدى.
