ايماقتار • 08 قاراشا، 2019

قىلقالام ايالاعان تالبەسىك

18 رەتكورسەتىلدى

الماتىداعى ورتالىق مۋزەيدە سۋرەتشى-پەداگوگ كەرىمبەك ءجۇما­دىل­حاننىڭ «اۋىل – ەل بەسىگى» اتتى جەكە شىعارماشىلىق كورمەسى اشىلدى. كورمە قازاق ۇلتتىق اگرار­لىق ۋنيۆەرسيتەتىنىڭ 90 جىل­دىق مەرەيتويىنا ارنالعان بو­لا­تىن.

بەلگىلى سۋرەتشى ءجۇمادىلحان كەرىم­بەك وڭتۇستىك قازاق­ستان وب­لىسى، ساي­رام اۋدا­نىنىڭ بىرلىك اۋىلىندا دۇنيەگە كەلدى. 1986 جىلى ال­ماتى قالاسىنداعى قازاق اۋىلشارۋاشىلىق ينستي­تۋتىنىڭ اگرونوميا فاكۋلتەتىن بىتىرگەن. تۇر­كيادا بيولوگيا سالاسى بويىنشا دوكتورلىق ديسسەرتاتسيا قورعادى (1998). ول قازىرگى ۋاقىتتا قازاق ۇلتتىق اگرارلىق ۋنيۆەر­سيتەتىندە اعا وقىتۋشى بولىپ قىزمەت اتقارادى.

قىلقالام شەبەرى، وزىن­دىك بولەكتەۋ مانەر يەسى ءجۇ­مادىلحاننىڭ تىلسىمى بولەك ايرىقشا شىعارمالارى بۇعان دەيىن دە بىرنەشە رەت ورتالىق مۋ­زەي قابىرعاسىندا كورەر­مەندەرىنە كورسەتىلدى. ال بۇل جولى الماتىلىقتار نازارىنا سۋرەتشىنىڭ تۋعان اۋىلىنا ارنالعان ەڭبەكتەرىنىڭ جاڭا توپتاماسى ۇسىنىلدى. ونىڭ سىرباز قالامىنان تۋعان ولكەسىنە، ەلىنە دەگەن سۇيىسپەنشىلىك سەزىمىنە تولى ونەر تۋىندىلارى قازاق حالقىنىڭ مادەنيەتى، سالت- ءداستۇرى، ادەت-عۇرپىمەن تانىستىرادى. سۋرەتشىنىڭ «قارا جورعا»، «كۇننىڭ باتۋى»، «الماتى (كوكتوبەدەن قاراعانداعى كورىنىس)»، «سا­كىدە»، «جازعى كۇن» سىندى تولىمدى ەڭبەكتەرىندە جەر­لەستەرىنىڭ كۇندەلىكتى تۇر­مىس-تىرشىلىگى، اۋىل تا­بيعا­تىنىڭ سۇلۋلىعى، ساي­گ ۇلىكتەر شابىسى، ۇلتتىق مە­رەكە ساتتەرى – بىزگە جا­قىن دا تۇسىنىكتى، شىنايى جاعداياتتار بەينەلەنگەن. ونىڭ «تاۋلار»، «ماشات 1 اسۋى»، «تاۋ وزەنى»، «تۋعان ول­كە»، «بۇلاق باسىندا» جانە ت.ب. شىعارمالارى ەن دالا، تاۋ قىرقاسى – تۋعان ولكەنىڭ باي دا اسەم تابيعاتىنا دەگەن سۇيىسپەنشىلىگىن اڭعارتادى. «كۇز»، «ناۋرىزداعى قار»، «جازعى كەش» سىندى تۋىندىلارى سۋرەتشىنىڭ جىل مەزگىلدەرى پەيزاجىن بەينەلەۋدەگى شەبەرلىگىن كورسەتەدى.

ءجۇمادىلحاننىڭ كەسكىن­دەمە جانرىن­­داعى «ۆالس»، «جىگىتتەر ءبيى»، «نە­مەرە»، «سا­كىدە»، «مۋزىكا»، «قوي­­لار»، «اڭشىلىققا» سياق­تى تابيعا­تىنا جا­قىن جۇمىستارىندا ءوزى وسكەن ور­تاداعى كۇندەلىكتى تىر­شى­لىك جەلىسى – قى­مىز قۇ­يىپ وتىرعان نەمەسە وتباسى-وشاق قاسىنداعى ايەلدەر، جۇ­مىستان كەيىن ساكىگە جاي­عاسقان وتباسى مۇشەلەرى، مەرەكە ساتىندە بيلەپ جۇرگەن جاستار بەينەلەنگەن. ءتۇرلى ماتەريالدارمەن تاجىريبە جا­ساۋعا قۇشتار سۋرەتشى اكريلدى بوياۋ، گۋاش، تۋش، ماي­لى بوياۋدى پايدالانا وتىرىپ قوزعالىسقا، جا­رىققا تولى ۇمتىلىس، جار­قىندىق، بىرەگەيلىكتى تانىتاتىن كۇردەلى جانرلىق كومپوزيتسيا­لاردى ۇسىنادى.

اۋىلدى ايالاعان تالبەسىك بولىپ جۇرەگىندە جاتتالعان سۋرەت­شىنىڭ كورمەگە 80-نەن استام شىعارمالارى قويىلدى. كەلۋشى كورەرمەن ونىڭ ارقايسىسىنان وزدەرىنە تانىس كەيىپتى كورىپ، ريزاشىلىق سەزىممەن تۋعان اۋىلدارىن تانىعانداي قۋانىشتا بولدى. تالبەسىك تەربەلگەن كۇيىندە اۋىلدى ايالاپ جاتقانداي.

 

الماتى

 

 

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار