«ادام قۇقىقتارى حارتياسى» قوعامدىق قورىنىڭ اتقارۋشى ديرەكتورى جەمىس تۇرماعامبەتوۆامەن كەزدەسۋ بارىسىندا ازاماتتىق قوعامنىڭ پەرسپەكتيۆالارى جانە قۇقىق قورعاۋ ۇيىمدارىنىڭ مەملەكەتتىك ورگاندارمەن ءوزارا ىقپالداستىق ماسەلەلەرى تالقىلاندى.
الەۋمەتتانۋشى, «ستراتەگيا» الەۋمەتتىك جانە ساياسي زەرتتەۋلەر ورتالىعى» قوعامدىق قورىنىڭ باسشىسى گۇلميرا يلەۋوۆا «حالىقتىڭ ۇنىنە قۇلاق اساتىن مەملەكەت» تۇجىرىمداماسىن دامىتۋ جونىندەگى وي-پىكىرىمەن ءبولىستى. اتاپ ايتقاندا, ول اتالعان تۇجىرىمدامانى جۇزەگە اسىرۋدا الەۋمەتتىك زەرتتەۋلەردىڭ اتقاراتىن ءرولى تۋرالى ايتتى.
سونىمەن قاتار كەزدەسۋدە قوعامدىق كەڭەستەر ينستيتۋتىنىڭ جۇمىسى, جوعارى وقۋ ورىندارىنا اۆتونوميا بەرۋ, مەديتسينالىق ساقتاندىرۋ جۇيەسىن ەنگىزۋ جونىندەگى ۇسىنىستار قاراستىرىلدى.
الماتى جوعارى باسقارۋ مەكتەبىنىڭ جانە «اسپانداۋ» عىلىمي-ءبىلىم بەرۋ قورىنىڭ پرەزيدەنتى قانات نۇروۆ الەۋمەتتىك-ەكونوميكالىق ساياسات جۇرگىزۋ, جەكەمەنشىك ينستيتۋتتار مەن قور نارىعىن دامىتۋ ماسەلەلەرىن قوزعادى.
