بۇل ويىندا ەسەپتى قوناقتار اشتى. 6 مينۋتتا دەنيس پارشين باعىتتاعىن شايبا قاقپا تورىنان تابىلدى. ەكىنشى كەزەڭ بەل ورتاعا جەتكەن تۇستا ايدىن يەلەرى تارازى باسىن تەڭەستەردى. بۇل جولى «بارىستىڭ» قورعاۋشىسى داررەن ديتس مەرگەندىك تانىتتى. الايدا 33 مينۋتتا ماكسيم ماتۋشكين «مەتاللۋرگتى» العا شىعاردى – 2:1. ودان كەيىن بۇل ەسەپ وزگەرگەن جوق. وسىلايشا, جەرلەستەرىمىز قاتارىنان ءۇشىنشى كەزدەسۋدە جەڭىلىستىڭ كەرمەك ءدامىن تاتتى.
قازىر «بارىس» ءوز كونفەرەنتسياسىندا ءتورتىنشى جانە تۇراقتى بىرىنشىلىكتە جەتىنشى ورىندا كەلەدى. ءبىزدىڭ حوككەيشىلەر وسى كۇنگە دەيىن 22 كەزدەسۋ وتكىزىپ, 29 ۇپاي جيدى. ولار ەندى ءوزىنىڭ كەلەسى باسەكەسىن بۇگىن نۇر-سۇلتاندا ەكاتەرينبۋرتىڭ «اۆتوموبيليست» كلۋبىنا قارسى وتكىزەدى.
