قوعام • 08 قاراشا، 2019

پوليتسەيلەر اۋلەتى

234 رەتكورسەتىلدى

ء«بىزدى جاقىن-جۋىقتارىمىز «پوليتسەيلەر اۋلەتى» دەپ اتايدى. ويتكەنى ءوزىم دە ىشكى ىستەر ورگاندارىندا قىزمەت اتقاردىم، قازىر ۇلىم دا، كەلىنىم دە وسى سالادا ەڭبەك ەتەدى» دەپ باستادى اڭگىمەسىن سەرىكباي نۇرمۇحانبەتوۆ.

وبلىس ورتالىعىنىڭ تۇر­عى­نى سەرىكباي رامازان ۇلى ىشكى ىستەر سالاسىنداعى قىز­مە­تىن 1983 جىلى قورعاسىن-مىرىش كومبيناتىندا (قازىرگى «قازتسينك» جشس) كۇزەتشىلىكتەن باستاپ، شاھارداعى بۇرىنعى وكتيابر اۋداندىق ىشكى ىستەر ءبولىمىنىڭ قىلمىسپەن كۇرەس بولىمىندە جەدەل ۋاكىل، اعا جەدەل ۋاكىل، قالالىق ىشكى ىستەر ءبولىمىنىڭ كەزەكشى بولىمىندە جەدەل كەزەكشى، كەيىن قالالىق جەدەل باسقارۋ ورتالىعىندا جە­دەل كەزەكشى قىزمەتتەرىن اتقا­­­رىپتى. «وسى ورتالىق اشىل­­­­­­­عاندا جۇمىس ىستەدىم. تا­جىر­ي­­­بەلى قىزمەتكەر رەتىندە مەنى سوندا جىبەردى. ءۇش جىلداي جەدەل كەزەكشى بولىپ ەڭبەك ەتتىم. كەيىن وسكەمەن قالالىق ىشكى ىستەر باسقارماسىنىڭ جەدەل كەزەكشى ءبولىمىنىڭ ءبولىم باسشىسى قىزمەتىنە شاقىرىلىپ، 2007 جىلى سول جەردەن زەينەت­كەر­لىككە شىقتىم. ءبىر قىزىعى، كوبىندە كەزەكشى بولىمدە جۇمىس ىستەپپىن. ءوزىم نەگىزى تارباعاتاي اۋدانى قابانباي اۋىلىنىڭ تۋماسىمىن، 1979 جىلى مەكتەپ ءبىتىرىپ، قالاعا كەلدىك. اكەدەن 6 جاسىمدا قالىپ، انامىزدىڭ تاربيەسىن كوردىك. شەشەم 5 بالانى قاناتتىعا قاقتىرماي، تۇمسىقتىعا شوقىتتىرماي ءوسىردى. بالالارىمنىڭ ەشقاي­سى­سىنا وسى سالاعا بار نەمەسە بارما دەپ ايتقان ەمەسپىن. وزدەرى تاڭدادى. مەنىڭ جولىمدى ەڭ ءبىرىنشى قىزىم دينارا جالعادى. قازىر نۇر-سۇلتان قالاسىندا ۇلتتىق قاۋىپسىزدىك كوميتەتىندە جۇمىس ىستەيدى. قىزىمنىڭ جۇبايى، ياعني كۇيەۋ بالامىز رۋسلان دا پوليتسيا مايورى»، دەيدى ىشكى ىستەر سالاسىنىڭ ارداگەرى.

سەرىكباي نۇرمۇحانبەتوۆتىڭ ۇلى داستان بۇگىندە وسكەمەن قالالىق پوليتسيا باسقارماسى جەدەل باسقارۋ ورتالىعىندا جەدەل كەزەكشى قىزمەتىن اتقارادى. ول مەكتەپ بىتىرگەن سوڭ سارسەن امانجولوۆ اتىنداعى شقمۋ-دا مۋزىكا ءپانىنىڭ مۇعالىمى ماماندىعى بويىنشا ءبىلىم العانىمەن، اسكەري بورىشىن وتەپ كەلگەننەن كەيىن اكە جولىن جالعاستىرۋدى ءجون دەپ ۇيعارىپتى. «ىشكى ىستەر ورگاندارىندا 2011 جىلدان بەرى جۇمىس ىستەپ كەلەمىن. ەڭبەك جولىمدى اتتى اسكەر ۆزۆودىندا پاترۋلدىك پوليتسيا بولىپ باستادىم. كەيىن ەرتىس پوليتسيا بولىمىندە كامەلەتكە تول­ماعاندار ءىسى جونىندەگى ينس­پەكتور، وسى ءبولىمنىڭ كەزەك­شى بولىمىندە ينسپەكتور قىزمەتتەرىن اتقاردىم. سوڭعى ەكى جارىم جىل جەدەل باسقارۋ ورتالىعىندا ەڭبەك ەتىپ جاتىرمىن. پوليتسيا بولۋ – ءوز تاڭداۋىم. كوزىمىزدى اشىپ كورگەنىمىز ميليتسيا فورماسى بولعاندىقتان، تاڭداۋىمىز وسى سالاعا بەكەرگە تۇسپەگەنى انىق. جۇمىستاعى ارىپتەستەرىم كەيدە مەنى اكەممەن شاتاستىرىپ جاتادى. ءبىر قىزىعى، اكەم جۇمىس ىستەگەن جەرلەردە مەن دە جۇمىس ىستەپ جاتىرمىن. جۇبايىم اقبوتامەن 2014 جىلى ەرتىس پوليتسيا بولىمىندە جۇمىس ىستەپ جۇرگەن كەزدە تانىس­تىم»، دەيدى اكە جولىن قۋعان ءتارتىپ ساقشىسى.

داستاننىڭ جۇبايى اقبوتا نۇرمۇحانبەتوۆا وبلىستىق پو­ليتسيا دەپارتامەنتىنىڭ كادر جۇ­مىسى باسقارماسىندا پولي­تسيا ينسپەكتورى. «پوليتسەي بولۋدى بالا كەزىمنەن ارماندادىم. «وسكەندە كىم بولاسىڭ؟» دە­گەندە «ميليتسيا بولامىن» دەي­تىن­مىن. ارمانىم ورىندالدى. مەنىڭ تۋعان اعام دا ىشكى ىستەر سالاسىندا جۇمىس ىستەگەن. ءوزىم 5 جىل ەرتىس پوليتسيا بولىمىندە كا­مەلەتكە تولماعاندار ءىسى جو­نىن­دەگى ينسپەكتور قىزمەتىن اتقار­دىم. وسى سالادا جۇمىس ىستەپ جاتقانىما 7 جىلعا جۋىق­تادى» دەيدى بۇگىندە بالا تاربيە­سىمەن ۋاقىتشا ۇيدە وتىر­عان اقبوتا.

ورايى كەلگەندە ايتا كەتە­يىك، بۇگىندە داستان مەن اقبوتا ەكى قىز بەن ءبىر ۇلدى تاربيە­لەپ وتىر.

 

وسكەمەن

 سۋرەتتەردى تۇسىرگەن مەرەي قايناروۆ

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار