كونسۋلتاتسيالار بارىسىندا ساياسي, ساۋدا-ەكونوميكالىق, سۋ-ەنەرگەتيكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىق, سونداي-اق ەكى ەل اراسىندا ءتۋريزمدى دامىتۋ بويىنشا وزەكتى ماسەلەلەر كەڭىنەن تالقىلاندى.
سونىمەن قاتار, تاراپتار جوعارى جانە بيىك دەڭگەيلەردە, ونىڭ ىشىندە پارلامەنتارالىق ىنتىماقتاستىق شەڭبەرىندە بولاتىن الداعى كەزدەسۋلەر مەن ساپارلاردىڭ كۇنتىزبەلىك جوسپارىن قاراستىرىپ, حالىقارالىق جانە وڭىرلىك ۇيىمدار شەڭبەرىندە ءوزارا ءىس-قيمىل ماسەلەلەرى جونىندە پىكىر الماستى.
قازاقستاننىڭ پرەزيدەنتى قاسىم-جومارت توقاەۆتىڭ قىرعىز رەسپۋبليكاسىنا قاراشا ايىنا جوسپارلانعان مەملەكەتتىك ساپارى قارساڭىندا وتكەن سىرتقى ىستەر مينيسترلىكتەرى اراسىنداعى كونسۋلتاتسيالار تاراپتارعا وزەكتى ماسەلەلەر بويىنشا ارەكەتتەردى سايكەستەندىرۋگە جانە ودان ارعى ءوزارا ءىس-قيمىل پەرسپەكتيۆالارىن جوسپارلاۋعا مۇمكىندىك بەردى.
كەلىسسوزدەر قورىتىندىسى بويىنشا تاراپتار دوستىق جانە تاتۋ كورشىلىك, وداقتاستىق جانە ستراتەگيالىق سەرىكتەستىك رۋحىندا ءوزارا ءتيىمدى ىنتىماقتاستىقتى جالعاستىرۋ تۋرالى ۋاعدالاستى.
