• 18 مامىر, 2013

قازاقستان رەسپۋبليكاسىنىڭ ۇلتتىق بانكى باسقارماسىنىڭ قاۋلىسى №379

213 رەت

كورسەتىلدى

11 مين

وقۋ ءۇشىن

Egemen Qazaqstan

قازاقستان رەسپۋبليكاسىنىڭ ۇلتتىق بانكى باسقارماسىنىڭ قاۋلىسى №379

سەنبى, 18 مامىر 2013 0:50

2012 جىلعى 24 جەلتوقسان الماتى قالاسى

قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «بانكتىڭ, ساقتاندىرۋ (قايتا ساقتاندىرۋ) ۇيىمىنىڭ جانە جيناقتاۋشى زەينەتاقى قورىنىڭ ۋاقىتشا اكىمشىلىگىن (ۋاقىتشا باسقارۋشىسىن) تاعايىنداۋ جانە قىزمەتىنىڭ ەرەجەسىن بەكىتۋ تۋرالى» 2006 جىلعى 9 قاڭتارداعى № 6 قاۋلىسىنا وزگەرىستەر مەن تولىقتىرۋ ەنگىزۋ تۋرالى

سەنبى, 18 مامىر 2013 0:50

2012 جىلعى 24 جەلتوقسان الماتى قالاسى

قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:

1. قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «بانكتىڭ, ساقتاندىرۋ (قايتا ساقتاندىرۋ) ۇيىمىنىڭ جانە جيناقتاۋشى زەينەتاقى قورىنىڭ ۋاقىتشا اكىمشىلىگىن (ۋاقىتشا باسقارۋشىسىن) تاعايىنداۋ جانە قىزمەتىنىڭ ەرەجەسىن بەكىتۋ تۋرالى» 2006 جىلعى 9 قاڭتارداعى № 6 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4070 تىركەلگەن) مىناداي وزگەرىستەر مەن تولىقتىرۋ ەنگىزىلسىن:

كورسەتىلگەن قاۋلىمەن بەكىتىلگەن بانكتىڭ, ساقتاندىرۋ (قايتا ساقتاندىرۋ) ۇيىمىنىڭ جانە جيناقتاۋشى زەينەتاقى قورىنىڭ ۋاقىتشا اكىمشىلىگىن (ۋاقىتشا باسقارۋشىسىن) تاعايىنداۋ جانە قىزمەتىنىڭ ەرەجەسىندە:

8, 9, 10 جانە 11-تارماقتار مىناداي رەداكتسيادا جازىلسىن:

«8. ۋاقىتشا اكiمشiلiك ۋاكiلەتتi ورگان ونى تاعايىنداعان كۇنi ءوز مiندەتتەرiن ورىنداۋعا كiرiسەدi. قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ جونiندەگi ۋاكiلەتتi ورگاننىڭ ۇيىمدى ليتسەنزياسىنان ايىرۋ جانە ۋاقىتشا اكiمشiلiكتi تاعايىنداۋ تۋرالى شەشiمدەرiنiڭ كوشiرمەلەرiن ۋاقىتشا اكiمشiلiك ۇيىمنىڭ باسشىلىعىنا قول قويدىرىپ تاپسىرادى.

شەشiمدەردi قول قويدىرىپ تاپسىرۋ مۇمكiن بولماعان جاعدايدا ۋاقىتشا اكiمشiلiك بۇل تۋرالى اكتى جاسايدى جانە ۋاكiلەتتi ورگاندى حاباردار ەتەدi.

ۋاقىتشا اكiمشiلiك باسشىسى ۋاقىتشا اكiمشiلiكتiڭ جۇمىسىنا باسشىلىق جاسايدى جانە ۇيلەستiرەدi, مۇلiكتiڭ ساقتالۋىن قامتاماسىز ەتۋ جانە قارجى ۇيىمىن باسقارۋ وكiلەتتiكتەرiن جۇزەگە اسىرادى, ۋاقىتشا اكiمشiلiك مۇشەلەرiنiڭ اراسىندا مiندەتتەردi بولەدi.

مىندەتتەردى ءبولۋدى ۋاقىتشا اكىمشىلىك باسشىسى ۋاقىتشا اكىمشىلىك تاعايىندالعان كۇننەن باستاپ بەس جۇمىس كۇنى ىشىندە ۋاقىتشا اكiمشiلiك مۇشەلەرiنiڭ اراسىندا مiندەتتەردi ءبولۋ تۋرالى بۇيرىق شىعارۋ جانە ولاردىڭ وكىلەتتىكتەرىن بەكىتۋ ارقىلى جۇزەگە اسىرادى.

9. ۋاقىتشا اكiمشiلiك ۇيىم باسشىسىنا ۋاكiلەتتi ورگاننىڭ ۋاقىتشا اكiمشiلiكتi تاعايىنداۋ تۋرالى شەشiمiن تاپسىرعان كۇنi مىناداي iس-ارەكەتتەردى ورىندايدى:

1) ۇيىم باسشىسىنان وزىنە بارلىق مورلەردi, ءمورتابانداردى, كليشە مەن پلومبيرلەردى, ۇيىمدى تiركەۋگە بايلانىستى قۇجاتتاردى, ۇيىمعا بەرىلگەن ليتسەنزيالاردىڭ تۇپنۇسقالارىن, فيرمالىق بلانكiلەردi, اقپاراتتى ەلەكتروندىق تاسىمالداعىشتاردى, باعدارلامالىق قامتاماسىز ەتۋدi, ۇيىم مەنشiك يەسi بولىپ تابىلاتىن قۇجاتتامالىق نىساندا شىعارىلعان باسقا زاڭدى تۇلعالاردىڭ باعالى قاعازدارىن دەرەۋ تاپسىرۋىن تالاپ ەتەدi جانە ولاردى قابىلداۋ-تاپسىرۋ اكتiسi بويىنشا قابىلدايدى;

2) بانكتەر تۋرالى زاڭنىڭ 48-1-بابى 1-تارماعىنىڭ 3) تارماقشاسىندا, ساقتاندىرۋ تۋرالى زاڭنىڭ 69-بابى 2-تارماعىنىڭ 6) تارماقشاسىندا, زەينەتاقىمەن قامسىزداندىرۋ تۋرالى زاڭنىڭ 45-2-بابى 4-تارماعىنىڭ 6) تارماقشاسىندا كوزدەلگەن ءىس-شارالاردى جۇزەگە اسىرادى;

3) ۇيىمنىڭ, ونىڭ فيليالدارى مەن وكiلدiكتەرiنiڭ كاسساسىنداعى بارلىق اقشالاي جانە وزگە دە قۇندىلىقتارىن تەكسەرە وتىرىپ, كاسساعا تەكسەرۋ (رەۆيزيا) جۇرگىزەدى, قولما-قول اقشانى ودان كەيىن بانكتiڭ كوررەسپوندەنتتiك شوتتارىنا, قازاقستان رەسپۋبليكاسىنىڭ ۇلتتىق بانكiندە جانە تيiسiنشە بانكتەردە اشىلعان ساقتاندىرۋ (قايتا ساقتاندىرۋ) ۇيىمى مەن جيناقتاۋشى زەينەتاقى قورىنىڭ اعىمداعى شوتتارىنا اۋدارۋ ءۇشiن ونىڭ ينكاسساتسياسىن ۇيىمداستىرادى;

4) ۇيىمنىڭ اتىنان بۇرىن بەرiلگەن سەنiمحاتتاردىڭ كۇشiن جويادى;

5) قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ جونiندەگi ۋاكiلەتتi ورگاننىڭ ۇيىمدى ليتسەنزياسىنان ايىرۋ تۋرالى شەشىمىنىڭ كوشiرمەسiن جانە ۋاكiلەتتi ورگاننىڭ ۋاقىتشا اكiمشiلiكتi تاعايىنداۋ تۋرالى شەشiمiنiڭ كوشiرمەسiن ۇيىمنىڭ كليەنتتەرi تانىسۋ ءۇشىن قول جەتىمدى ورىندا ورنالاستىرادى;

6) ۋاقىتشا اكiمشiلiكتi تاعايىنداۋ كۇنiنە قولدا بار ەلەكتروندىق تۇردەگi بۋحگالتەرلiك اقپاراتتى (بانكتەر ءۇشىن – بالانستىق جانە بالانستان تىس شوتتارداعى قالدىق تۋرالى ەسەپ (700-ن نىسانى), ساقتاندىرۋ (قايتا ساقتاندىرۋ) ۇيىمدارى جانە جيناقتاۋشى زەينەتاقى قورلارى ءۇشىن – باس بۋحگالتەرلىك كىتاپ) ەسەپتىك اۆتوماتتاندىرىلعان جۇيەنىڭ دەرەكتەرىن بولەك ەلەكتروندىق تاسىمالداعىشقا كوشىرە وتىرىپ (رەزەرۆتىك كوشىرمەلەر) باسىپ شىعارادى. مۇنداي اقپارات ەلەكتروندىق تۇردە بولماعان كەزدە قاعاز تاسىمالداعىشتاعى كورسەتىلگەن كۇنگە اقپارات نەگىزگە الىنادى.

10. ۋاقىتشا اكiمشiلiك مىناداي iس-ارەكەتتەردى ورىندايدى:

1) ۇيىمنىڭ اكتيۆتەرىن, مىندەتتەمەلەرىن (بالانستىق جانە بالانستان تىس), قۇجاتتارىن تۇگەندەۋدى جۇرگىزەدى, قابىلداۋ-تاپسىرۋ اكتiسi بويىنشا ۇيىمنىڭ مۇلكiن جانە قۇجاتتارىن قابىلدايدى, ولاردىڭ ساقتالۋىن قامتاماسىز ەتەدi;

2) ۇيىمدى باسقارۋ جونىندەگى فۋنكتسيالاردى جۇزەگە اسىرادى جانە ۇيىمنىڭ بارلىق قۇجاتتارىنا قول قويادى;

3) ۇيىمنىڭ اتىنان سوتتارعا تالاپ-ارىزدار, ونىڭ iشiندە ەگەر ۇيىم ورگاندارى مۇشەلەرiنىڭ, باس بۋحگالتەرiنىڭ iس-ارەكەتiمەن (ارەكەتسiزدiگiمەن) ۇيىمعا شىعىن كەلتiرiلگەن بولسا, ولاردى جاۋاپكەرشىلىككە تارتۋ تۋرالى تالاپ-ارىزدار بەرەدi;

4) قازاقستان رەسپۋبليكاسىنىڭ بۇكىل اۋماعىندا تارالاتىن ەكى مەرزىمدى باسپا باسىلىمىندا قازاق تىلىندە جانە ورىس تىلىندە حابارلاندىرۋ جاريالاۋ جولىمەن قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ جونiندەگi ۋاكiلەتتi ورگاننىڭ ليتسەنزيادان ايىرۋ تۋرالى شەشiمiن جانە ۋاكىلەتتى ورگاننىڭ ۋاقىتشا اكiمشiلiكتi تاعايىنداۋ تۋرالى شەشiمiنىڭ كوشىرمەسىن ۇيىم اكتسيونەرلەرiنە, كرەديتورلارىنا جانە دەبيتورلارىنا جەتكىزەدى;

5) تاعايىندالعان كۇنiنەن باستاپ ءۇش جۇمىس كۇنi iشiندە ۇيىم شوتتارىنىڭ بار ەكەندىگىن انىقتايدى جانە كوررەسپوندەنتتiك, اعىمداعى شوتتاردىڭ (ونىڭ iشiندە شەتەلدiك بانكتەردەگi) جانە جيناقتاۋشى زەينەتاقى قورىنىڭ كاستوديان-بانكiندەگi شوتتاردىڭ قالدىقتارىن سالىستىرىپ تەكسەرەدi. ۇيىمنىڭ بۋحگالتەرلiك ەسەبiنiڭ دەرەكتەرi بويىنشا شوتتاردىڭ قالدىقتارىن كورسەتiلگەن شوتتار اشىلعان بانكتەردiڭ دەرەكتەرiمەن سالىستىرىپ تەكسەرەدi جانە سالىستىرىپ تەكسەرۋ قورىتىندىلارى بويىنشا تيiستi اكتى جاسايدى;

6) تولىق ماتەريالدىق جاۋاپكەرشiلiك اتقاراتىن ادامدار, ونىڭ iشiندە بۋحگالتەرلiك ەسەپتi جۇرگiزۋدiڭ اۆتوماتتاندىرىلعان اقپارات جۇيەسiنە جانە ۇيىمنىڭ قارجىلىق جانە وزگە دە ەسەپتiلiگiن جاساۋعا قولى جەتىمدى ادامدار توبىن ايقىندايدى;

7) ۋاقىتشا اكiمشiلiكتەن تاراتۋ كوميسسياسىنا ۇيىمنىڭ مۇلكiن, قۇجاتتارىن جانە iس قاعازدارىن قابىلداۋ-تاپسىرۋ اياقتالعاننان كەيiن ۋاقىتشا اكiمشiلiكتىڭ ورىنداعان جۇمىسى تۋرالى ەسەبىن ۋاكiلەتتi ورگانعا بەكىتۋ ءۇشىن ۇسىنادى;

8) ۋاقىتشا اكiمشiلiكتىڭ قىزمەتى كەزەڭىندە قىزمەتكەرلەرمەن ەڭبەك قاتىناستارىن جالعاستىرۋ قاجەتتىلىگى بولماعان جاعدايدا ولارمەن قازاقستان رەسپۋبليكاسىنىڭ ەڭبەك زاڭناماسىنا سايكەس ەڭبەك شارتتارىن بۇزادى;

9) تاعايىندالعان كۇنiنەن باستاپ ءۇش جۇمىس كۇنi iشiندە مۇلiكتi جانە ونىمەن جاسالاتىن مامiلەلەردi تiركەۋدi جۇزەگە اسىراتىن ورگاندارعا, سونداي-اق «باعالى قاعازداردىڭ ورتالىق دەپوزيتاريi», «باعالى قاعازداردىڭ بىرىڭعاي تىركەۋشىسى», «قازاقستان قور بيرجاسى» اكتسيونەرلiك قوعامدارىنا ۇيىمنىڭ ليتسەنزياسىنان ايىرىلعانى جانە ۋاقىتشا اكiمشiلiكتiڭ تاعايىندالعانى تۋرالى حابارلايدى جانە ۇيىمنىڭ مۇلكiن يەلiگiنەن شىعارۋ جونىندەگى ۋاقىتشا اكiمشiلiك جاسامايتىن مامiلەلەردi تiركەۋگە, سونداي-اق ۇيىم كەپiل ۇستاۋشىسى بولىپ تابىلاتىن مۇلiكتەن اۋىرتپالىقتى الۋعا تىيىم سالۋدى بەلگiلەيدi;

10) ۇيىمنىڭ اكتيۆتەرىن انىقتايدى;

11) ءوزىنىڭ فۋنكتسيالارى مەن مىندەتتەرىن ورىنداۋدى قامتاماسىز ەتۋ ءۇشىن اقىسى تولەنەتىن قىزمەت كورسەتۋ شارتتارى بويىنشا ادامداردى تارتادى;

12) قازاقستان رەسپۋبليكاسىنىڭ ازاماتتىق زاڭناماسىنا سايكەس اقىسى تولەنەتىن قىزمەت كورسەتۋ شارتتارىن وزگەرتەدى جانە بۇزادى.

11. ۋاقىتشا اكىمشىلىك ءوز قىزمەتى كەزەڭىندە ەرەجەنىڭ 7-تارماعىنىڭ 1) تارماقشاسىندا كوزدەلگەن جاعدايلاردى قوسپاعاندا, شىعىس وپەراتسيالارىن جۇزەگە اسىرمايدى.

ۋاقىتشا اكىمشىلىك شىعىستاردى ۋاقىتشا اكىمشىلىك باسشىسى بەكىتكەن شىعىستار سمەتاسىنا سايكەس جۇزەگە اسىرادى. شىعىستار سمەتاسى اي سايىنعى جوسپارلاناتىن شىعىندارعا قاراي جاسالادى جانە ۋاقىتشا اكىمشىلىك تاعايىندالعان كۇننەن باستاپ جەتى كۇنتىزبەلىك كۇننەن كەشىكتىرمەي تۇسىندىرمە جازباسىمەن ۋاكىلەتتى ورگانعا ۇسىنىلادى.

ۋاكىلەتتى ورگان ۋاقىتشا اكىمشىلىكتىڭ قىزمەتىنە, ونىڭ ىشىندە ۋاقىتشا اكىمشىلىكتىڭ شىعىستار سمەتاسىندا كوزدەلگەن اقشانىڭ پايدالانىلۋىنا باقىلاۋ جاسايدى.

شىعىنداردىڭ ءبىر بابى بويىنشا باسقا باپ بويىنشا ۇنەمدەۋ ەسەبىنەن ارتىق شىعىستى جۇزەگە اسىرۋعا جول بەرىلمەيدى.»;

مىناداي مازمۇنداعى 25-1-تارماقپەن تولىقتىرىلسىن:

«25-1. ۋاقىتشا اكىمشىلىك شىعىستاردى بارىنشا ازايتۋ ماقساتىندا ۇيىمنىڭ مۇلكىن جالعا بەرەدى.

م ۇلىكتى جالعا بەرگەننەن الىنعان اقشا ۇيىمنىڭ بانك شوتىنا جىبەرىلەدى.

ۋاقىتشا اكىمشىلىكتىڭ جالداۋ شارتىن جاساۋى ۋاقىتشا اكىمشىلىكتىڭ ءبىرىنشى تالابى بويىنشا م ۇلىكتى بوساتۋعا (قايتارۋعا) جانە جالدانعان م ۇلىكتى قوسالقى جالعا (قوسالقى جالداۋعا) بەرۋگە بولمايتىندىعى جونىندەگى شەكتەۋلەردى قابىلداۋعا جالعا الۋشىنىڭ كەلىسىمى بولعان كەزدە جۇزەگە اسىرىلادى.

جالداۋشىنى ۋاقىتشا اكىمشىلىك تەندەر وتكىزۋ جولىمەن تاڭدايدى, ونىڭ ناتيجەلەرى بويىنشا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2006 جىلعى 25 اقپانداعى № 40 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4181 تىركەلگەن) بەكىتىلگەن قازاقستان رەسپۋبليكاسىندا بانكتەردى ماجبۇرلەپ تاراتۋ ەرەجەسى 84-2, 84-3, 84-4,84-5 جانە 84-6-تارماقتارىنىڭ تالاپتارىنا سايكەس شارت جاسالادى.».

2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

ۇلتتىق بانك توراعاسى گ. مارچەنكو.

قاۋلى قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 4 اقپاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8316 بولىپ ەنگىزىلدى.