كاسىپقوي رينگتە ونەر كورسەتىپ جۇرگەنىنە ءۇش جىلدان اسا ۋاقىت بولعان جەرلەسمىز وسى قىسقا عانا مەرزىم ارالىعىندا ءوزىنىڭ مىقتىلىعىن مويىنداتىپ ۇلگەردى. 16 جەكپە-جەك وتكىزگەن ول سولاردىڭ بارلىعىن ءوز پايداسىنا شەشىپ, 12 قارسىلاسىن ەسىنەن تاندىردى.
سوڭعى رەت ءالي احمەتوۆ 6 قاراشادا اقش-تىڭ نيۋ-يورك قالاسىنداعى مەديسون سكۆەر گاردەندە رينگكە كوتەرىلدى. سول باسەكەدە امەريكالىق ەندريۋ ەرناندەستى 44 سەكۋندتا ۇرىپ جىعىپ, WBC International Silver نۇسقاسىنىڭ التىن بەلبەۋىن وزىندە قالدىردى.
وسى جەڭىسىنىڭ ارقاسىندا قازاقستاننىڭ جاس ورەنى WBC نۇسقاسىنىڭ الەمدىك رەيتينگىندە بىرنەشە ساتىعا جوعارلاپ, بۇل كۇندەرى ول «توپ-15» بوكسشىنىڭ قاتارىنا قوسىلدى.
