«بايتەرەك «ۇبح» اق باسقارما توراعاسى ايدار ءارىپحانوۆ ءوز سوزىندە اتاپ وتكەندەي, حولدينگ كورپوراتيۆتىك باسقارۋدىڭ وزىق ستاندارتتارىنا سايكەس كەلەتىن ۇكىمەتتىڭ نەگىزگى ينستيتۋتى بولىپ تابىلادى. ول ءارتاراپتاندىرۋ, يننوۆاتسيالاردى قولداۋ, ەكسپورتتى دامىتۋ, ەڭبەك ونىمدىلىگىن ۇلعايتۋ جولىمەن قازاقستان ەكونوميكاسىن ورنىقتى دامىتۋ جونىندەگى مىندەتتەردى ىسكە اسىرۋدى قامتاماسىز ەتەدى. حولدينگ «نۇرلى جول», «نۇرلى جەر», يدمب, «بيزنەستىڭ جول كارتاسى-2020», «ەڭبەك» سىندى نەگىزگى مەملەكەتتىك باعدارلامالارىنىڭ وپەراتورى بولىپ تابىلادى.
كەڭەس بارىسىندا بىرقاتار بەيىندى باعىتتار بويىنشا حولدينگ جۇمىسىنىڭ ناتيجەلەرى ايتىلدى. اتاپ ايتقاندا, «نۇرلى جول» ينفراقۇرىلىمدىق دامۋ باعدارلاماسى اياسىندا 93 ءىرى بيزنەس جوباسى قولداۋ تاپتى (ونىڭ ىشىندە 48 ەكسپورتقا باعىتتالعان), شوب سالاسىندا 2510 جوبا, 15771 اۆتونەسيە بەرىلدى, 17 ەكسپورتتاۋشىعا كومەك كورسەتىلدى.
«نۇرلى جەر» تۇرعىن ءۇي قۇرىلىسى مەملەكەتتىك باعدارلاماسىن جۇزەگە اسىرۋدىڭ ارقاسىندا قازاقستاندىق يپوتەكالىق كومپانيا مەن «بايتەرەك دەۆەلوپمەنت» اق قۇرالدارى ارقىلى 3,1 ملن شارشى مەتردەن استام تۇرعىن ءۇي تاپسىرىلدى - بۇل 52358 پاتەر. حالىققا 86,9 ملرد تەڭگەگە 10400 جەڭىلدىكتى تۇرعىن ءۇي زاەمى بەرىلدى, 120 ملرد تەڭگەگە 33 ۇلەستىك قۇرىلىس جوباسىنا كەپىلدىك بەرىلدى.
يندۋستريالىق يننوۆاتسيالىق دامۋ باعدارلاماسى بويىنشا 22 ءىرى بيزنەس جانە 356 يننوۆاتسيالىق جوبا قولداۋ تاپتى. «بيزنەستىڭ جول كارتاسى-2020» شەڭبەرىندە 14360 شوب جوباسى سۋبسيديالاندى, 5969 – كەپىلدەندىرىلدى, 16 – ليزينگتىك قارجىلاندىرۋ ارقىلى قولداۋ كورسەتىلدى, 92 – بيزنەس-ينكۋباتورلاردى قولداۋ تەتىكتەرى ارقىلى كومەك كورسەتىلدى.
كەزدەسۋ بارىسىندا «بايتەرەك «ۇبح» اق باسقارما توراعاسىنىڭ ورىنباسارى انۋار ومارحودجاەۆ پەن باسقارۋشى ديرەكتور - ح ولدينگتىڭ باسقارما مۇشەسى ەرساين حاميتوۆ بايانداما جاسادى. سونداي-اق حولدينگ پەن ونىڭ ەنشىلەس ۇيىمدارىن دامىتۋدىڭ وزەكتى ماسەلەلەرى مەن الداعى كەزەڭگە ارنالعان جوسپارلار تالقىلاندى.
كەزدەسۋ سوڭىندا بەيبىت اتامقۇلوۆ يندۋستريالىق سەكتوردى دامىتۋعا ەرەكشە نازار اۋدارۋ قاجەتتىگىن اتاپ ءوتتى, ويتكەنى ول قوعامدىق جۇيەنىڭ ەكونوميكالىق دامۋ دەڭگەيىنە, سونداي-اق بارلىق ەكونوميكالىق كەڭىستىكتى يندۋستريالاندىرۋدىڭ ماتەريالدىق نەگىزىنە ۇلكەن اسەر ەتەدى», دەلىنگەن حابارلامادا.
