قازىرگى تاڭدا وڭىردەگى ءوزىن-ءوزى جۇمىسپەن قامتىعان تۇرعىنداردىڭ بىرىڭعاي جيىنتىق تولەمى (بجت) اۋدارىلعان جالپى سومانىڭ 1, 270 ملن تەڭگەسىن قۇرادى.
ايتا كەتۋ كەرەك, وبلىستا 3400-دەن استام تۇرعىن مەديتسينالىق ساقتاندىرۋ جۇيەسىنە قاتىسۋدىڭ وسى ءتاسىلىن تاڭدادى. ولار وبلىستىق ماڭىزى بار قالادا تۇراتىن بولسا, اي سايىن 2525 تەڭگە (1 اەك) نەمەسە باسقا ەلدى مەكەندەردە تۇراتىن بولسا, 1263 تەڭگە (0,5 اەك) تولەيدى. بۇل رەتتە سومانىڭ 40%-ءى مەديتسينالىق ساقتاندىرۋ قورىنا, 30%-ءى زەينەتاقى اۋدارىمدارىنا, 20%-ءى الەۋمەتتىك ساقتاندىرۋعا, 10%-ءى جەكە تابىس سالىعىنا تۇسەدى.
«الەۋمەتتىك مەديتسينالىق ساقتاندىرۋ قورى» كەاق قاراعاندى وبلىسى بويىنشا فيليالىنىڭ ديرەكتورى فازىل كوپوباەۆ بىرىڭعاي جيىنتىق تولەم تولەۋشىلەر سانىنىڭ ارتىپ كەلە جاتقانىن ايتادى.
– مەديتسينالىق ساقتاندىرۋ جۇيەسىنە قاتىسۋدىڭ بۇل ءتۇرى تۇراقتى تابىسى جوق, رەسمي جۇمىسقا ورنالاسپاعان ازاماتتارعا, مىسالى, كۇتۋشىلەرگە, رەپەتيتورلارعا, قوسالقى شارۋاشىلىق يەلەرىنە قولايلى. بجت تولەي وتىرىپ ولار 2020 جىلدان باستاپ تەگىن مەديتسينالىق كومەكتىڭ كەپىلدىك بەرىلگەن كولەمىنەن باسقا مەديتسينالىق قىزمەتتەردىڭ كەڭەيتىلگەن پاكەتىنە قول جەتكىزە الادى, – دەيدى ول.
قاراعاندى وبلىسى
