سونىمەن قاتار, قانات دانيار ۇلى وبلىستىق ماسليحات دەپۋتاتتارىمەن كەزدەسۋ كەڭەسىندە 9 اي ىشىندە اتقارىلعان جۇمىستارى بويىنشا بايانداما جاسادى.
دەپارتامەنت باسشىسى پوليتسيا دەپارتامەنتىنىڭ اعىمداعى جىلعى قىزمەتى وتكەن جىلدىڭ قاراشاسىندا ۇكىمەتپەن بەكىتىلگەن 2019-2021 جىلدارعا ارنالعان ىشكى ىستەر ورگاندارىن جاڭعىرتۋ بويىنشا جول كارتاسىنىڭ 9 نەگىزگى ءبولىمىن, سونداي-اق 2019 جىلعى 17 ساۋىردەگى – ىشكى ىستەر مينيسترلىگىنىڭ كەڭەيتىلگەن القا وتىرىسىنداعى ەل پرەزيدەنتىمەن بەلگىلەنگەن باسىم باعىتتاردى جۇزەگە اسىرۋعا ارنالعاندىعىن اتاپ ءوتتى.
پروفيلاكتيكالىق الدىن الۋ شارالارىنىڭ ناتيجەسىندە 9 اي قورىتىندىسىمەن جالپى تىركەلگەن قىلمىستار 2,3%-عا (3908-3817) تومەندەدى.
تىركەلگەن اسا اۋىر قىلمىستار (11,1%), ادام ءولتىرۋ (14,3%), توناۋ (38,4%), بۇزاقىلىق (32,8%), بوتەننىڭ مۇلكىن ۇرلاۋ (8,9%), سونداي-اق, كوشە قىلمىستارى (17,1%) تومەندەگەن.
جالپى تىركەلگەن قىلمىستاردىڭ 39%-ى (3817-1477) ۇرلىق قىلمىسى.
وسى قىلمىستاردى بولدىرماۋ ماقساتىندا بىزدەرمەن كىرەبەرىستەرگە, اۋلالارعا بەينەباقىلاۋ كامەرالارىن ورناتۋ بويىنشا كوپ قاباتتى ءۇي جانە كوممەرتسيالىق نىسان يەلەرىمەن كەڭىنەن ءتۇسىندىرۋ جۇمىستارى جۇرگىزىلدى.
ەسەپتى مەرزىمدە اقتاۋ جانە جاڭاوزەن قالالارىندا 600-دەن استام بەينەباقىلاۋ كامەراسى ورناتىلىپ, ناتيجەسىندە كامەرالار ورناتىلعان اۋدانداردا قىلمىستار مەن قۇقىق بۇزۋشىلىقتار تىركەلگەن جوق, وسىعان سايكەس پاتەر ۇرلىعى دا 16,8% – عا (416- 346) تومەندەدى.
سونىمەن قاتار, بەينەباقىلاۋ كامەرالارىن قوعامدىق كولىكتەرگە ورناتۋ ماسەلەسى بويىنشا اۆتوبۋس يەلەرىمەن وتكىزىلگەن كەزدەسۋدەن كەيىن, 93 اۆتوبۋسقا كامەرالار ورناتىلىپ, ناتيجەسىندە قالتا ۇرلىعى 4 ەسەگە قىسقاردى.
مال ۇرلىعىنىڭ الدىن الۋ, سونداي-اق انىقتاۋ مەن اشۋ ماقساتىندا مال يەلەرىمەن اۋىل-شارۋاشىلىعى جانۋارلارىن چيپتەۋ نەمەسە تاڭبالاۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلدى.
9 ايدا 30 مىڭعا جۋىق مال باسى نەمەسە جىلقى مالىنىڭ 45% چيپتەلدى. ناتيجەسىندە مال ۇرلىعى 28,6%-عا (42-30) تومەندەدى.
سونداي-اق وسى باعىتتارداعى ءتۇسىندىرۋ جۇمىستارى اتىس قارۋى يەلەرىمەن دە جۇرگىزىلىپ, 2018 جىل مەن 2019 جىلدىڭ 9 ايى ىشىندە ويىق قارۋدىڭ بارلىق يەلەرى (947 ادام) جانە 70%–دان استام تەگىس ۇڭعىلى قارۋ يەلەرى (4001 ادام) دابىل سيگناليزاتسياسىنا قوسىلدى. ناتيجەسىندە جىل باسىنان بەرى وبلىس بويىنشا اتىس قارۋىنىڭ ۇرلىعى تىركەلگەن جوق.
ەلىمىزدىڭ پرەزيدەنتى بەلگىلەگەن تاعى ءبىر باسىم باعىت ەسىرتكى بيزنەسىنە قارسى كۇرەس, ينتەرنەت ارقىلى, اسىرەسە جاستار اراسىندا ەسىرتكى تارالۋىنىڭ جولىن كەسۋ بولىپ تابىلادى.
وسى تاپسىرمانى جۇزەگە اسىرۋ اياسىندا, ينتەرنەت-كەڭىستىككە مونيتورينگ جۇرگىزۋ بارىسىندا ەسىرتكى قۇرالدارىن جانە ولاردىڭ انالوگتارىن جارنامالاۋمەن جانە ساتۋمەن اينالىساتىن 72 سايت انىقتالىپ, بۇگىندە ولاردىڭ قىزمەتى توقتاتىلدى.
ماڭعىستاۋ وبلىسى
