ءىس-شارانىڭ اشىلۋىنا ءفيلمنىڭ باستى كەيىپكەرى سامال ەسلياموۆا قاتىسادى. VII كينوفەستيۆال اياسىندا الەمنىڭ 25 ەلىنەن 131 فيلم جانە 25 قىسقا مەتراجدى فيلم ۇسىنىلادى.
سونداي-اق بارسەلوناداعى Casa Asia (ازيا ءۇيى) مەن قر كونسۋلدىعىنىڭ قولداۋىمەن فەستيۆالعا 5 قازاقستاندىق كارتينا قاتىسادى: جاڭابەك جەتىرۋوۆتىڭ «شىڭىراۋ», الديار بايراقيموۆتىڭ «گراني», تولەگەن بايتۋكەنوۆتىڭ «ساتاش», قۋات احمەتوۆتىڭ «ارۋاق», ءازيز زايروۆ پەن مۇحامەد مامىربەكوۆ «قىز جانە تەڭىز» اتتى كورسەتىلىمدەرى ۇسىنىلاتىن بولادى.
كينوفەستيۆال ۇيىمداستىرۋشىلارىنىڭ ايتۋىنشا, كارتينالاردىڭ باسىم كوپشىلىگى (100-دەن استام) - قاراپايىم ادامداردىڭ كۇندەلىكتى ءومىرىن, الەۋمەتتىك قاقتىعىستار مەن پروبلەمالاردى كورسەتەتىن درامادان تريللەرگە دەيىنگى كينونىڭ ءتۇرلى جانرلارىنداعى 2018 جانە 2019 جىلدارداعى كوركەم فيلمدەر.
