بۇگىندە ەلىمىزدىڭ تۇكپىر-تۇكپىرىندە قازاقتىڭ باس گازەتىنىڭ قالىپتاسۋىنا ەڭبەك ەتكەن الاش ارىستارىن تانۋعا ارنالعان جيىندار مەن عاسىرلىق باسىلىمنىڭ مەرەيتويىنا ارنالعان ءتۇرلى دەڭگەيدەگى مەرەكەلىك شارالار كوپتەپ وتكىزىلۋدە.
شىرايلى شىمكەنتتە باستاۋ العان شارا سونىڭ جالعاسى رەتىندە "بولاشاققا باعدار: رۋحاني جاڭعىرۋ" باعدارلاماسى اياسىندا ءوتىپ جاتىر.
قايىرىمدى قالا تۇرعىندارىن وتكەن تاريحپەن, بابالار مۇراتىمەن سۋسىنداتقان كونفەرەنتسيانى تاريح عىلىمدارىنىڭ دوكتورى, ۇلتتىق عىلىم اكادەمياسىنىڭ كوررەسپوندەنت-مۇشەسى, حالىقارالىق تۇركى اكادەمياسىنىڭ پرەزيدەنتى, «Egemen Qazaqstan» جالپىۇلتتىق رەسپۋبليكالىق گازەتىنىڭ باسقارما توراعاسى دارحان قىدىرالى جۇرگىزىپ, ويلى وقىرمانداردى ەلىمىزدىڭ باس باسىلىمىنىڭ عاسىرلىق مەرەيتويىمەن قۇتتىقتادى.
كونفەرەنتسياعا پروفەسسور ورازالى سابدەن, بەيبىت قويشىباەۆ, فيلولوگيا عىلىمدارىنىڭ دوكتورى امانتاي ءشارىپ, تاريح عىلىمدارىنىڭ دوكتورى, پروفەسسور حازىرەتالى تۇرسىن تاريحي دەرەكتەرگە باي بايانداما جاسادى.
سونىمەن قاتار كونفەرەنتسياعا نۇر-سۇلتان, الماتى, تۇركىستان, شىمكەنت قالالارىنىڭ سۇلتانبەك قوجانوۆ پەن تۇرار رىسقۇلوۆتىڭ ءومىر جولدارىن زەرتتەۋمەن اينالىسىپ جۇرگەن عالىمدار ارنايى شاقىرىلدى.
كونفەرەنتسيا جۇمىسىنىڭ جەمىسى رەتىندە شىمكەنت قالاسى اكىمدىگىنىڭ قولداۋىمەن سۇلتانبەك قوجانوۆ پەن تۇرار رىسكۇلوۆ تۋرالى تاريحي تىڭ دەرەكتەر ارنايى كىتاپقا جيناقتالىپ, ءىس-شارا قاتىسۋشىلارىنا ۇسىنىلدى.
شىمكەنت
