رەيدتى ۇيىمداستىرۋشىلار كوپشىلىك كوپ جۇرەتىن «راحمەت» سۋپەرماركەتىن تەكسەردى. وندا الەۋمەتتىك ءبىرىنشى سۇرىپتى ناننىڭ باعاسى 75 تەڭگەدەن ساتىلىپ جاتىر. ودان كەيىن تەكسەرۋشىلەر توبى «شاپاعات» سۋپەرماركەتىنە ات باسىن تىرەدى. مۇندا دا الەۋمەتتىك ناننىڭ باعاسى 75 تەڭگەدەن ساتىلۋدا. «جاۋعاشتى» بازارى جانىنداعى الەۋمەتتىك دۇكەندە نان عانا ەمەس, كارتوپ, ءسابىز, قاراقۇمىق باعاسى دا بازاردان الدەقايدا ارزان ەكەن. وبلىس اكىمدىگىنىڭ باستاماسىمەن اشىلعان ون ءتورت الەۋمەتتىك دۇكەننىڭ سەگىزى قالىپتى جۇمىس ىستەپ تۇر. الداعى ۋاقىتتا بارلىعى ىسكە قوسىلماق. بۇل دۇكەندەردە ءبىرىنشى سۇرىپتى نان عانا ەمەس, الەۋمەتتىك سۇرانىسقا يە 19 ءتۇرلى ازىق-ت ۇلىك باعاسى بازارداعى باعادان تومەن. تۇراقتاندىرۋ قورى مەن ءتيىستى مەكەمەلەر قوستاناي وبلىسىمەن كەلىسىپ, بيدايدى تومەن باعامەن ساتىپ الىپ, قالاداعى نان وندىرەتىن ناۋبايحانالارمەن باعانى تۇراقتى ۇستاپ تۇرۋعا ۋاعدالاسقان كورىنەدى.
تۇركىستان وبلىستىق تۇراقتاندىرۋ قورىنىڭ ديرەكتورى مارال ماراسيلوۆتىڭ ايتۋىنشا, قالانىڭ 80 پايىزىن نان ونىمدەرىمەن قامتاماسىز ەتەتىن «اقجول» جشس-مەن كەلىسىپ, تاۋلىگىنە ەكى مىڭ بولكە ناندى ارزان ەتىپ ەلدىڭ داستارقانىنا جەتكىزۋدە. بۇل جۇمىس بارلىق اۋداندا جۇرگىزىلۋدە.
تۇركىستان قالاسىنىڭ 80 پايىزىن وتىز ءتۇرلى نان ونىمىمەن قامتاماسىز ەتەتىن «اقجول» جشس-ءنىڭ ءوندىرىس ديرەكتورى ءناسيبا اتاەۆا الەۋمەتتىك نان باعاسىن تۇسىرۋگە تۇراقتاندىرۋ قورىمەن كەلىسىمشارت كەلەسى جىلى جاڭا بيداي جينالعانعا دەيىن جاسالعانىن العا تارتادى.
الداعى ۋاقىتتا باسقا دا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ ماقساتىندا تۇركىستان وبلىسىنىڭ ازىق-ت ۇلىك دۇكەندەرىنە, سونىمەن قاتار الەۋمەتتىك نان ونىمدەرىن شىعاراتىن قايتا وڭدەۋ كاسىپورىندارىنا ديىرمەندەر, ناۋبايحانالارعا نەسيە بەرۋ ماسەلەسى قاراستىرىلۋدا.
بۇعان تۇركىستان وبلىسى اكىمىنىڭ ورىنباسارى مەيىرجان مىرزاليەۆ باسقاراتىن كوميسسيا جاۋاپ بەرەدى. كوميسسيانىڭ بىرنەشە وتىرىسى وتكىزىلىپ, قالادا ازىق-ت ۇلىك باعاسىن تۇراقتاندىرۋ بويىنشا ءتيىستى مەكەمە باسشىلارىنا ناقتى تاپسىرما بەرىلدى. ناتيجەسىندە تۇراقتاندىرۋ قورىنىڭ جانىنان قاجەتتى ازىق-ت ۇلىك قورى جاساقتالدى. وعان كۇرىش, قاراقۇمىق, ماي, تۇز, ەت ونىمدەرى كىردى. كوپشىلىك سۇرانىسىنا وراي حالىق كوپ شوعىرلانعان اۋدانداردا كاسىپكەرلەرمەن بىرلەسىپ تاعى دا الەۋمەتتىك دۇكەندەر قاتارىن كوبەيتۋ جوسپارلانىپ وتىر. دەلدالدار مەن الىپساتارلىققا جول بەرمەۋ ءۇشىن ءارى ءونىم ساپاسىنا قوعامدىق باقىلاۋ جۇرگىزۋ ماقساتىندا الەۋمەتتىك دۇكەندەرگە دە ونلاين كاسسا اپپاراتتارى ورناتىلادى.
ەسكەندىر ەرتاي,
جۋرناليست
تۇركىستان
