فورۋمعا قازاقستان حالقى اسسامبلەياسى توراعاسىنىڭ ورىنباسارى – قر پرەزيدەنتى اكىمشىلىگى قحا حاتشىلىعىنىڭ مەڭگەرۋشىسى جانسەيىت تۇيمەباەۆ, قازاقستانداعى ليتۆا رەسپۋبليكاسىنىڭ توتەنشە جانە وكىلەتتى ەلشىسى گينتاۋتاس ۆاسيۋليس, پانەۆەجيس قالاسىنىڭ مەرى ريتيس راچكاۋسكاس, نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۇرزاەۆ, ليتۆا رەسپۋبليكاسىنان كەلگەن قۇرمەتتى قوناقتار, ەلوردالىق كاسىپكەرلەر مەن ەتنومادەني بىرلەستىكتەردىڭ مۇشەلەرى قاتىستى.
«بۇگىن قازاقستان حالقى اسسامبلەياسىنىڭ كاسىپكەرلەر قاۋىمداستىعى العاش رەت قازاقستان مەن ليتۆانىڭ ىسكەر توپتارى اراسىندا ەكىجاقتى فورۋم وتكىزىپ وتىر. قازىرگى تاڭدا ءبىزدىڭ ەلدەرىمىز جىلدان جىلعا دامىپ كەلە جاتقان ورتاق تاريحپەن جانە ەكىجاقتى ىنتىماقتاستىقپەن نىعايتىلعان تىعىز دوستىق بايلانىستارعا يە. قازاقستان مەن ليتۆا اراسىندا ساۋدا-ەكونوميكالىق ىنتىماقتاستىقتىڭ جاقسى بازاسى بار. ليتۆا قازاقستاننىڭ ەو ەلدەرىندەگى ءىرى ساۋدا سەرىكتەستەرىنىڭ وندىعىنا جانە الەمدەگى جيىرما ءىرى سەرىكتەستەرگە كىرەدى», - دەپ اتاپ ءوتتى قازاقستان حالقى اسسامبلەياسى توراعاسىنىڭ ورىنباسارى – قر پرەزيدەنتى اكىمشىلىگى قحا حاتشىلىعىنىڭ مەڭگەرۋشىسى جانسەيىت تۇيمەباەۆ.
باعدارلاما بويىنشا ەلباسى ن. ءا. نازارباەۆتىڭ قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى مەن قازاقستان حالقى اسسامبلەياسىنىڭ جۇمىسى تانىستىرىلدى. سونىمەن بىرگە, قالاداعى بيزنە قالاداعى بيزنەس-قۇرىلىمدار قاۋىمداستىقتارى تۋرالى اقپاراتتار مالىمدەلىپ, ارىپتەستىك ماقساتىندا ءوزارا تاجىريبە الماستى.
