زاڭ جۇزىندە قانشا قاتال شارالار قولدانىلىپ جاتسا دا, جەڭ ۇشىنان جالعاسقان سىبايلاس جەمقورلىق ارەكەتتەرىنە تولىق توسقاۋىل بولار ەمەس. اتىراۋداعى سىبايلاس جەمقورلىققا قارسى قىزمەت جىل باسىنان بەرى 116 قىلمىستىق قۇقىق بۇزۋشىلىقتى انىقتادى. اسىرەسە مەملەكەت قارجىسىن تالان-تاراجعا سالۋ, پارا الۋ سەكىلدى كەلەڭسىز جايتتار ءجيى ورىن الىپ وتىر.
–بيىلدىڭ وزىندە 44 ادام قىلمىستىق جاۋاپكەرشىلىككە تارتىلدى, – دەيدى سىبايلاس جەمقورلىققا قارسى ءىس-قيمىل اگەنتتىگىنىڭ وبلىستاعى دەپارتامەنتىنىڭ باسشىسى نىعمەدجان ساپاروۆ. – تىركەلگەن قىلمىستاردىڭ 55-ءى ءبىلىم سالاسىنا, 15-ءى اۋىل شارۋاشىلىعىنا, 11-ءى مادەنيەت, سپورت, 6-ۋى الەۋمەتتىك قامسىزداندىرۋ, 16-سى كاسىپكەرلىكتى قورعاۋ سالاسىنا تيەسىلى. مەملەكەتتىك باعدارلامالارداعى قاراجاتتى جىمقىرۋ دەرەكتەرى بويىنشا 36 قىلمىس انىقتالدى. سونداي-اق جەرگىلىكتى اكىمدىكتە 85 سىبايلاس جەمقورلىق قىلمىسى اشكەرەلەنسە, مەملەكەتتىك ساتىپ الۋ زاڭناماسىن بۇزعان 44 دەرەك بەلگىلى بولدى. وسىلاردىڭ بارلىعىنىڭ كەسىرىنەن مەملەكەتكە 273,4 ملن تەڭگە زالال كەلتىرىلىپ, سونىڭ 99%-ى كەرى ءوندىرىلدى.
بيىل «Transparensy International Kazakhstan» ۇيىمى ەلىمىزدەگى سىبايلاس جەمقورلىق دەڭگەيىنىڭ تارالۋىنا, وسى كەسەلگە بەيىم سالالار مەن مەملەكەتتىك ورگاندار جونىندە ارنايى زەرتتەۋ جۇمىسىن جۇرگىزگەن. الەۋمەتتىك ساۋالناما قورتىندىسى, اسىرەسە دەنساۋلىق ساقتاۋ سالاسىندا, پوليتسيا ورگاندارىنىڭ قىزمەتى مەن جەر قاتىناستارى سالاسىنداعى سىبايلاس جەمقورلىق تاۋەكەلىنىڭ جوعارى ەكەنىن كورسەتكەن. «وسى تاۋەكەلدەردى جويۋ ماقساتىندا اگەنتتىكتىڭ اتىراۋ وبلىسى بويىنشا دەپارتامەنتىمەن «اتىراۋ – ادالدىق الاڭى» جوبالىق كەڭسەسىنىڭ, «ادال جول», «ساپالى جول», «سانالى ۇرپاق», «اشىق بيۋدجەتتەردىڭ ينتەراكتيۆتى كارتاسى», «بيزنەستى سىبايلاس جەمقورلىققا قارسى سۇيەمەلدەۋ» جوبالارىنىڭ قىزمەتىن ۇيلەستىرۋ جۇمىستارى جۇيەلى جۇرگىزىلىپ وتىر», – دەيدى نىعمەتجان ساپاروۆ. مىسال ايتار بولساق, شىلدە, تامىز, قىركۇيەك ايلارىندا «ادال جول» جوباسىنىڭ جۇمىسشى توبىمەن تەمىر جول سالاسىنداعى سىبايلاس جەمقورلىق كورىنىستەرىن جويۋ ماقساتىندا «اتىراۋ-الماتى», «مانعىشلاق-اتىراۋ», «اتىراۋ-اقتوبە», «اتىراۋ-نۇر-سۇلتان» جانە «تاشكەنت-ۋرگەنچ-ساراتوۆ» باعىتتارىنداعى پويىزدارعا 12 رەت رەيدتىك ءىس-شارا ۇيىمداستىرىلعان. ناتيجەسىندە, بيلەتسىز پويىزعا مىنگەن 5 جولاۋشى, 50 كگ زاڭسىز تاسىمالدانعان جۇك, 2 تەحنيكالىق كەمشىلىك انىقتالىپ, 5 جولسەرىككە قاتىستى اكىمشىلىك حاتتاما تولتىرىلدى.
«بيزنەستى سىبايلاس جەمقورلىققا قارسى سۇيەمەلدەۋ» جوباسى اياسىندا «KAZAKH INVEST» اق اتىراۋ فيليالىمەن, اتىراۋ وبلىستىق كاسىپكەرلىك پالاتاسىمەن بىرلەسكەن جۇمىستاردىڭ ناتيجەسىندە كاسىپكەرلەردىڭ 171 ملرد 109 ملن 900 مىڭ تەڭگەنىڭ 13 ينۆەستيتسيالىق جوبالارى قورعاۋعا الىندى. كاسىپكەرلەردەن تۇسكەن 17 ءوتىنىشتىڭ 15-ءى قاناعاتتاندىرىلدى. كاسىپكەرلەرگە كوپ جاعدايدا جەر تەلىمدەرىن الۋ, كەڭەيتۋ, سۋبسيديا الۋ جۇمىستارى كەزىندە قيىندىقتار تۋىندايتىنى انىقتالدى. «ياعني, كورسەتىلگەن جاعداي «Transparensy International Kazakhstan» ۇيىمىنىڭ زەرتتەۋىندە جازىلعان جەر قاتىناستارى سالاسىنداعى سىبايلاس جەمقورلىقتىڭ دەڭگەيى بويىنشا مالىمەتتەرمەن سايكەس كەلەدى», دەيدى دەپارتامەنت باسشىسى.
سوڭعى كەزدەرى اتىراۋداعى دەنساۋلىق ساقتاۋ سالاسى ءجيى سىنعا ىلىگىپ كەتتى. كادر جەتىسپەۋشىلىگى, مەديتسينالىق قىزمەت كورسەتۋدىڭ تومەندىگى, ازاماتتاردىڭ قىزمەت كورسەتۋ ساپاسىنا كوڭىلدەرى تولماۋى بۇل سالاعا قويىلاتىن سىننىڭ جۇگىن اۋىرلاتىپ وتىر. «اتىراۋ – ادالدىق الاڭى» جوبالىق كەڭسەسىنىڭ قىزمەتكەرلەرىمەن جۇرگىزىلگەن مونيتورينگتىك جۇمىستار بارىسىندا دا ولقىلىقتار انىقتالعان. ايتالىق «اتىراۋ– ادالدىق الاڭى» جوبالىق كەڭسەسى قىزمەتكەرلەرى وبلىستىق سىبايلاس جەمقورلىققا قارسى قىزمەت دەپارتامەنتىنىڭ جانىنان قۇرىلعان ارنايى مونيتورينگتىك توپتىڭ مۇشەلەرىمەن بىرلەسىپ, تامىز ايىندا وبلىستىق دەنساۋلىق ساقتاۋ باسقارماسىنا قاراستى وبلىستىق بالالار اۋرۋحاناسىندا مونيتورينگتىك جۇمىستار جۇرگىزدى. سول كەزدە اۋرۋحانا قىزمەتكەرلەرىنىڭ زەينەتاقى جارنالارى زەينەتاقى قورلارىنا تولىق جانە ۋاقىتىلى تۇسپەيتىنى بەلگىلى بولعان. اتالعان دەپارتامەنت ءوز كەزەگىندە انىقتالعان كەمشىلىكتەر بويىنشا شارا الۋ جونىندە ۋاكىلەتتى ورگاندارعا ۇسىنىس جولداپ, ناتيجەسىندە «اتىراۋ وبلىستىق بالالار اۋرۋحاناسى» شارۋاشىلىق جۇرگىزۋ قۇقىعىنداعى كوممۋنالدىق مەملەكەتتىك كاسىپورنىنا ايىپپۇل تۇرىندە 2 500 003 تەڭگە ايىپپۇل سالىنىپ, قىزمەتكەرلەردىڭ زەينەتاقىلارى تولىعىمەن اۋدارىلدى.
سىبايلاس جەمقورلىققا قارسى كۇرەسكە باعىتتالعان جۇمىستار مۇنىمەن شەكتەلمەيدى. جاڭا جوبالار مەن تىڭ باستامالار قوعامنىڭ كەلەڭسىز كورىنىسىنىڭ الدىن الۋدى ماقسات ەتىپ وتىر.
اتىراۋ
