باعدارلامالار • 07 قاراشا، 2019

30 مىڭنان استام ادام «ەڭبەك» باعدارلاماسىنا قاتىسادى

25 رەتكورسەتىلدى

2019 جىلعى 9 ايدىڭ قورىتىندىسى بويىنشا شىعىس قازاقستان وبلىسىندا 30 866 ادام 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ قاتىسۋشىسى بولدى. 20 171 ادام جۇمىسقا ورنالاستىرىلسا، ونىڭ 14 332-ءسى نەمەسە 71%-ى تۇراقتى جۇمىس ورنىمەن قامتىلدى.

شىعىس قازاقستان وبلىسىندا 3 746 ادام ەڭبەك نارىعىندا سۇرانىسقا يە كاسىپتەر بويىنشا كاسىبي داعدىلاردى قالىپ­تاستىرۋ ماقساتىندا ازامات­تار­دىڭ جەكەلەگەن ساناتتارى ءۇشىن قىسقا مەرزىمدى كۋرستار وتكىزۋدى كوزدەيتىن «ەڭبەك» مەملەكەتتىك باع­دارلاماسىنىڭ ءبىرىنشى باعى­تى اياسىندا قامتىلعان. قىس­قا مەرزىمدى كاسىپتىك وقۋدى اياق­تا­عاننان كەيىن جۇمىسپەن قام­تۋ ور­تالىقتارى مەملەكەتتىك باع­دار­لاماعا قاتىسۋشىلارعا جۇ­مى­س­قا ورنالاسۋدا كومەك كورسە­تەدى.

مەملەكەتتىك باعدارلاما­نىڭ ەكىنشى باعىتىنىڭ نەگىزگى مىن­دەتى – ازاماتتاردىڭ كاسىپكەرلىك باس­تامالارىن دامىتۋ. بۇل رەتتە باستاپقى بيزنەستى ىسكە اسىراتىن جانە ىسكە اسىرۋدى جوسپارلايتىن، سونداي-اق بۇرىن باسقا مەملەكەتتىك باعدارلامالار شەڭبەرىندە قارجىلاي قولداۋ الماعان ۇمىتكەرلەرگە وتەۋسىز جانە قايتارىمسىز نەگىزدە 100 جانە 200 اەك مولشەرىندە مەم­لە­كەتتىك گرانتتار بەرىلە­دى. بۇدان باسقا، اۋىلدا جانە قا­لالاردا كاسىپكەرلىك الە­ۋە­تى بار، ءىسىن جاڭادان باس­تاعان كاسىپكەرلەرگە، اۋىل شارۋا­شى­لىعى كووپەراتيۆتەرىنە جانە زەينەتكەرلىك جاسىنا جەتپەگەن ولاردىڭ مۇشەلەرىنە، شارۋا جانە فەرمەر قوجالىقتارىنا ميكروكرەديتتەر بەرىلەدى.

شىعىس قازاقستان وبلىسىندا ميكروكرەديتپەن 852 ادام قامتىلدى. 100 اەك-كە دەيىنگى مەملەكەتتىك گرانتتاردى 219، 200 اەك-كە دەيىن 579 ادام الدى (جاستار، از قامتىلعان جانە كوپ بالالى وتباسىلاردىڭ مۇشەلەرى، مۇگەدەكتىگى بار ادامدار).

مەملەكەتتىك باعدارلامانىڭ ءۇشىنشى باعىتى ازاماتتار­دىڭ جەكەلەگەن ساناتتارىن جۇمىس­پەن قامتۋ ءۇشىن مەملەكەت سۋبسيديالايتىن جۇمىس ورىندارىن قۇرۋدى قاراستىرادى. ونى جۇزەگە اسىرۋ اياسىندا شىعىس قازاقستان وبلىسىندا 8 112 ادام جۇمىسقا ورنالاستىرىل­دى، ونىڭ ىشىندە 1 056-سى الەۋ­مەت­تىك جۇمىس ورىندارىنا، 1 264-ءى جاس­تار پراكتيكاسىنا جانە 5 792 ادام قوعامدىق جۇمىستارعا جىبەرىلدى.

سونىمەن قاتار ەڭبەك رەسۋرس­تارىنىڭ ۇتقىرلىعىن ارت­تىرۋ شەڭبەرىندە جۇمىس كۇشى كوپ وڭىرلەردەن شىعىس قازاق­ستان وبلىسىنا 1 128 ادام (485 وتباسى) قونىس اۋداردى. قونىس اۋدارۋ­شىلاردىڭ 607-ءسى ەڭبەك­كە جارامدى جاستا، ونىڭ ىشىندە 418-ءى جۇمىسقا ورنالاستىرىلدى، 20-سى كاسىپكەرلىك قىزمەتپەن اينالىسادى جانە 13-ءى جاڭا تۇرعىلىقتى جەرىندە وقۋمەن قامتىلدى.

 

شىعىس قازاقستان وبلىسى

 

 

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار