ۇلتتىق پاراليمپيادا كوميتەتىنىڭ پرەزيدەنتى قايرات بورانباەۆ قوناقتاردى ەلىمىزدەگى پاراليمپيادالىق قوزعالىستىڭ قىزمەتىمەن جانە مۇمكىندىگى شەكتەۋلى جاندار اراسىندا بۇقارالىق سپورتتىڭ دامۋىمەن تانىستىردى.
ق. بورانباەۆ پاراليمپيادالىق قوزعالىستى دامىتۋدا مەملەكەتتىك قولداۋدىڭ ماڭىزدىلىعىن, سونداي-اق پجو مىسالىنا سۇيەنە وتىرىپ, مەملەكەتتىك-جەكەمەنشىك ارىپتەستىك اياسىنداعى ءساتتى ىنتىماقتاستىقتى اتاپ ءوتتى.
ورتالىققا اي سايىن 4500-دەن استام ادام كەلەدى, جاتتىعۋلار 16 سپورت ءتۇرى بويىنشا وتكىزىلەدى, ءتۇرلى ءىس-شارالار وتكىزىلەدى, سولاردىڭ ىشىندە اتاپ وتەرلىگى – 1-2 قاراشا كۇندەرى ەلوردادا وتكەن العاشقى بالالار پاراليمپياسىنىڭ ويىندارى. وعان 220-دان استام بالا قاتىستى.
التاي كولگىنوۆ كەلەسى جىلدان باستاپ اكىمدىكتىڭ جۇيەلى نەگىزدە بالالاردىڭ پاراليمپيادالىق جارىستارىن وتكىزۋگە قولداۋ كورسەتەتىنىن اتاپ ءوتتى.
ۆيتسە-پرەمەر اتالعان باستامانى قولداپ, ءبىلىم جانە عىلىم مينيسترلىگىنە مادەنيەت جانە سپورت مينيسترلىگىمەن بىرلەسىپ, رەسپۋبليكالىق دەڭگەيدە بالالار پاراليمپياسىنىڭ ويىندارىن ۇيىمداستىرۋ ماسەلەسىن قاراۋدى تاپسىردى.
ول سپورتتىڭ مۇگەدەكتەردى وڭالتۋدىڭ ماڭىزدى قۇرالدارىنىڭ ءبىرى ەكەنىن اتاپ ايتتى, سوندىقتان مۇنداي جاتتىعۋ ورتالىقتارىن ەلىمىزدىڭ باسقا وڭىرلەرىندە دە اشۋ قاجەت.
«بىرەۋلەر ءۇشىن سپورت – بۇل ءوزىنىڭ فۋنكتسيونالدىق مۇمكىندىكتەرىن كەڭەيتۋ, دەنساۋلىعىن جاقسارتۋ جولى, ال ەندى بىرلەۋ ءۇشىن - كاسىبي سپورت شەبەرلىگىن يگەرۋ مۇمكىندىگى. ءبىزدىڭ مىندەتىمىز – سپورتتى بارلىق ازاماتتار ءۇشىن, ونىڭ ىشىندە مۇگەدەك جاندار ءۇشىن دە قولجەتىمدى ەتۋ», — دەدى ب. ساپارباەۆ.
سونىمەن قاتار پرەمەر-ءمينيستردىڭ ورىنباسارى سپورتشىلارمەن سويلەسىپ, الداعى توكيودا وتەتىن ويىنداردا ولارعا جوعارى ناتيجەلەرگە قول جەتكىزۋدى تىلەدى.
ورتالىق ديرەكتورى شىڭعىس تەمىرحانوۆ وسى جىلى قاراشا ايىندا ىسكە قوسىلعان جاڭا اقپاراتتىق جۇيە تۋرالى ايتىپ بەردى.
ونىڭ ايتۋىنشا, اۆتوماتتاندىرىلعان پروتسەسكە كوشۋ جاتتىعۋ ورتالىعىنىڭ جۇمىسىنا ساپالى تالداۋ جۇرگىزۋگە مۇمكىندىك بەرەدى. ءاربىر كەلۋشىنىڭ حالىقارالىق اۋرۋلار ءتىزىلىمى جۇيەسىمەن جاراقتالعان كارتاسى بار. وسى كارتادا جەكە اناليزىنە سايكەس سپورت زالدارىنا رۇقساتى مەن جازبالارى ساقتالعان.
ساپار اياسىندا سپورتتىق ويىن تۇرلەرىمەن اينالىسۋعا ارنالعان مانەج جوبالارى (زاعيپ جاندار فۋتبولى, اربادا وتىرىپ رەگبي ويناۋ, گولبول, پارا اتلەتيكانىڭ بىرنەشە ديستسيپليناسى), سونداي-اق اربادا وتىرىپ كيورلينگ ويناۋعا ارنالعان ارەنالار تانىستىرىلدى. بۇل جوبالار مۇگەدەك ادامداردىڭ اراسىندا سپورتپەن اينالىسۋ دەڭگەيىن ءبىرشاما ارتتىرىپ, ۇلتتىق قۇرامالار ءۇشىن وقۋ-جاتتىعۋ قۇرامالارى مەن حالىقارالىق تۋرنيرلەر وتكىزۋگە مۇمكىندىك بەرەدى.
