قازاقستان • 08 قاراشا، 2019

تاراز تۇرعىندارى تۇرعىن ۇيمەن قامتىلۋدا

34 رەتكورسەتىلدى

جامبىل وبلىستىق ىشكى ساياسات باسقارماسى «وڭىرلىك كوممۋنيكاتسيالار قىزمەتىنىڭ» اقپارات الاڭىندا تاراز قالاسىنىڭ اكىمى قايرات دوساەۆتىڭ قاتىسۋىمەن ءباسپاسوز كونفەرەنتسياسى ءوتتى. اكىم ءوز كەزەگىندە ەلىمىزدەگى «نۇرلى جەر»، «7-20-25» تۇرعىن ءۇي باعدارلامالارى تۋرالى بايانداپ، جۋرناليستەردىڭ سۇراقتارىنا جاۋاپ بەردى.

«تۇرعىن ءۇي ماسەلەسى كەڭەس ءداۋىرى كەزىنەن-اق تاراز قالاسىنداعى سۇرانىسى مول سالا بولاتىن. ەل ەكونوميكاسى وتپەلى كەزەڭنەن ءوتىپ، دامۋدىڭ داڭعىل جولىنا  تۇسكەن شاقتان باستاپ، كونە تاراز دا قايتا تۇلەپ، گۇلدەنىپ، كوركەيە ءتۇستى. حالىقتىڭ سانى ءوسىپ، ەلدىڭ قاتارى كوبەيدى. از ۋاقىت ىشىندە-اق تۇرعىن ۇيگە دەگەن سۇرانىس ەسەلەپ ارتتى. «نۇرلى جەر» تۇرعىن ءۇي قۇرىلىسى باعدارلاماسى اياسىندا سۇلەيمەنوۆ كوشەسىنىڭ سوڭىنداعى 362 گەكتار جەردە 10 300 وتباسىنا ارنالعان 280 كوپقاباتتى ۇيلەردى قۇرايتىن 15-ءشى مولتەك اۋدانىنىڭ قۇرىلىسى جۇرگىزىلۋدە. القاپتىڭ بايلانىس، كارىز، سۋ جانە گاز قۇبىرلارى جەلىلەرىنىڭ قۇرىلىستارى اياقتالىپ، ەلەكترمەن قامتۋ، ىشكى كۆارتالدىق كولىك جولىنىڭ جانە جىلۋ جەلىلەرىنىڭ قۇرىلىسى ىسكە اسىرىلۋدا. بۇگىنگى تاڭدا 80 پاتەرلى 19 تۇرعىن ءۇي پايدالانۋعا بەرىلىپ، بۇدان باسقا 80 جانە 60 پاتەرلى 16 تۇرعىن ءۇيدىڭ قۇرىلىسى جۇرگىزىلۋدە. سونىمەن قاتار 80 پاتەرلى ارەندالىق 11 تۇرعىن ءۇيدىڭ قۇرىلىسىن باستاۋعا قالا بيۋدجەتىنەن 22،0 ميلليون تەڭگە قارجى قاراستىرىلدى»، دەدى قايرات دوساەۆ ءوز سوزىندە.

«نۇرلى جەر» باعدارلاماسى اياسىندا «اۆتوبەكەت» اۋماعىنداعى 100 گەكتار جەرگە بولاشاقتا 14-ءشى مولتەك اۋدانى سالىنادى. مۇندا 5 460 وتباسىنا ارنالعان 9 جانە 12  كوپقاباتتى 49 تۇرعىن ءۇي جوسپارلانۋدا. قازىرگى تاڭدا اتالعان القاپ گاز جانە بايلانىس جەلىلەرىمەن قامتاماسىز ەتىلسە، جىلۋمەن قامتۋ جۇمىستارى 2019 جىلدىڭ قاراشا ايىندا اياقتالاتىن بولادى. جالپى ينجەنەرلىك ينفراقۇرىلىمدارىنىڭ قۇرىلىس جۇمىستارىن 2021 جىلى تولىعىمەن اياقتاۋ جوسپارلانۋدا ەكەن. تاعى ءبىر قۋانىشتى جاڭالىق، مەملەكەتتىك قوردان تۇرعىن ءۇي الۋ تىزىمىنە تىركەلگەن ازاماتتارعا 2019 جىلدىڭ مامىر ايىندا 140 پاتەر بەرىلدى. ونىڭ ىشىندە كوپبالالى وتباسىلار 65 پاتەرمەن قامتاماسىز ەتىلگەن. جيىن بارىسىندا قالا اكىمى اعىمداعى جىلى كوپبالالى وتباسىلارعا دا جاقسى جاعداي جاسالاتىنىن ايتتى. كولەمى 60-90 شارشى مەتردەن كەم بولمايتىن، قۇنى 8 ميلليون 400،0 مىڭ تەڭگەدەن اسپايتىن 142 پاتەر ساتىپ الۋعا رەسپۋبليكالىق بيۋدجەتتەن 1 ميلليارد  191،0 ميلليون تەڭگە قارجى قاراستىرىلىپ، قازىرگى تاڭدا مەملەكەتتىك ساتىپ الۋ جۇمىستارى جۇرگىزىلۋدە ەكەنىن دە جەتكىزدى.

قازىرگى تاڭدا پايدالانۋعا بەرىلگەن تۇرعىن ءۇي كولەمىنىڭ جالپى اۋماعى 217،7 مىڭ شارشى مەتردى نەمەسە ناقتى كولەم يندەكسى 109،8 پايىزدى قۇراعان. ەسەپتى كەزەڭدە قالا بويىنشا تۇرعىن ءۇي كەزەگىندە تۇرعان ازاماتتاردىڭ سانى 18 568 ادام بولىپ وتىر. ونىڭ ىشىندە كوپبالالى وتباسىلار 1784، 29 جاسقا تولماعان جەتىم جانە اتا-اناسىنىڭ قامقورىنسىز قالعان بالالار 1953، الەۋمەتتىك جاعىنان قورعالاتىن توپتار 8955،  مەملەكەتتىك، بيۋدجەتتىك جانە اسكەري قىزمەتكەرلەر سانى 5876 بولعان.

«سۇلەيمەنوۆ كوشەسىنىڭ سوڭىنداعى تۇرعىن القاپتا رەسپۋبليكالىق بيۋدجەت ەسەبىنەن جارتىلاي ارەندالىق جانە جارتىلاي از قامتىلعان كوپبالالى وتباسىلار ءۇشىن 80 پاتەرلى 4 تۇرعىن ءۇيدىڭ جانە وبلىستىق بيۋدجەت ەسەبىنەن 80 پاتەرلى 1 ارەندالىق تۇرعىن ءۇيدىڭ قۇرىلىسى جۇرگىزىلۋدە. بۇدان بولەك، اعىمداعى جىلى 15-ءشى مولتەك اۋداندا 80-پاتەرلى 10 نەسيەلىك تۇرعىن ءۇي پايدالانۋعا بەرىلدى. سونداي-اق اتالعان القاپتا جەرگىلىكتى اتقارۋشى ورگانداردىڭ وبليگاتسيالار شىعارۋ جولىمەن 60-پاتەرلى 11 كرەديتتىك ۇيلەردىڭ قۇرىلىستارى جۇرگىزىلىپ جاتسا، ونىڭ 3-ەۋى اعىمداعى جىلى ىسكە قوسىلاتىن بولادى. ال قالعان 8 ءۇي كەلەسى جىلعا وتپەلى بولىپ تابىلادى»، دەيدى قالا اكىمى. كەزەكتە تۇرعان كوپبالالى انالارعا ارنالعان «اراي» تۇرعىن ءۇي القابى مەن «قاراسۋ» مولتەك اۋدانىندا 45 پاتەرلى 8 شاعىن جاتاقحانالاردىڭ قۇرىلىسى وبلىستىق بيۋدجەت ەسەبىنەن قارجىلاندىرىلۋدا. اعىمداعى جىلى 6 جاتاقحانانى پايدالانۋعا بەرۋ كوزدەلسە، قالعان 2 جاتاقحانا كەلەسى جىلعا وتپەلى بولىپ وتىر.

«كەلەسى كەزەڭگە 80 پاتەرلى 23 تۇرعىن ۇيلەردىڭ قۇرىلىستارىن 2020-2021 جىلدارى جۇرگىزۋ جوسپارلانۋدا. جەكە تۇرعىن ۇيلەر قۇرىلىسى بويىنشا سۇلەيمەنوۆ كوشەسىنىڭ سوڭىنداعى القاپتا 555 جەر تەلىمىندە جەكە ينۆەستورلار تاراپىنان نەسيەگە بەرىلەتىن بىرىڭعاي ساۋلەتتىك ستيلدەگى كوتتەدجدىك ۇيلەردىڭ قۇرىلىستارىن جۇرگىزۋ ءۇشىن جەر تەلىمدەرى بەلگىلەنگەن. ونىڭ 255-نە 4 مەردىگەر كەلىسىم شارتقا تۇردى. قازىرگى تاڭدا 14 ءۇيدىڭ قۇرىلىسى اياقتالىپ، 4 ۇيگە الەۋەتتى ساتىپ الۋشى انىقتالدى. بۇدان بولەك، قوسىمشا 26 ءۇيدىڭ قۇرىلىسى جۇرگىزىلۋدە. وسى ۇيلەردى ساتۋ ماقساتىندا 2006 جىلى جەر ۋچاسكەسىن الۋعا كەزەكتە تۇرعان ازاماتتارعا ءتۇسىندىرۋ جۇمىستارى اياقتالۋدا. وسى جۇمىستار كەزەڭ-كەزەڭىمەن ءوز جالعاسىن تاباتىن بولادى»، دەدى قايرات دوساەۆ. اكىمنىڭ ايتۋىنشا، جەكە تۇرعىن ءۇي قۇرىلىسىن جۇرگىزۋ ءۇشىن جەر تەلىمدەرىن الۋ ءۇشىن 71 493 ازامات كەزەكتە تۇر ەكەن. جەر كەزەگىندە تۇرعان ازاماتتارعا الداعى ۋاقىتتا جەر تەلىمدەرىن بەرۋ ءۇشىن 4 الاڭ دايىندالۋدا. بۇدان بولەك، 2012 جىلدان بەرى «كولتوعان» القابىنىڭ ماڭىنداعى 250 گەكتار الاڭىندا بولىنگەن 1232 جەر تەلىمدەرىن تۇگەندەۋ جۇمىستارى جۇرگىزىلىپ، ناتيجەسىندە پايدالانۋ مەرزىمى وتكەن 127 جەر ۋچاسكىلەرى مەملەكەت مەنشىگىنە قايتارىلعان. ەندى وسى جەرلەر كەزەكتە تۇرعان ازاماتتارعا قايتا بەرىلەتىن بولادى.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار