كەلىسىمگە قول قويىلعان ساتتەن بەرى 20 جىلدان استام ۋاقىت ءوتتى, سوعان بايلانىستى وسى كەلىسىمنىڭ ەرەجەلەرىن جاڭا ماتىندە جازا وتىرىپ, حاتتامامەن ءتيىستى وزگەرىستەر ەنگىزۋ ارقىلى جەتىلدىرۋ قاجەت بولدى.
2018 جىلعى 1 ماۋسىمدا دۋشانبە قالاسىندا تاۋەلسىز مەملەكەتتەر دوستاستىعىنىڭ ۇكىمەت باسشىلارى كەڭەسىنىڭ وتىرىسىندا قول قويىلعان حاتتاما تمد-نىڭ كەدەن سالاسىنداعى نورماتيۆتىك-قۇقىقتىق بازاسىنا جۇرگىزىلگەن تۇگەندەۋ جۇمىستارىنىڭ قورىتىندىلارى بويىنشا تمد-عا قاتىسۋشى مەملەكەتتەرمەن بىرلەسىپ ازىرلەندى.
حاتتامامەن مالىمەتتەردى بەرۋگە, سۇراۋ سالۋلاردىڭ نىساندارى مەن مازمۇنىنا, سۇراۋ سالۋدىڭ ورىندالۋىنا, الىنعان اقپاراتتىڭ پايدالانىلۋىنا قاتىستى بىرقاتار نەگىزگى باپتارعا وزگەرىستەر ەنگىزۋ ۇسىنىلادى.
مەملەكەتتەردىڭ ورتالىق كەدەن ورگاندارىنىڭ اراسىندا ءارى مەملەكەتتەردىڭ اۋماقتىق كەدەن ورگاندارى اراسىندا تىكەلەي جۇزەگە اساتىن تاراپتاردىڭ سۇراۋ سالۋلارمەن الماسۋى قۇجاتتاعى جاڭالىقتاردىڭ ءبىرى بولىپ وتىر. بۇل كەدەن زاڭناماسى تالاپتارىنىڭ بۇزىلۋىن كورسەتەتىن دەرەكتەردى نەمەسە ءمان-جايلاردى انىقتاۋ ءۇشىن ءتيىمدى ىنتىماقتاستىققا ىقپال ەتەتىن بولادى. زاڭ جوباسى پالاتانىڭ قاراۋىنا جىبەرىلدى.
