رۋحانيات • 14 قاراشا، 2019

«ارۋ» – كوز ارباعان كوركەمدىك الەمى

25 رەتكورسەتىلدى

نۇر-سۇلتان قالاسىندا «ارۋ-2019» حالىقارالىق زەرگەرلەر كورمەسى وتىز ءۇشىنشى رەت ءوتتى. ارمەنيا، گرۋزيا، پولشا، داعىس­تان مەن ياكۋتيانى قوسا العاندا رەسەيدىڭ ءتۇرلى ايماقتارى، ودان بولەك ىرگەدەگى وزبەكستان، تۇركيانىڭ ەڭ وزىق كاسىپورىندارى ۇسىنعان ءداستۇرلى كلاسسيكا مەن جاڭا ديزاينداعى كوزدىڭ جاۋىن الار زەرگەرلىك بۇيىمدار سان الۋاندىعىمەن تاڭداي قاقتىردى.

ءداستۇرلى كورمە تەك ءبىزدىڭ ەل­دىڭ ەڭ ۇزدىك زەرگەرلىك كومپانيا­لارىن عانا ەمەس، الىس-جاقىن شەتەل زەرگەرلەرىنىڭ جەتىستىكتەرىن دە ءبىر جەرگە توعىستىرىپتى. جىل­­داردى ارتقا تاستاپ تۇرلەنە وزگە­رەتىن زەرگەرلىك بۇيىمداردىڭ ءسانى مەن ءستيلى ماۋسىم سايىن جاڭارىپ وتىراتىنىن شىندىق. ال حالىقارالىق كورمە جاڭا با­­عىت­تاردان حاباردار بولىپ وتىرۋعا مۇمكىندىك بەرىپ، زاماناۋي جەتەكشى زەرگەرلەردىڭ جار­قىن ديزاينەرلىك شەشىمدەرىن ايگىلەيدى. بيىلعى كورمەنىڭ اۋقى­­مى جىلداعىعا قاراعاندا كەڭەيە تۇسكەن، ماسەلەن ساعات قۇ­مار­لار جاندار ءۇشىن «Eta»، «Ronda»، «Epos»، «Deep Blue» سىندى شۆەي­تساريالىق، جا­پونيانىڭ «Citizen» سىندى تانىمال زەرگەرلىك برەند­تەرى ساتىلىمعا قويىلدى.   

– «ارۋ» كورمەسى قازاقستاننىڭ زەرگەرلىك ونەر سالاسىنداعى اۋەس­­­قويلار مەن كاسىبي، سونداي-اق وزگە دە شەت ايماقتاردان كەل­گەن مامانداردىڭ باسىن قوسقان اۋقىم­­دى جيىن. زەرگەرلىك بيز­نەس­تەگى سوڭعى جاڭالىقتار مەن جاڭا باعىتتار وسىندا تانىستى­رىلادى. مۇندا بيزنەس پەن ونەر ءبىر ارناعا توعىسىپ جاتىر. سون­دىقتان 100-دەن استام كوم­پانيا مەن جەكەلەگەن شەبەر­لەر قاتىسىپ جاتىر. بىراق ەڭ باستىسى، قازاقستانداعى زەر­گەرلىك بيزنەس سالاسىنىڭ دامۋىن ءاردايىم قاپەردە ۇس­تايمىز. كورمە باستال­عان العاش­قى جىلدارى جۇمىسىن ەندى باس­تاعان كەي شەبەرلەر قازىر ءون­دىرىس كومپانيالارىن تانىس­تىرىپ ءجۇر. سوندىقتان بۇگىنگى كورمەنىڭ وتاندىق شەبەرلەرگە ايتارلىقتاي مۇمكىندىك بە­رىپ كەلە جاتقانى راس، –  دەيدى «قازەكسپو» حالىقارالىق كور­مە كومپانياسىنىڭ ديرەكتورى ريمما عالىمجانوۆا.

رەسەيدىڭ زەرگەرلىك استاناسى سا­نا­لاتىن كوستروما، كارىپتاس ونەر­­كاسىبىنىڭ ەڭ ۇلكەن كلاستەرى شوعىر­لانعان كالينينگراد، سونداي-اق بەلگورود، يۆانوۆ، ياروسلاۆل وبلىس­تارىنىڭ ۇجىم­دىق ەكسپوزيتسيالارى ۇيىم­داستىرىلىپ، جاپپاي ءوندىرىس مىندەت­تەرىمەن شەكتەلمەگەن ەكس­كليۋزيۆتى بۇيىمدارعا قىزىق­قان­داردىڭ قاراسى كوپ بولدى.

«شىعارماشىلىق كومپانيا­لار مەن زەرگەرلىك شەبەرلەرگە ارنال­عان ءىس-شارانىڭ جىل سا­يىن وتكى­زىلۋى رەسەي مەن قازاقستان كا­سىپ­ورىندارىنىڭ ىنتىماعىن ارتتىردى. ورىس حالقىنىڭ كور­كەم قول­ونەرىنىڭ، سونىمەن بىرگە سوڭعى ۇردىستەردى تاپ باسقان زەر­گەرلىك ونەردىڭ مايتالماندارىن ءبىر الاڭعا جيناپ وتىر. ياروسلاۆل وبلىسىنىڭ كومپانيالارىنا ىڭعايلى مۇم­­كىندىك بەرگەنى ءۇشىن العىس بىل­دىرەمىز»، دەگەن «ياروسلاۆل وبلى­سىنىڭ ەكسپورت ورتالىعى» كەاۇ باس ديرەكتورى ن.باگروۆا كورمە جۇمىسىنا ساتتىلىك تىلەدى.

ال ارميان زەرگەرلەرىنىڭ كورمەگە تۇراقتى اتسالىسۋى بەلگىلى ءبىر داس­تۇرگە اينالىپ ۇلگەرگەندەي. التىن مەن كۇمىستەن سوعىلعان اشە­­كەيلەر ءداستۇرلى ويۋ-ورنەككە نەگىز­دەلگەنىمەن، بۇگىنگى ديزاين ۇدەسىنەن كورىنە ءبىلىپتى. كورمەنى اسىقپاي ارالاي ءجۇرىپ، ءوزىمىزدىڭ تۋىسقان حالىق قوي دەپ سىبىردەن كەلگەن اعايىنىمىزدىڭ سورەلەرىن دە جا­عالاپ كوردىك. ياكۋت مادەنيەتىنىڭ باستى يگىلىگىنىڭ ءبىرى – ايەل اشە­كەيلەرى.

«قازاقستاندا وتەتىن «ارۋ» كور­­مەسىنە جىل سايىن قاتىسىپ كەلەمىز. ساحا گاۋھارلارى مەن كۇ­مىس­تەن جاسالعان اشەكەي بۇيىم­دارىن وسىندا الىپ كەل­دىك. ولار ساپاسى مەن وزىندىك سيپاتتام­اسىمەن دارالانادى»، دەگەن كومپانيا ديرەكتورى قازىرگى تاڭدا كۇردەلى فورما­سىمەن جانە وزىندىك كونسترۋكتسيا­سىمەن ەرەكشەلەنەتىن مەتالل اشە­­­كەيلەردىڭ مىڭجىلدىقتارعا جالعاسقان ارحايكالىق سيپاتىن ساقتاپ كەلە جاتقانىن ايتادى.

قازاق زەرگەرلىك ونەرىن جاڭا بەلەسكە شىعارعان ايشىقتى دا تارتىمدى قولونەر اشەكەيلەرى اتالعان كورمەدە كەڭ تانىستىرىلدى. ءدال وسى جەردەن ساقينا، سىرعا، القا دەيسىز بە، كادەسىيلاردىڭ ءتۇر-ءتۇرىن باعاسى مەن ساپاسىنا قا­راي تاڭداي الاسىز. 16 جىلدان بەرى جۇمىس ىستەپ كەلە جاتقان «جەمچۋجينا» زەرگەرلىك كاسىپورنى ەس­كيزدەن دايىن بۇيىمعا دەيىن تو­لىق وندىرىستىك تسيكلدى قامتيدى. بارلىق حالىقارالىق ستاندارتقا سايكەس كەلەتىن كاسىپورىننىڭ ءوزى­نىڭ وندىرىستىك بازاسى مەن دي­زاي­نەرلىك توبى بار.

– الدىمەن اففيناج زاۋىتىنان تازا التىن قۇيماسى ساتىپ الىنادى. ودان كەيىن قاراعاندىداعى ونەركاسىپ ورتالىعىندا 585 سىنا­ما­سىنا سايكەس قىزىل، اق، سارى التىن وندىرىلەدى. ارنايى سۋرەتشى، زەر­گەرلەرمەن جۇمىس ىستەيمىز، – دەيدى اتالعان كاسىپورىننىڭ كە­ڭەس­شى-ساتۋشىسى اينۇر ماقا­جانوۆا.

جىل سايىن وتەتىن حالىقارالىق ءىس-شارا          ەل تۇرعىندارى ءۇشىن زەر­گەرلىك ونەردىڭ، ءسان مەن سىمبات­تىڭ ناعىز مەرەكەسى بولىپ سانالادى. ەڭ تالعامپاز سانقويدىڭ ءوزىن قۋانتا الاتىن ساپالى بۇيىم­دار­دىڭ اۋقىمدى توپتاماسى – «ارۋ» زەرگەرلىك كورمەسىنىڭ باستى ەرەكشەلىگى.

 

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار