رۋحانيات • 30 قازان، 2019

«ريەلتور» ءفيلمى «ماسكەۋلىك تۇساۋكەسەر» فەستيۆالىنە قاتىسادى

34 رەتكورسەتىلدى

رەجيسسەر ءادىلحان ەرجانوۆتىڭ «ريەلتور» ءفيلمى رەسەيدە قازاننىڭ 29-ى مەن قاراشانىڭ 3-ءى ارالىعىندا وتەتىن پوستكەڭەستىك ەلدەر اراسىنداعى «ماسكەۋلىك تۇساۋكەسەر» اتتى حالىقارالىق كينوفەستيۆالگە قاتىسادى.

«قازاقفيلم» كينوستۋدياسى تۇسىرگەن تۋىندى فەستيۆالدىڭ «ەۋرازيالىق كەڭىستىك. ححI عاسىر. ۇزدىك تولىقمەتراجدى دەبيۋت» اتتى باعدارلاماسىندا كورسەتىلمەك. 

«ريەلتور» فيلمىندە وتكەنى دە، بولاشاعى دا ب ۇلىڭعىر داريك ەسىمدى ومىردەن اداسقان جىگىتتىڭ تاعدىرى تۋرالى باياندالادى. بىردە ول ءوڭى مە،ء تۇسى مە بەلگىسىز ءبىر جەردە ەسىن جيىپ، ويانادى. تابيعاتپەن بەتپە-بەت وڭاشا قالعان داريك امان قالۋ ءۇشىن قالادا ۇيرەنگەن بارلىق امال-تاسىلدەرىن ەسكە الۋعا ءماجبۇر بولادى. بىراق مۇندا، كەڭ دالادا، ەڭ الدىمەن، ءوزىڭنىڭ كىشكەنتاي تايپاڭدى جيناۋ قاجەت...

«ماسكەۋلىك تۇساۋكەسەر» فەستيۆالىن تمد مەملەكەتارالىق گۋمانيتارلىق ىنتىماقتاستىق قورى مەن «ەكى اندرەي» اتتى مادەنيەت جانە كينەماتوگرافيانى قولداۋ قورى ۇيىمداستىرعان. فەستيۆالگە ءازىربايجان، ارمەنيا، بەلارۋس، قازاقستان، قىرعىزستان، مولدوۆا، رەسەي، وزبەكستان، ۋكراينا، تاجىكستان، گرۋزيا، ليتۆا، لاتۆيا جانە ەستونيا سىندى ەلدەردىڭ  كينوگەرلەرى قاتىسادى. فەستيۆال شەڭبەرىندە ءار ءتۇرلى فورماتتاعى 40 فيلم كورسەتىلىپ، تانىمال رەجيسسەر كيرا مۋراتوۆانىڭ (1934 – 2018) ەسكە الۋ كەشى وتەدى. سونىمەن قاتار، ءىس-شارا بارىسىندا وتاندىق «ينە» ءفيلمىنىڭ (رەجيسسەرى راشيد نۇعىمانوۆ) 30 جىلدىعىنا وراي ارنايى كەش ۇيىمداستىرىلماق.

ايتا كەتسەك، «ريەلتور» ءفيلمى 2011 جىلى اناپادا وتكەن «كينوشوك» كينوفەستيۆالىندە قازىلار القاسىنىڭ ارنايى جۇلدەسىنە جانە سانكت-پەتەربوردا وتكەن «دەبوشيرفيلم  – چيستىە گرەزى-XIV» حالىقارالىق فەستيۆالىندە ارنايى جۇلدەگە يە بولدى. سونداي-اق ءادىلحان ەرجانوۆتىڭ ءفيلمى «كينوليكبەز» (بارناۋل، رەسەي، 2012) كينوفەستيۆالىندە باس جۇلدەگە قول جەتكىزىپ، ح «شاكەن جۇلدىزدارى» فەستيۆالىندە «ۇزدىك تولىقمەتراجدى فيلم» جۇلدەسىن الدى. ودان بولەك بۇل كينوتۋىندى سەۋلدە وتكەن VI CINDI اتتى ساندىق كينو فەستيۆالىندە White Chameleon Award جۇلدەسىمەن جانە «ۇزدىك دەبيۋت» نوميناتسياسى بويىنشا ۇلتتىق «قۇلاگەر» جۇلدەسىمەن ماراپاتتالعان بولاتىن.

 

الماتى

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار